هل ترغب في التامين على سيارتك ؟ هل عندك مطالبة للتأمين ؟

اشكرك اخوي ، والله يكتبلنا اللي فيه الخير ويسلمنا من شر الحوادث

التامين الشامل على حسب السيارة وقيمتها ومين بيسوقها واشياء كثيرة مره
-
حتى لو حكة تمر المرور ويعطونك تقرير بانها صدم وهروب
بالنسبة لمبلغ التحمل فهو يختلف مرات 500 او 1000 كلما ارتفع مبلغ التحمل كلما قل الاشتراك السنوي
اما بالنسبة للكفالة والدية نعم تدفع بالكامل حتى لو كان 5 مليون الله يكفينا الشر
وماتتوقف ولادقيقة الا اذا كان فيه حق عام

الحين التأمين الشامل اخوي كم يكلف ؟ هل هو ثابت او على حسب السيارة ؟؟

وكم ادفع سنويا ؟

واذا واحد حك السيارة لي هل لازم اجيب تقرير مرور ؟ واذا ما كنت موجود ؟

ولو مثلا واحد جا كسر السيارة ؟ وهل علي اني ادفع اي شي ، انا سمعت انه تدفع 500 على كل عملية تصليح للسيارة حتى لو حكة تكلف 100 ريال ؟

وبالنسبة لصدم الناس "لا سمح الله" هل صحيح انهم يدفعون الكفالة والدية "الله لا يورينا"


وياريت لو تكتب رد شامل مكتوب فيه الاسعار "التقريبية" وايش علي وايش ما علي وكل شي وانواع التأمين ونكون لك اكبر الشاكرين

اخي الكريم اغلب شركات التامين يوجد فيها هيئة شرعية حاليا بمافيها التعاونية ومبدأ التامين مبدأ حديث علينا ونحن في الواقع نحرم اي شيء ياتينا حتى يثبت العكس . ابسط مثال جوال ابو كامرا اول ماطلع كل الناس قالت حرام ويكشف عورات المسلمين بعدين كل الناس شرته..

الان فيه مشايخ يقولون التامين كله جائز بمافيه التامين التجاري ومشايخ يفرقون بين النوعين التعاوني والتجاري ومشايخ لايرون جواز التامين بالكليه وهذا كله يرجع الى حداثة التامين علينا في اامتنا الاسلامية .
في موقع الاسلام اليوم الكثير من البحوث المتعلقة بالتامين التعاوني من عدد مشايخنا الكرام
http://www.islamtoday.net/bohooth/artlist-86-1.htm

أخي الكريم

شكرا على الرد. لكن أود أن أوضح لك بأن اعتماد شركة من مؤسسة النقد لا يعني بالضرورة إلتزامها بشروط التأمين التكافلي الاسلامي.
خذ مثالا كبيرا هو التعاونية للتأمين. أدخل على موقع الشركة و حاول أن تجد أي كلمة تقول بأن وثيقة التأمين "متوافقة مع الشريعة الاسلامية" .

و أرجو أن تتطلع على الرابط التالي عن فتوى في الاكتتاب في التعاونية للتأمين , و توضيح لنشاطها و طريقة اجراء عقود التأمين , و عدم توافقها مع الشريعة الاسلامية

http://www.islamqa.com/ar/ref/36955/%D8%A7%D9%84%D8%AA%D8%B9%D8%A7%D9%88%D9%86%D9%8A%D8%A9%20%D9%84%D9%84%D8%AA%D8%A3%D9%85%D9%8A%D9%86

بالنسبة لشركة الراجحي للتأمين التكافلي , فقد اتصلت بهم فعلا من فترة و أخبروني بأن تأمين السيارات متاح للشركات فقط و ليس للأفراد :rolleyes1::rolleyes1:

و شــكــرا لكم

اخي الكريم جميع شركات التأمين المعتمدة من مؤسسة النقد تعمل وفقا لمبداء التامين التعاوني او التكافلي بمافيها شركة الراجحي للتأمين التعاوني والتي يمتلك افيها بنك الراجحي 33% من حصتها.

السلام عليكم

أخي خبير التأمين , سؤالي لو تكرمت , هل من واقع خبرتك هناك شركة تأمين في السعودية متوافقة مع الشريعة الاسلامية و معتمدة من هيئة شرعية ؟؟
حتى الآن انا متردد في عمل تأمين لأنني لم أجد شركة متوافقة مع التأمين التكافلي الاسلامي

و شـــكــرا

اختي لايوجد مبلغ تحملل 2000 ريال بالنسبة لسيارتك اعلى مبلغ تحمل هو 1000 واتوقع حاليا مافيه حادث يكلف اقل من 1000 لان السيارة جديدة
عموما ممكن تقللين قيمة السيارة شوي وترفعين التحمل ويقل المبلغ عليك بكثير

الله يجزيك الخير يارب

انا مستعده ارفع مبلغ التحمل بس اذا لاسمح الله صار حادث وتقيم ب 2000ريال وانا حاطة حد التحمل 2000 يعني الشركه ما دفعت شي ؟
هل صح كلامي ؟
وقالوا في خصم 30 % وين وكيف؟

انا مع السواقين من 22سنه ولله الحمد اكبر حادث لنا تكلف 1000ريال(لان انا ما احب السرعه )
بس انا مشكلتي معهم في الصيانه لانهم جدا مهملين فيها السواقين وما يرحمون السياره في دعستهم عليها . احيانا نفسي انزل السواق واسوق انا

فحاول تنزل لنا في بنود الوثيقه الى ان يصل الى 3000ريال

الله يوفقك
\

وعليكم السلام ورحمة الله
اول شي الله يعطيك خيرها ويكفيك شرها .. والسيارة بصراحة رائعة للاستخدام النسائي بوجود السائق لانها مجهزة بفخامة في المقصورة الخلفية .
بالنسبة للمبلغ 5000 فهو معقول قياسا بقيمة السيارة ولكن بالامكان تخفيض المبلغ بعدة طرق من ضمنها رفع مبلغ التحمل من الحادث ليقل الاشتراك كما ان هناك خصومات قوية لبعض الشركات تقدمها التعاونية.
نعم هناك هناك خصم 5% على السيارات الجديده .
اصلاح الوكالة يعني في حالة وقوع حادث لاسمح الله فان الاصلاح يكون في وكالة السيارة وليس في الورش المعتمدة لدى الشركة ولكن القسط يرتفع حوالي 25% في الاصلاح عند الوكالة .. ولكن بالذات في السنتين الاوليين ينصح بالاصلاح في الوكالة.

خيار التامين الشامل هو الافضل بالذات للسيارات الجديدة لان الواحد يشتري راحة باله .

بالنسبة لتامين سياراتك ساحاول لك في الحصول على خصم اضافي غير 5%

تحياتي للجميع

اخي الكريم التامين الشامل افضل لك بكثير من سند بلس لان السعر مقارب جدا بالنسبة لك
من ناحية الخصم ماقدر اوعدك بشي الحين لكن اذا كنت بتامن شامل وسند ارسل لي رقمك وانا ابرسلك لواحد يسوي لك خصم ان شالله

التأمين الشامل مع تصليح الوكالة على سيارة جديدة لمدة سنة كم يكلف ؟

السلام عليكم
اشكرك جزيل الشكر لفتحك هذا الموضوع
اخي العزيز
انا طلعت سيارة ولله الحمد شفروليه 2009 ترافيس سعرها 127الف ريال من 15 يوم
واللي بيسوقها سواق وهي السياره باسمي انا
ارسلت السواق اليوم الى التعاونيه وكلمني وطلبت الموظف المسؤل وبس قلت له سياره 2009 قال ب 5000 ريال سنويا شامل بس المبلغ كبير
اخوي معه دينالي يوكن 2008 أمن عليها شامل عند التعاونيه ب 3000 ريال
مبلغ معقول
بس ليه هذه السنه تغيرت الاسعار
وثانيا ياليت تساعدني بملئ الاستماره اللي جابها السواق
طلب تامين http://www.tawuniya.com.sa/organizer/pdfs/401ad3ab-ebf0-4da2-a11a-d39f19d73160.pdf
وثيقة التامين
http://www.tawuniya.com.sa/organizer/pdfs/0e15a342-29cd-4f9f-acfb-0e65329a8cc2.pdf

وكيف يقولون فيه خصم على السيارات الجديده
وكمان فيه خصم 30%
وسؤال ثاني (ما معني اصلاح السياره بالوكاله ) مكتوب بالوثيقه ...ليه في مكان ثاني ممكن يصلحون السياره فيه غير الوكاله اذا كانت السياره موديلها جديد ؟

ارجوك ساعدني انا محتاره
ولو كانت السياه ملكك وش تنصحني فيه . افضل بنود اختارها من وثيقه التامين .ما هي ؟
وافضل سعر بمقابل الخدمه ما هو برئيك ؟

(ارسلت رقمي على الخاص . رجاء ترد علي من خلال الموقع عشان تعم الفائده )
وجزاك الله الف خير على هذا الموضوع القيم

طيب يا اخوي انت وش رايك

اامن سند ولا سند بلس

الصراحه اني انا مو راعي صدوم

بس دائما انصدم

وصدمت لي صدمه قبل فتره والصراحه ما كان وقتها معي الرخصه

ومشت الامور بدون مرور لأن السياره الثانيه الي صدمتها ما جاها شي ابدا

بس انا اكلتها كلفتني السياره 850 ريال

وبعد جهد جهيد قدرت ادبر المبلغ


والوالد الله يحفضه يقول الشامل حرام وما ابي الحرام وزي كذا

ولا قلت له بتتحمل تصليح سيارتي وبالورشه الي ابيها يسكت

والوالد طيب مره مره

لدرجة

انه فيه واحد سكران صدمني وجا المرور وتصالحنا على انه يدفع لي 1000 ريال

وصلحتها تصليح مشي حالك والصدمه باينه

وبقى 400 ريال

قالي عطني اياها وعطني رقمه برجعها

وش رايك


وانا الصراحه ودي بسند بلس

وغير كذا فيه سيارتين غير سيارتي بأسم الوالد

بأمن عليهن كلهن ثنتين تحت 21 ووحده فوق 21

بيصير فيه خصم ولا لا


بالنسبه لسند


تحياتي

ماهي سالفة ماله طعم الا نكبة الله يجيرك ..في حالة وقوع حادث لاسمح الله خسارة كلية ولو قبل انتهاء الاقساط بيوم فان الشركة المالكة للسيارة هي من تستحق التعويض وجميع اقساطك اللي دفعتها تروح عليك وكانك مستاجرها منهم شهريا.
انصحك حاول تاخذ قرض وتسدد الباقي عليك من اقساط وتامن عليها بنفسك لاتنك كذا مالك صلاحية تامن عليها وهي باسمهم

اخوي ربي يعافيك واشكرك على الانظمام للمنتدى بس عندي سؤال



انا مشتري سيارة منتهي بالتمليك بس تأمينهم ماش ماله طعم



هل استطيع ان أأمن السيارة لدىشركة تأمين ثانيـه ؟

لاهنت على ردكٍ إخـ~ـوٍيٌ والحمـدلله على كـل حـــــال
ابراجع الشــركه واشـوٍف

اول شي الف الحمدلله على سلامتك
ثاني شي احمد ربك انه مامن ولا والله ماتطول من الرجال شي وراس مالها ابوزعبل يقعد فيه الين يخيس وانت الله يعوضك

ثالثا في مثل هذه الحالات فان سيارتك تعتبر خسارة كلية ويتم تقييم حالة السيارة قبل الحادث من قبل شيخ المعارض وكم تسوى ثم يصرف لك المبلغ اللذي يساوي قيمتها قبل الحادث وبصراحة استغرب رد الموظف بانه سيقومون بتصليح السيارة تاكد منهم اكثر روح لهم واسالهم متى بيخلص الشيك ولاتقول لهم شيخ معارض او اي شي

إول شئ جـــزاك الله خير يـ [ خبير التأأمين ] والله يعطيك العافيه على مجهــودك

وبصـراحه انا ما اعرف شئ في التـأمين وسالت المنتدى هذا ولا احد رد خبر لي
واناعليمي في التــأمين وابي فزعتك معـي وتشوف وش التصرف الصـح

القصـه , انا صدمني باكستاني معه باص والخطـأ عليه 100% وسيارتي فـورد 99 امريكي .. والحمدلله طلعت انا سليم من الحـــادث
وهذي صــوره السياره بعد الحادث



المهــم , ان الباكستاني تأمينه " الشركه المتحده للتـأمين التعاوني " راجعتهم يـوم السبت وشافو الصــورٍ للسياره وقالو لي : تجي بعـد 15 يوم وتستلم الشيـك
علماُ بـــأن مبلغ تصليح السياره شغل يد + قطع غيار وكـاله = 47000 ريال سعوديُ

انا بصــراحه توقعت بيقولون شئ والا بيحولوني لشيـخ المعارض واذا حولتها لشيخ المعارض رإح اظلم نفسي وسيـــارتي ولا ابطلع بــشئٌ ,,

علشان كذا ودي اسـألك .. تتوقع بيعطوني المبــلغ ؟ واذا حولوني لشيخ المعارض اوافق والا اعــــاند ؟ ووش تتوقع بيقولون ؟

انا ماودي اطـول عليك يـ خوي خبير التـأمين لكن كل ما اسال احـد يعطيني خريطه ثانيه وكلام ثـــاني , واتنمى انك تجـــــاوبي

ومشكـــور مره ثانيه على جهـــودك