انا عندي 2,7 بدون فتحه موديل 2010 طلعت علي 80000 ريال سعودي من المجدوعي
هذي موديل 2009 لان موديل 2010 لسا مانزل دول الخليج ولا امريكا بس نزل اوروبا و شرق اسيا
إلي عندك 2009 بس الدفعة الاخيره و مافي شي مختلف عن 2009 و على ما اتذكر صناعتها 3/2009 و السنتافي الجديده دائما تصنع بالثلث الاخير من السنة يعني حتى تكون موديل 2010 لازم تكون مصنعة بعد شهر 9/2009
اما بخصوص اخونا صاحب الموضوع Slide فالسنتافي في منها 2.7 او 3.3 و المجدوعي اصلا ماجاب 3.3 بس الوعلان و الناغي جابها و الناغي جاب 3.3 كمية بسيطه كطعم و فخ للزبائن و كمية كبيره من 2.7 بس سوي إعلان خصم حتى 20 الف قام خفظ سعر ال 3.3 إلي كان سعرها فل عنده ب113 الف و سواها فل ب90 الف اما ال2.7 ما سوى عليها خصم و المفروض حسب الإعلان انه يسويها على الاقل ب75 الف فقامت الناس تقول مسوي خصم حلو و تشتري سنتافي 3.3 لين ما خلصت و نزل على 2.7 إلي مفروض يسوي عليها خصم و يبيعها ب 75الف بس صار يبيعها ب89 و يربح فيها و ماحد مهتم اصلا انها 2.7 او 3.3 بس يقلك مسوي خصم و الكل يشتري حسب الاعلان بس الرجال يبيع ال2.7 بسعر 3.3 لان اربحله
اما الوعلان ففكر صح و كان عنده كميه كبيره من 3.3 بس سعر الفل عنده كان ب110 الف و نزلها بعدين ل107 الف بس طبعا كان يبيع 2008 على اساس انها 2009 لين ما خلص الموديلين و الان قاعد يبيع بال2.7 اغلى من الناغي و المجدوعي.
اما بخصوص موديل 2010 إلي هي اصلا 2009 بس الدفعة الاخيره فالوعلان جابها 3.3 بس مافي منها فل و موجوده بالمعارض و بمعارض النسيم عند معرض الفلاح ب87 الف بكراسي قماش و بدون فتحه و لسا ما نزلت عنده و المجدوعي جابها بس 2.7.
للاسف في كثير من الناس ما تنتبه لموضوع تاريخ صناعة السيارة و تمشي عليهم انها موديل جديد بس هي تكون اصلا موديل السنة الماضيه و الوكلاء يسولك الاستماره موديل السنة و ماعندهم مشكله فالمهم التاريخ المكتوب على السيارة مو تاريخ المكتوب بالاستماره.
الوعلان عنده الان 3 سنتافيات و وحده خضرة و وحده عوديه و وحده سوده فالعوديه و السوده نفس تاريخ الصنع و اثنينهم موديل 2008 اما وقت تسأل المندوب يقلك السوده 2009 و العوديه 2008 فسبحان الله و نفس تاريخ الصنع ترى و إلي يبغى يتأكد يروح يزورهم و يسألهم و راح تشوف الغش و التلاعب بعينك و نفس الموضوع عند المجدوعي مسوي خصم خاص على الفيراكروز و يقلك موديل 2009 و اصلا المجدوعي ماجاب فيراكروز موديل 2009 و إلي عنده كلها موديل 2008.
انتبهوا يا اخوان من تلاعب الوكلاء و ماتصدق المندوب ولا كلامه و اعتبر المندوب إلي قدامك كذاب الى ان يثبت عدم ذلك بعد ما تتأكد بعينك.
