تكفون ياجماعة وش الحل

[هام]

يا أخوان بارك الله فيكم شاري لي أوبيروس 2006 ماشية 20000ألف كيلو وطلعت مصدومة ،وحسبي الله على اللي باعني إياها وغشني فيها ، المهم طالع لي صوت جهة الكفر الأيمن الأمامي مع أي مطبات خفيفة أو أرضية غير مستويه ، ووديتها لورش كثيرة وكلهم يقولون ما في شي مبين معانا المساعدات سليمه والمقصات بعد سليمه ، مع إن الكمر فيه طعجة صغيرة من الحادث لكن قالوا الصوت ماهو منه، وأبغى أحد يفيدني وفقكم الله ، أما المشكلة الثانية فهي إنه في صوت صفير أحيانا إذا وصلت سرعة السيارة 80ك فأكثر وأحيانا ميطلع ها الصوت ، وما أدري هل هو من القير أو من شي ثاني؟؟؟؟؟ أرجو الافادة
وشكرا لتواصلكم ...

[KASER MOTO]

الله يعينك

والله يحاسب اللي باع لك الموتر
( من غشنا فليس منا )

طيب ودها الوكالة يمكن يكون عندهم الحل

[فهد بن عبد الله]

اخوي بخصوص الصوت الي مع المطبات
سو لها غسيل بستم زيت وان شاء الله يروح الصوت
وان ما راح سو لها تربيط
اما صوت الصفير فهذا ممكن الجلد حقت البيبات يبي لها تغيير <<هذا افتراض لـ انك ما اشرت من اين يأتي الصوت

تحياتي

[هام]

أشكر تواصلكم، الوكالة قالو بنغير المساعدات ووالمقصات لكن ماندري هل يروح الصوت أولا
وطبعا إنتو عارفين نصب الوكالات ، أما بالنسبة للصوت يا أخ فهد بارك الله فيك أعتقد إنه من القير.