ابقى من يشور علي ومثوى والديه الجنه بشتري سياره رفيعه ومايهم الدبل

الله يعطيكم العافيه على الردود انا لو باخذ ياباني ماراح اخذ الا تويوتا لان يقولون اهي اعقل المجانين
انا باخذ قرض من البنك وبشتري كاش ودعواتكم بس لسه مارسيت على شي الى الان
يعطيكم الف الف عافيه

خذ اي سيارة الا الفورتشنر وبالذات 4 سلندر مررة ما ينفع

تحياتي ،،،

الله يعافيك اخوي

أنا أقول لك اذا صار معك كاش صدقني تفكيرك بغير تويوتا خطأ كبير
السيارة الأولى في المملكة

تشتريها وتكرفها سنين وتبيعها بأعلى من نص قيمتها
ولاتطلب وقوية وتتحمل كافة أنواع الطرق والظروف

تويوتا وبس

وبالنسبة للفورتشنر سقته 4 سلندر تماتيك

بالنسبة لي ما جاز لي يمكن الستة سلندر أفضل ما ادري

ليش ما تفكر في النيسان باث فايندر او اكستيرا ؟

يعطيك الف عافيه اخوي ابو سعود على المشوره
يعني انت جربت الفوتشنر ؟؟؟
انا نفسي بصراحه بيوكن بس هم الياباني يقولون اقوى ويصبر ويتحمل وقليل اعطال
هذا الياب مخليني افكر بتويوتا
لاني ابقى سياره لي وللزمننننننننن

طيب خذ الاكسبلورر أصغر من الاكسبدشن وسيارة أصبحت شعبية وشكلها حلو وسعرها أعتبره معقول جدا.

أما الفوتشنر 4 سلندر انحش عنه لأن عزمه مو ذاك الزود.

واليوكن خيار ممتاز أيضا

والسكويا من تويتا شكل رائع لكن ما جربتها لكن غويلية شوي

لاتنسى الاستخارة

سلام

يعطيكم الف عافيه ومشكورين على الردود لكن انا اعرف شخص مجرب الاكس بديشن ويقول انها مو متماسكه مررررره مادري هل لانها كبيره بهالحجم ولا ايش
وبيني وبينكم احس انها ضخمه مررررره يعني حق واحد عنده 10 اطفال خخخخخخ
وانا ماعندي غير بنوته عمرها سنتين ونصف الله يخليها ويخلي لكم عيالكم
انتظر مشورتكم اكثر

نفس ماقال اخوي (المتابع عن بعد) الاكسبدشن سيارة قوية وممتازة وداخليتها وسيعة اوسع من اليوكن ومسوين عليها عرض بـ 110000 (مئة وعشرة آلاف) ولاتنسى الاستخارة