اخوي جساس
المشكله الاولى: لمبة الايرباق عندك مشكله بالايرباق والوكيل راح يعلمك ايش الخراب
راح أنزل للوكيل إن شاء الله
الثانية : اخوي ابو المانصير كفى ووفى وعلمنا اذا ماضبطة معك
لا الحمدلله ظبت وجزاكم الله كل خير انت واياه وحتى اللمبة الي كانت في النص طفت
الثالثة: اغسل المكينة ومسح كل قطرة زيت فيها وبعد وقت شوف الزيت رجع ولا لا
علشان تتاكد اذا فيه تهريب ولا لا
(افضل انك تغسلها بنفسك بماء خفيف على الاماكن الي مافيها اسلاك كهرباء
لانو مغاسل السيارات يرشو كل المكينة بمويا قوية
وتتضرر كهرباء السيارة <<<عن تجربة طبعا)
إن شاء الله بارك الله فيك على النصيحة الاخوية
الرابعة: وين المشكله مني شايف مشكله
اذا قصدك انك ماتعرف تستخدك الازرار فانا اعلمك
(طبعا هي ازار للتحكم بمثبت السرعه فقط)
أها ياغالي تحكم بسرعه " يافشيله " :a1120(86): انا اخوي معاه مرسيديس 2000 فظنيت انه ازرار للمسجل ما جاء في بالي انها مثبت وما غير اظغط واقول حسبي الله على المصري " يقولي دا البودي نظيف ورشت بلده " ظلمناه بس باقي الايرباق ونشوف لانه قال البودي نظيف وحسب ماسمعت ان دام لمبة الايرباق والعة يعني في صدمه جات لسيارة ؟
لازم تكون سرعتك فوق الــ 60 علشان يشتغل مثبت السرعه
اضغط على (ON) مرتين وبعدين اضغط على ( + )
او اضغط على ( + ) مرتين وبعدين اضغط على (ON) نفس الشي
وراح يشتغل معك مثبت السرعه وراح تشوف لمبة خضراء بالطبلون
واذا حاب تزيد او تنقص سرعتك بدون ماتستخدم دواسة البنزين
استخدم (+) و (-) وكلمة (ريسم ) تثبت لك السرعه الجديده
واذا تبي تطفي مثبت السرعه دوس على الفرامل او اضغط على (OFF)
الله يرحم والديك أفدتني إفاده وريحت بالي الله يريح بالك
مشكلتك الخامسة: طبيعية ولا تهتم لها انا معي ماركيز 2007 نفس الصوت
رحم الله والديك
المشكلة السادسة : على ما اضن الفورد مافيه فلتر لهواء المكيف
امممم انا هوجست اعواد شوي وخشب وعصافير تدخل :smilie16: لكن اعتقد كلام سليم لأني سمعت انه الامريكي كله كذه
وبالنسبة لتهبيط السيارة فانا ما انصحك به صحيح يعطي شكل اجمل بس
بالمقابل راح تخسر الراحه وراح تتفكك سيارتك من المطبات والحفر
لا ياعم طز في الشكل ادفع هالالوف عشان تتفكفك خليها اصلا ول زمن المراهقة :xyxwave:
بالنسبة للزينون مافهمت وين المكان الي تبي تركبة فيه (قصدك مكان الكشافات)
اي نعم مكان الكشفات
على العموم الزنون بس يعطي شكل جمالي وماله فوائد اخرى
خصوصا انه الانوار في الماركيز بالموديلات 2006 وفوق صارت قويه
وواضحه بما فيه الكفايه (مو زي الموديلات القديمه)
اها انا فكرتي كانت في الاساس جمالية وتنوير زياده
اجل نخليها في وقتها
اتمنى ان اكون كفية ووفيت واي استفسار احنا حاضرين
وعليكم السلام ورحمة الله .
حياك الله اخي الكريم , وكل عام وانت بالف خير :smile:
وأنت بصحه وسلامه يارب
الافضل عدم فك اقطاب بطارية السياره , لانه بذلك
ينقطع التيار الكهربائي عن كهربائيات والكترونيات السياره,
ومنها الحساسات , ليؤدي ذلك الى خلل ببرمجة بعض كهربائيات والكترونيات السياره .
وعليه لربما اجراء اعادة برمجه للسياره , يصلح الخلل ان شاء الله .
امممم جزاك الله خير كلامك سليم فعلا حصل معي هالكلام في بعض الاشياء
بالنسبة للايرباق ... ولمبة الزيت ... لربما لها علاقه بما ذكرته سالفا .
وايضا افحص مدى سلامة نوعية زيت المحرك وان فلتر الزيت اصلي .
لمبة الزيت تحلت بفضل الله ثم بفضل اخونا ابو المناصير رحم الله والديه
الزيت جديد ياغالي يمكن ماكمل 21 يوم والفلتر معاه والزيت نوعه سوبر جي تي وكما اسلفت حلت
وبارك الله فيك على المعلومات والتوجيه نستفيد منه مستقبلا اكيد
بالنسبة لبعض اثار الزيت والغبار على بعض اجزاء محرك السياره ,
حاول تفحص ان الغطاء مغلق باحكام وكذلك مقياس مستوى زيت المحرك
ان يكون ايضا مغلق باحكام ( يمكنم لربما تنظيف ذلك بالفوطه , وليس بغسيل المحرك ) .
فعلا قيلت لي هالمعلومه اللي تتحدث عن الغطاء و المقياس
اها بوفطه كلامك سليم واظمن برضو للإلكترونيات
حماك الله على الإفاده
بالنسبة للمكيف حاول تتاكد ان يكون فلتر المكيف نظيف ,
وارضية مكان ركوب المسافر بجانب السائق نظيفه لانها قريبه
من مكان مروحة دفع الهواء , وان يتم اختيار خيار ادخال الهواء من الداخل
وليس من الخارج عن طريق تدوير الزر الخاص بذلك .
ايوه والله الجلد كله تراب اعزك الله والقارئين
اما الخيار جربته وهو على حطت وكالته " من الداخل "
اما الفلتر ياغالي كيف اتأكد لازم اتجه لورشة ولا في امكانية اشيك بنفسي ؟
بالنسبة لازرار المسجل , حاول تفحص مدى سلامة الفيوزات وان لايكون احداها
تالف او محروق , ويمكن فحص ذلك لدى ورشة كهرباء سيارات مختصه .
اخونا الغالي عاشق 55 يقول انها مثبت سرعه وانا ظننت انها تتعلق بالمسجل لذلك انحلت هالمشكلة والحمدلله
اما الفيوز فراح اشيك عليها اظمن كمان لأي شيئ اخر ، بارك الله فيك على الإفاده
بالنسبة لتركيب الزينون , اذا مثلا الاضواء خافته , حاول تفحص لدى ورشه
كهرباء سيارات مختصه اذا يمكن تركيب ريليه مع الظفيره الخاصه به ,
ويوجد موضوع مع الصور للاخ المشرف : امير بكلمتي , بخصوص تركيب
الريليه والظفيره مع الصور , طرحه بقسم الورشه لربما امس - والله اعلم - .
ويمكن استشارة ورشة كهرباء سيارات مختصه لتركيب الزينون وفحص مدى ملاءمة ذلك
مع السياره , ويمكنك قراءة المواضيع المتعلقه بذلك والموجوده بقسم الاكسسوارات بالمنتدى .
نعم مريت على مواضيع كثيره ماشاء الله لك وللاخوه وهي مفيده وقيمه جدا والواحد يفتخر بأمثالكم والله وشوفت موضوع الاخ امير بكلمتي واستفدت منه واكيد مع الوقت راح استفيد منكم كثير
بارك الله فيك وحفظك المولى من كل شر ومكروه واسأل الله أن يكتب لك السعادة ويرزقك ماتتمنى
والله اعلم .
