السلام عليكم
صراحة شي غريب ... بعد فترة طويلة من التردد والمشاورة مع الزملاء اصحاب السيارات وقرآءة مواضيع متعددة في هذا المنتدى الرائع ...توكلت على الله واشتريت اكسبلورر 2009 من توكيلات الجزيرة قبل حوالي ثلاث اشهر وعملت لها حماية وجه وتظليل ضد الحرارة من شركة لومار بالخبر ...والسيارة ماشاءالله كل شي فيها ممتاز سواء داخل المدينة او البر او السفر ..وبعد ماعدت السيارة 8000 كم دخلتها الوكالة للصيانة الأولى وتغيير الزيت حسب كرت الضمان وبعدها على طول رحت للبحرين الساعة 10صباحا قبل رمضان المبارك بيومين فقط والكل عارف نسبة الرطوبة والحر في تلك الفترة ... المهم من زحمة الجسر والوقف المتكرر حصل مالم اتوقعه صار المكيف برودته قليلة مع العلم اني مشغله Max وثلاث درجات المروحة حتى عيالي في الخلف يشتكون من الحرارة ويتبردون بماء الشرب (مع العلم ان المكينة ماأرتفعت حرارتها) وجلست تقريبا ساعة ونصف حتى عديت الجسر ومع السرعة رجع للمكيف برودتة الطبيعية . وبعد مارجعت من البحرين اتصلت على مهندس في الصيانة لتوكيلات الجزيرة وقال لي ان كل سيارات فورد بهالشكل وهاذي مو مشكلة هذا شي عادي لأن دوران الكمبروسر غير مربوط بدوران المكينة ولازم يفصل عند توقف السيارة لمدة طويلة ..انا بصراحة ماأقتنعت لأن معظم الأنواع من السيارات الأخرى لايوجد بها هالمشكلة ؟؟؟؟
اللي مرت عليه هالمشكلة من ملاك اكسبلورر ويعرف لها حل الرجاء لايبخل علينا ... وتقبلوا تحياتي
