أمانتكم تردون علي لأني محتار بين الكراون فكتوريا2009 والكابريس LS2009

اشكر كل الأعضاء إللي ردوا علي جمبعا

وماأقوله لهم

اللهم أني اسألك ياالله أنت ترزقهم وتسعدهم وتوفقهم في الدنيا والأخرة
وتجعل كل مايتمنونه بين أيديهم

أنا بصراحة وقع أختياري على الكابريس

لكن احترت في اللون

لكن سؤالي هل احصل لون أسود من برا وبيج من جوة

ولكم مني تحيتي الخاصة

حبيبي فكتوريا وانت مغمض

والله وانا اخوك انصحك بالكابريس لعدة اسباب....اهم واحد منها الامان..ترا الامان بالسيارة اهم شئ...خصوصا اذا كنت متزوج وعدنك عيال الله يحفلضهم ان شاء الله....ثاني شئ اقوى وارسى من الفورد....وهذا الواقع..والله يوفقك باللي تختاره والله يعطيك خيرها ويكفيك شرها مسبقا....تقبل مروري المتواضع

خذ كرولا اصرف من الفووووووورد
الكابرس بلا مناااااااااااافس

الكابريس الحين احسن جوده من قبل بكثير وشوف
محلات التأجير صار الحين عندهم كوابرس ماهو زي اول يعني يدل علئ التحسن
والكابريس راسي في الخط
تحياتي لكم:xyxwave:

شوف ياخوي

انت وش ودك فية
ودك بي الكروان فكتوريا خذها
تبي كابرس خذها

الا نفسك فية خذها

مثل انت في نفسك كابرس وخذيت فكتوريا كل ماتشوف كابرس تنقهر تقول ياريت انا شارية
وعكس الكلام

الا نفسك فيها خذها

اذا كانت سواقتك مثل ما تقول فخذ الكابريس لان هذا النوع من القياده هو اللي تحتاجه الكابريس
و نصيحه خذها من اخو لك رح لمحلات الايجار و استاجر الكابريس و الفورد لمدة معينه و احكم بنفسك احسن لك من كلام الناس اللي لا يجيب و لا يودي
بالتوفيق لك ان شاء الله

السلام عليكم
اسمعني زين ياحبيبي وحط كلامي حلقه في اذنك { شايب ينصح ولده هههه} عن جد ركز في كلامي
أولا :- الفكتوريا طبعا عملي ويخدم معاك فترة طويلة جدا { 15 سنة } اذا استخدمته بهدوء , اما لو تكرفه { استخدام كثير من غير رحمة } برضوا يدوم معاك إلى 8 سنوات تقريبا .
ثانيا :- الكابرس شكل ومنظر جذاب جدا اكثر من الفكتوريا بصراحة , حتى في حجم السيارة الكابرس طبعا افضل لانه صغير شوي وايضا الديكور الداخلي رائعة ,
بس الكابريس بشكل عام ليس سيارة عملية جدا او بمعنى اصح { ليس حق كرف } .

والمهم في السيارتين ان الفورد قطاع الغيار ارخص من الشفرليه بكثير

انا ارجح كفتي للفورد بكل تاكيد لانه الافضل

.:. عندي نصيحة اخيره :-
لو تشتري لك فورد رياضي سبورت قير ارضي من موديل [ 2005 - 2008 ]
و ان شاء الله بتلقى نظيف
واذا اشتريته صدقني انك بتنسى الكابريس للابد .... ليش ؟
لان قير ارضي مثل لكابرس والديكور افضل من الفورد العادي بكثير وافضل من الكابريس حتى
وى تنسى ان مكينة القير الارضي اقوى من الكابرس بمراحل .

وتقبل مروري
شـــــــكــــــــــــراً

السلام عليكم

شف أخوي بتمنالك نفس اللي أتمناه لنفسي مع أن الكابرس شكلة حلو وعزمة قوي ولاكن خذ الفورد السيارة عملية أكثر والله يوفقك بإختيارك للسيارة.

أنا في نظري الكابرس وإذا كان LTZ وفوق هو الأفضل

والفورد يقولون يخدم وهذا الصدق إنه يخدم لأني كديته وتمام معي لكن كان معي كابرس LTZ واستخدمته كان معي تمام التمام وربي ما أشنك من شيء لكن ما طول معي أنسرق مني وهو ماشي 19 ألف لكن ما أقول إلا حسبي الله على من سرقة

تحياتي

تبي ترتاح مع موتر يكد معاك بدون مشاكل ان شاء الله
عليك بالكراون
و هو يتميز عن الكابرس
1- التحمل
2- قطع غيار رخيصه و متوفره
3- يمسك قيمته اكثر من الكابرس
اما الكابرس يتميز
1- شكله عصري و جديد
2- قوه المكينه و بما انك بتاخذ 6 سلندر فما راح تستفيد من هالنقطه

فأنا انصحك بالكراون فكتوريا

اخوي اهم شي راحتك .. شوف جرب سيارتين اللي ترتاح لها اكثر وتشوفها افضل لك خذها...

وبالتوفيق لك ...

والله اخوي بالكابريس احسن راحه وفخامه مو الفوورد اللي قااهرني من 12 سنه ولا شي تغير بس يسكتونا رفرف امامي توسع و لا ديكور تغير اصلا المفروض خلاص 2009 سو شاشه شي يبرد ولا شي صدق من قاال حمااااار مكدة مااقوول الا الكابريس ... وتوكل على الله....

أسأل الله العظيم أن يوفقك ويسعدك ويرزقك دنيا وأخرة
وأشكرك لمرورك على موضوعي
ومشورتك على العين والراس
ومالنا إلا الإستخارة

ولكن ماخاب من استشار

هلا اخوي هانز

شوف اخوي انا انصحك بالفورد الفكتوريا ماشاء الله اخوي معاه وماشاء الله زي الفل
وانا انصحك فيه عملي وقطع غياره تمام ووكليه تمام
خذ الفكتوريا لك وللزمن يتحمل الكد ومريح على الخط ومكيفه 100%100
والله يوفقك ويكتبلك الخير
ومبروك مقداما :smile:

أسأل الله العظيم أن يوفقك ويسعدك ويرزقك دنيا وأخرة
وأشكرك لمرورك على موضوعي

وبارك الله فيك على مشورتك الرائعة

,وبالنسبة للون الفضي فهو اختياري وخصوصا الفضي المعدني

أسأل الله العظيم أن يوفقك ويسعدك ويرزقك دنيا وأخرة
وأشكرك لمرورك على موضوعي

وبارك الله فيك على مشورتك الرائعة

الفورد سياره زمنيه وخطيره ومرييحه لابعد درجه من ناحيه القياده وصرف البانزين وقطع الغيار رخيصه وتنباع بالبقالات ..

الكابرس سياره سبورت شوي حلوه بس الفورد اريح منه بمراااااااااااحل ..

اخيرآإ : تصويتي لـ/ كرآإون فكتوريآإ ..

<< لو انا في محلك اخذ مآإركيز >>
وموووفق يا رب

اخوي هانز
اول شي الله يكتب لك اللي فيه الخير يارب
وانا بصراحه اشوف بعض الردود مصدرهم وكاله يقولون وهذا يدل على ان اغلب الكلام كله خالي من الصحه
شوف يالغالي اذا جاك احد وقالك الكابريس يقولون فيه وفيه ولا الفورد يقولون فيه وفيه فتأكد ان ماعنده الا الدجه والخنبقه لانك اذا بتسمع لوكاله يقولون وربي لو تبي تشتري بانوراما بيجيك ناس وبيقولون لك البانوراما يقولون ان فيه وفيه من المشاكل ويقولون ان ينقلب على سرعه 160 <<--= هاذي قويه

شوف يالغالي والله انا ما ابي لك الا كل خير وربي يشهد

انا جربت الفكتوريا وعاشت معي تقريبا اكثر من سنتين وبعتها وشريت كابرس والحين له تقريبا حول ال 3 سنوات

بقولك بكل امانه الفورد يتميز بشغلتين بس ان مراتبه مريحه وتقدر تصلحه في اي مكان بس هاذي مميزاته فقط لا يجيني واحد يخنبق عليك ويقولك الفورد ما يخرب ومدري وشو وكلام فاضي

انا كان معي ومرت عليه فيه بعض المشاكل بس مثل ماقلت لك كنت اقدر اصلحه في كل مكان
والان معي كابريس وراح اقولك وش اللي يتميز فيه الكابريس
1- شكله اجمل بكثير من الفورد بحكم ان شكله جديد والفورد له اكثر من 10 سنوات نفس الشكل
2- الكابريس فيه تقنيه رائعه جدا ونظام كمبيوتر يريحك ويخليك تسوي كل شي مثل ما تحب بينما هالشي مفقود فالفورد
3-الكابريس ارسي من الفورد وهالشي من واقع تجربه ومواقف مرت علي في القياده على سرعات عاليه
وشوف يالغالي والله يشهد لو انا مكانك راح اختار الكابريس
انا لي قرابه ال 3 سنوات معي الكابريس الحمد الله ما شفت منه الا كل خير ولا مر عليه فيه مشاكل الا مشكله بسيطه فالسلف حق المفتاح وصلحوه على الضمان ومن بعدها ولله الحمد ما شفت منه الا كل خير ولا مرت علي فيه مشاكل الا اشياء بسيطه لا تكاد تذكر
وبعدين في شغله مهمه اخوي وهي انك راح تاخذ الكابريس جديد من الوكاله يعني لو لا قدر الله صارت فيه مشكله ولا شي فالوكاله تصلحها لك على الضمان على طول وانت مثل ماقلت ان سواقتك هاديه ومنت راعي سرعه ومطامر على المطبات وعدم اهتمام بالسياره يعني ان شاء الله ماراح تشوف منه الا كل خير
عموما انا عارف اني طولت فالكلام بس والله لانك انسان باين عليك ماكتبت الموضوع الا تبي الفزعه لجل كذا انا حبيت اني اساعد فاللي اعرفه

وفالنهايه ماراح يسوق السياره ويستمتع فيها الا انت واذا تبي نصيحتي
استخر ربك
وروح لوكاله فورد اللي هي توكيلات الجزيرة واركب الفورد وشوفه من الداخل ومن برا وتفحصه بالكامل وفالمقابل روح لوكاله بالبيد او التوكيلات (إللي هم وكلاء للشفر) واركب الكابريس وشوفه من الداخل وتفحصه بالكامل وشوف اللي انت ترتاح له وتوكل على الله واشتره ولا عليك من القيل والقال ووكاله يقولون

الله يكتب لك اللي فيه الخير


تحياتي