برادو ------تاهو

جزاك الله خير على المعلومة .. بس على فكرة أنا الي كان معي نص فل VX2 ولا يوجد به زر خاص بالمنحدرات مثل الفل كامل .. ولكن كان النظام مثل ما قلت لك ..




ماسوينا شي .. !

وأي استفسار عن السيارتين أنا حاضر ..

بالتوفيق للجميع ،،،

اخي مرور الكرام بيض اللة وجهك واللة انك كفيت ووفيت
ولايهونون الاخوان جميع واللة ياشباب احس ان اللي يشور
علي كانة اخ اوصديق عزيزموفي منتدى وفقكم اللة

أخي الكريم أنا جربت السيارتين ..

كان معي برادو 2007 والآن معي تاهو 2009 ( ماشاء الله )

كل السيارتين رائعة ..

لكن راح أكتب لك مميزات كل سيارة ومقارنة سريعة بينهم :

البرادو :
يكفي أسمه تويوتا - صيانة - قطع غيار - خدمة بعد البيع وسعر بعد البيع ممتاز ..

محرك قوي وقدرات خارقة للبر .. يبيض وجهك في البر كنت أدخل البر بدون الدبل لأنه دفع رباعي مستمر حتى 80 كم ..

بصراحة شريته وبعته وما لقيت فيه عيب واحد ..

التاهو :

شكل جميل جداً .. سعة داخلية ( حسيت فرق بينه وبين البرادو )
محرك قوي 355 حصان مقابل 240 حصان للبرادو ..

البنزين 91 للتاهو بينما 95 للبرادو ..

بالنسبة لصرف الوقود لاحظت أن التاهو أقل صرفية بكثير ..

ما جربت التاهو في البر ..

في الخط السريع .. التاهو أريح وأفضل بكثير من البرادو ..

بالنسبة لتجربتي الشخصية مرتاح بالتاهو أكثر من البرادو بكثير ..

بصراحة تحس التاهو رزة !

بعض الأشياء التي فقدتها ( موجودة بالبرادو وغير موجودة بالتاهو ) :

1- الثلاجة ( مفيدة جداً بالسفر ).
2- نظام ما أدري وش أسمه بالبرادو كنت لم أنزل مع نزول قوي مثل الي بالطايف تحس الموتر يشد نفسه أما التاهو بصراحة ترفع رجلك عن البنزين يدحدر الموتر بسرعة جنونية !!
3- الراحة النفسية لكل من يمتلك سيارات تويوتا !

في الأخير ..

أنت قرر ما هي حاجتك للسيارة : إذا كانت تخصص بر وطلعات أوف رود أكثر من المدينة فالبرادو مناسب جداً لك.

أما إذا كنت مثل حالي راعي سفر وروحات وجيات وقليل طلعات بر وصاحب عائلة فأقول لك خذ التاهو وانت مغمض ..

وبالتوفيق للجميع ،،،

التاهو معرووف الشكل والامكانات

لكن البرادو جديد في الشكل وماعندي علم عن امكاناته

لكن بصفة عامة الياباني ممتاز جدا من ناحية الجودة والتحمل

اذا كنت تحب الراحة والسعة والكشخة والامكانات الكبيرة

التاهو يشبع كل رغباتك وزوود لكن مشكلته الحجم والمواقف

اللة يعطيكم العافية ياشباب واللة اني حسيت باالصدق في ردودكم
لكن بالنسبة للتاهو لازم يكون معاة في البيت سيارة ثانية
بمعنى انالسيارة ماهي حقت كرف مثل البرادو

البرادو مريح جدا وعزل رائع ويصلح للمدينة والسفر والرحلات الاوف رود وغير كذا الجودة اللي ما تخذلك ابد بمشيئة الرحمن .

مبروك مقدما .,

إذا ماتهمك السّعه والرّاحه ومانت راعي خطوط طويله البرادو طبعاً اخف واكيد يتحمل المشاوير المتكرره حسب استخدامك إذ انت مثلي لو انك تشوف البقاله ركبت السياره البرادو افضل لأن التاهو حجمه كبير ماهو حق حركه سريعه متكرره شغل ومش ..

نفس كلام الاخوان وازيد عليهم

اذا عندك فلوس البرادو توكل على الله واشتريه

تحياتي،،،

هلا بك اخوي

اذا منت راعي خطوط طويله مررررره

و ما عندك عايله كبيره

انا اقول لك برادو 6 سلندر

و بدون تردد

التاهو افضل كثيرا من البرادو للخط السريع
غير ذلك البرادو افضل جيب ياباني و افضل من التاهو خارج الخط السريع

أنصحك بشراء البرادو لأنه صبور و أفضل من أي جيب آخر ياباني أو غيره