ماهي السياره اللي عذبتك بالتصليحات ؟ سولفوا لنا

حياك الله
أولا: الحرارة المرتفعة التي بسببها حصلت أعطال كثيرة
ثانيا: الكهرباء
ثالثا: أضواء لوحة القيادة (احتراق متكرر)
رابعا: عوامة البنزين
خامسا: الكاربوريتور
ولقد تذكرت شيئا ذا علاقة إذ أنني مرة ذهبت لتغيير قماشات المكابح لهذه السيارة إلا أن الميكانيكي أصر أن يخرط البلاطات (اسطوانة الكبح) ولم يكن عنده شكل المفك السباعي فاستخدم المطرقة وسنبك (ازميل صغير) في فك البراغي.:confused1: تخيلوا أيها الأخوة شخص يستخدم المطرقة في فك البراغي:c0038:
وهناك أشياء أخرى لاأذكرها لأن أبي باع السيارة منذ سنوات عديدة

تركي 11

الحمدلله على سلامتك و ربي يعوضك عن السوناتا بـ جينسيس ان شاء الله :) ..

مشكورين اخواني على تفاعلكم مع الموضوع :)

^^^^^^^^^

ههههههههههههههههههههههههههههههههههههه

والله مادري وش اقول اضحك ولا ازعل ولا وش اسوي

بس انت كيف استخدامك للسياره ؟ القير مع كثر الزرزره يودع بسرعه

الحمد على سلامتك يا تركي 11 والحديد يتعوض

اما انا وش احكي قل وش تبي اسولفلك عنه قلي اي موتر كان معي بيوك 84 شريته 6000 ريال في عام 2000 شريته بس مزاج وخسرني في تصلحاته لانه موتر مستعمل وتقريبا كلفتني ريال2000 بس البدي حقه ما شا الله نظيف ويقعد عندي فوق السنتين بدون ما يشتكي الا وذاك اليوم وتمسك على تخميس و اخمس الا ان جاوب القير واروح وادورلها قير ومالقيت له الا بطقاق ولقيته ب 2500 وقلت اغلى من الموتر وابيعه الموتر بكبره ب 2800

وبعده جا معي كابرس 91 حقت الوالد مطلعها على وكالتها وتقعد معي سنه وثم عطيتها السواق وطولت مع السواق والله الكابرس عاش فتره طويله معنا تقريبا لدرجه انها انظمت معنا في بطاقه العائله والله انكرفت فوق 15 سنه بس من خذتها قبل سنه كان موتري في الورشه قلت اباخذها اقضي مشاوري واول ما خذتها ويخبط القير ووظبته وثم بعدها حراره وازين واعدل وثم بعدها تهريب زيوت وصلح لين ما عاد يبنبغا واللحين له شهر موقف في المعارض محد شراه من قوته الشريطيه يناظرونه ويخلونه

اما الكامري2004 طلعتها وكاله من ابوجميل قالولي العالم اشترها صبوره ما تخرب صارت نعولي تصبر اكثر منها اول سنتين من شريتها حلوه وبعدها جاوب القير ((الا وابوي يصفقني ويقول ان عندك ازمه من هالقيور ما تعرف تسوق والله ما انسى ذاك اليوم حتى اخوياي صارو يخافون مني علشان ما اخذ مواترهم ))وبعدها صلحت القير اللي الى يومك احس انها ما زان وبعدها مشيت عليها للشرقيه وفي الخط حسيت ان الدركسون مو طبيعي والموتر كنه ما يبغا يمشي وانزل واشوف الكفرات وصار كفر سيده والكفر الثاني لاف يمين يعني واحد من الاذرعه جاوب وانفك وبعدها الدوده وما ادراك ما الدوده كل يوم تنقص زيت دركسون وازود الين الموتر مل وزانت لحالها وبعدها قبل شهر الحراره لعبت عندي وغيرت بعض الخراطيش والليات اللي كانت تهرب وغيرت بعد طرمبه الزيت


مع اني صراحه اقول الاعتماديه والاستخدام في الياباني الا ان العشق والقلب للامريكي

تركي11

الحمد لله على السلامه

بس كل اللي واجهك يعتبر سوء استخدام

تبغون تسألون عن الخرابات اسألو عن اليوكون حق الوالد :rolleyes1:

موديل 96 مدري ايش عاجبه فيه

غير طرمبه 6 او 7 مرات

وضب القير والمكينه مدري كم مره وركب مكينه 99 والحين القير نمرتين بس [ اول وثاني ... وحده 60 كيلو ههههه :bigggrin: ]

بس السياره خدمت في البدايه بإستثناء الطرمبه

مشكوووووووووووور اخوي

انا كان معي سوناتا 2009 رصاصي نص فل وآخر شي مشت 11الف كيلو تقريبا المم من اول اسبوع طلعت فيه السيارة صار علي حادث من جهة الرفرف

بعدالحادث على طول وديت الموتر للوكالة وغيرت الرفرف كامل وبعد ماطلعت الموتر من الوكاله

ماشي معي الموتر تمام :xyxthumbs: الين ما جاني شايب معه كابريس قديم كله حديد x حديد كان ملبق وانا كنت

ماشي كنت فاك الفرامل ومخلي السيارة تدحدر وفجأة رجع علي وعفط الباب الخلفي انا وقفت

السيارة ونزلت ناوي اللي صدمني بأتضارب معه :mad1: (عاد كنت توني مطلع السيارة من الوكاله)

بس يوم شفته شايب قلتله خلاص توكل على الله الله يستر عليك :xyxwave: وبعدها بشهر تقريبا خذا اخوي

المفتاح مني كان بيروح يصلي الجمعه وكان مواصل ذاك اليوم المهم يوم خلص من الصلاة طلع

ومشى بالسيارة ويجي واحد ويحك في الصدام الخلفي من الجنب حكه بسيطه ومشى رجع اخوي

البيت وخذيت المفتاح منه ولا قالي انه فيه واحد حك فالسيارة المهم خذيت السيارة طلعت فيها

مشوار ورجعت للبيت وانزل من السيارة واشوف الحكه اللي فالصدام وادخل البيت واعصابي زفت :a1120(82):

وادور على اخوي لقيته قاعد مع امي وبعدين قالتلي امي السالفه ومشيت وخليته بعدها بشهرين

تقريبا نفس الحكايه اخذ مفتاح السيارة اخوي وانا نايم وطلع فيها مشوار ويطلعله واحد ويصدم

فالسيارة فالرفرف نفس جهة الصدمه الاولى لكن خفيفه ورجع وقال لي وقلتله حصل خير تتصلح

انشاء الله وبعدها كل ماجيت ابغى اصلحها انشغل او يصير لي ضرف الى يوم جا قريب العيد وقالو اهلي

بنسافر ثاني يوم فالعيد انشاء الله الساعه 3 الفجر قلت اوكي منها اجرب السيارة

فالخط ومنها نستانس هناك انشاء الله بس الله ماكتب لنا نصيب :c0038:

مشينا الساعه 3 الفجر تقريبا مجموعه مكونه من 3 سيارات وقدر الله علينا وصار لنا حادث فالطريق

بعد تقريبا 100 كيلو لف علينا واحد كانت سيارته جيب لاند كروزر وتقلبنا تقريبا 3 او 4 قلبات

بالسوناتا بس الحمد لله مافيه اصابات الا شخص واحد احنا كنا 5 اشخاص والحمد لله كانت اصابه

خفيفه والسيارة راحت فيها والحين السيارة مافيه امل في تصليحها اخرتها تشليح :emot78: والحين انا قاعد

بدون سيارة والسالفه هذي حقت الحادث الاخير صارت لي قبل 5 ايام تقريبا او 6 بس كل اللي

اقوله الحمد لله ان الله سلمنا من هذاك الحادث والسيارة كانت مصكوكه بعين ماصلت على النبي :a120(13): وبس هذي سالفت السيارة اللي عذبتني

وانشاء الله بعد كم اسبوع بأشتري سيارة جديده :bigggrin:

الله يعين بس على هالسيارات .. القديم ما وراه الا الغثا لكن الشكوى لله

سبحان من كرهني فيها هالدودج

ماهضمتها بكل موديلاتها :confused1:

والله السيارة الوحيدة اللي جننت العائلة ككل
هي الهوندا الاوديسي الله يحرقها .......

ذاك اليوم الوالد شاف الاوديسي موديل 2001 وتغير شكلها وحجمها صار اكبر
بدا يفكر ويستشير المهم شرينا الهوندا اوديسي وأول سنة زي الحلاوة
وبعد سنة او سنة ونص يخبط الجربكس
رحنا للوكالة قالو على الضمان قلنا الحمدلله
وبسم الله من جرف لا دحديرا
والباب قلك تماتيك غيرنا الدينمو حق الباب الايمن مرتين

المهم السيارة بعد خمس سنوات
توضيب الجربكس مرتين المرة الاولى على حساب الشركة والمرة الثانية
دقينا 9000 ريال هذا والبطيخة سلمت على قولهم
ودينمو الباب الخلفي كل شوي يخرب
ودقمة السلف خربت وغيرناها
وكان في صوت رقلة في بطن السيارة والله ماحد عرف وشهي
غيرنا المساعدات والاذرعة ولا راح الصوت

المهم السيارة كلنا كرهناها
وبعناها وانفكينا منها ومن شرها

وغيرها الحمدلله
العائلة كلها نيسان في نيسان ومرتااااحين والحمدلله

السيارة اللي كرهتني بالسيارت هي الدودج سبيرت

الحمد لله اللي فكني منها

السيارة كانت مع اخوي الكبير كان اربع وعشرين زفت مداوم بالصناعية
يصلح شي يخرب عشرة و اغلبها حساسات و الدودج معروفه بكثرة الحساسات
كل ما تفتح شي بالسيارة تحصل اسلاك حساسات

إستلمتها أنا وصرفت عليها اكثر من 1200 ريال

و ما كملت معاي اكثر من اسبوعين

وذاك اليوم بعز الصيف و الظهر رحت أجيب للأهل غدا من برا

وانا راجع كنت مهدي و خاش لفة والا السيارة تطفي و تخبر التماتيك اذا طفى الفرامل قامت ترجع و الدركسون قفلو(((هذا واحد من الأسباب اللي خلاني أشتري الألتيما عادي))) و الجلنط دواسة و لاينفع وقامت السيارة تروح سيدا على كراج البيت اللي باللفة كان زاوية ...انا ساعتها كنت متأكد إني بأقلط عند الجماعة داخل حوش بيتهم

بس ربك ستر ووقفت السيارة بفارق متر تقريباً بينها و بين الكراج حق البيت

بالأخير بعناها بـ800 ريال فاضية قير و مكينة مخبطين ولا فيها شي من داخل ما عدا المراتب و الدركسون و عتلة القير و الدواسات

[SIZE=5]مشكور الموضوع جميل
[/SIZE]

ليه وش صار معاك بالرينو ؟؟

الرينو 19 كرهتني في السيارات الفرنسية
حسبي الله على الرينو

ههههههههههههههههههههههه

ربكم يسهل بس

اكثر السيارات اللي اتعبتني بخرابها

كورولا و كابرس

وكلها مشاكل بالمكينة الكورولا ارتفاع بالحرارة وما فيه شي إلا وغيرته وبالنهاية توظيب مكينة كامل كلف بحدود 5000 ريال مع تغييرات شامله وبدون فايده ويوم بعتها على واحد اعرفه وشرحت له المشلكة اقتنع بها واخذها واستخدمها قرابة 4 سنوات وما يوم شكا منها

والكابرس بشهر واحد 3 توظيبات للمكينة وتوظيب واحد للقير بسبب فراش عندنا بالمدرسة يوم طلعت من الدوام إلا والفراش تحت السيارة يفحصها ويشيك عليها كنه يبي يشتري ومن بعدها خراب ورى خراب ....

بسم الله الرحمن الرحيم

كان عندي كابريس ss 96 أخذته جديد كرت ، ولكني في البداية سافرت عنه سنتين ، وكنت كل شهر أرجع من السفر لمدة يومين أو شهر شهرين بعض أحيان .

المهم الموتر والله راحة ورزة وسواقته رائعة ، بس بعد رابع سنة بدأ يشتغل خرابات كل ما تسكر خراب رجع لك نفس الخراب وخاصة الحرارة ، وبعد ما ضبطها بدأت حكاية المساعدات كل ثلاثة شهور أربعة ، تتغير المساعدات .

والرديتر غيرته ، وطرمبة الموية ، والقزاز ينزل ماعاد يطلع ، ولازم أركب له مش عارف إيش ويتخلع الباب عشان قطعة صغيرة ، وتهريب زيب وصوفة خلفية ، بس الحمد لله القير ماسك كان لآخر لحظة ولاقد اشتكيت منه ، لكن في السنوات الأخيرة كنت أصرف عليها كأنه قسط سيارة ، يعني شهر ألف ريال ، وشهر سبعمية ، وإنت رايح

أعتقد السبب إني أهملتها في البداية والله أعلم

والله شف حنا في بيتنا طبيعتنا اننا نفجر السياره

مافيه سياره في بيتنا نظيفة ..

عندنا هايلوكس موديل 93 كان نظييييييييف اكبر اخواني دخل اولى ثانوي واستلمه عام 2002 كان ماشي 80 الف وقتها وماكان فيه ولا دقه وكان زي العسل

خذت وكان يفجره على خفيف <--طبعاً مفهوم على خفيف هو انك تدعس وتعقش قبل الاحمر بشوي وتزرزر مع اللفات سوا جلنط او بنزين حسب الرغبه بس بما ان الهلي دفع خلفي اغلبها تخشيش بـ البنزين

كان اخوي يسوي كذا وكان تمام ماضره .. خذ فيه 3 صدمات او دقشات لأنه ولا صدمه ولاصلت للرديتر ولا صدمه ماخلت السياره تمشي

تخرج من الثانوي وشرى له سياره

جا دور اخوي الثاني .. هذا سالفته سالفه .. هذا فجرها فجر ملعون والدين <--انا سبق وعرفت لكم الفجر على خفيف واترك لكم المجال تتخيلون اللعن الملعون الوالدين

تقريباً سوا فيها حوالي 10 حوادث وكل حادث مايأثر يعني دقات بسيطه بمعدل مايمر اسبوعين الا وانا شايف دقشه جديده

اما عن اللعن .. حدث ولا حرج كل شي استخدام سيئ سواه

مر الزمن واخر وقته صار قبله يخرب

اما الحين تخرج وشرى له سياره والكلب سياره نظيفه مافيها شي ماشاء الله على ايام الهلي قبله يصدم اما سيارته الجديده لا محافظ !!

مر الزمن وفكرت اني اعيد تشغيلة واخليه قابل للأستخدام زينته غيرت الدنمو والزيتوت مبدياً رجعته سليم

صار ما يمر اسبوع الا وهو خربان .. نروح فيه ونرجع على رجلينا !!

يعني عزيزي العضو لاتستغرب يوم تلقاه واقف عند باب بيتكم هلي تلقاه حقنا وطفا علينا ووقفناه عند بيتكم وكملناها للبيت رجليه ولا تكسي


هذي معاناتي وهوا لحين واقف عند بيت واحد من الناس والله اني مستحي فيهم

والله ياخي فيه ناس قسم بالله مع احترامي يعني قليل ادب

ياخي شفت شي عجبك قول ما شاء الله تبارك الرحمن وش بتضرك فيه ..

حسبي الله ونعم الوكيل بس ..