ماركيز 2004 ليمتد ... نصايحكم

بالبدايه ابارك لك شراء السياره والله يعطيك خيرها ويكفيك شرها

وعند شراء اي سياره الامور التاليه يجيب تغيرها تلقائيا :smile:

1- زيت المكينه.

زيت المكينه(بالنسبه لي اغير سوبر موبيل xhb 15/40 ) وتشيل 6 علب مع تغيير الفلتر وبدون الفلتر 5ونص

الفلتر (السيفون ) افضل شي الاصلي (موتر كرافت) MOTOR CRAFT والافضل تشتريه من الوكاله لانه ارخص من البناشر واصلي مضمون ان شاء الله وسعره بالوكاله ب 15 ريال وبالبناشر 25 ريال

والافضل تغير كل 3-5 الاف كم

2- زيت القير
زيت القير الافضل تاخذ النوع الاصلي موتر كرافت سعر العلبه اعتقد ب 12 ريال
وفيه نوع تجاري ب 5 ريال لكن الاصلي المخصص لها هو الافضل
والفلتر خذ الاصلي سعره ب 45 ريال تقريبا

والافضل تغيره كل 35 الف كلم

3- ماء الرديتر خذ الاصلي موتر كرافت ب 45 ريال +8 علب مويه مقطره(بطاريه)

4- صفاية البنزين وسعرها ب 35 ريال

وبكذا ان شاء الله هذي الاشياء الضروري استبدالها عند شراء اي سيارهـ

وفيه نصيحه ايضا زياده على كلام اخوي لانه ماخلى شئ ما ذكره الله يوفقه انا احيانا عند الفوق تحب يعني عند المديور ادعس عليه لين يزحف اذا انا طفشان وطلع فيه صوت خفيف في الكارونه بس انا انصحك بشويش القياده وزيت الدفرنس لاتفكر تغيره حاول انك تشيك عليه وتغيره من الوكيل وسعر اللتر حوالي 60 ريال زيت الدفرنس بس هو الزيت الصح اما الي عند البناشر عندهم زيت يعدم عليك الدفرنس .

الله يبارك فيك اخوي شاكر لك هذي النصايح القيمه وان شاء الله بتكون القطع كلها من الوكيل المعتمد

دمت بكل المحبة ،،،

اشكر لك مرورك ونصيحتك على راسي وهذا اللي انا ابي اسويه

دمت بكل المحبة ،،،

هلا أخوي، مبروك عليك الموتر يعطيك خيره ويكفيك شره، الزيوت شي اساسي تغيرها، المكينة تاخذ 6 علب مع السيفون انا احط لموتري بترومين الي علبته بيضاء وستكر ازرق يقعد معي 5 آلاف الى 7 آلاف كيلو على حسب رجلي، ونصيحة اشتر السيفون من الوكالة تراه ب12 والي عند المشاحم تجاري وغالي وكمان غير فلتر الهوا (وكالة)، غير زيت القير مع الفلتر مع وجه الكارتير الظاهر انه 5 او 6 علب وزيت القير لا تاخذه الا من الوكالة نوعه موتور كرافت.
والهيدروليك خله شغال لا تطفيه، وبشويش فوق المطاب.

واي استفسار انا حاضر.