هل السياره ثقيله على مكينة الـ S350 ... ؟

لاحظت في معظم الردود السابقة خلط بين العزم والقوة الحصانية وقديماً كانوا يصفون العزم بحجم المكينة وهذا صحيح إلى حد ما ولكن هناك عوامل أخرى ومنها قطر الإسطوانة والشوط وعدد البلوف ووجود شاحن تروبيني وهل هناك تعديلات على السيارة من حيث البرمجة والفلاتر وعمود التايمنج

بخصوص سؤالك المرسيدس الستاندرد فيه بطء في القومة وحتى ال500 نفس الشيء ولمعرفة سرعة إنطلاقة السيارة يجب معرفة عدد الثواني اللازمة للوصول لسرعة مائة كيلو

الألماني مكائنه قويه جدا خصوصا في الخطوط .

حتى لو كانت 4 سلندر.!!!

صحيح ربما تنزعج في بداية الانطلاق من ثقل السيارة...لكن هذا أمر طبيعي.

والـ6سلندر للاستخدام العادي وليست مخصصه للقومات.


بالتوفيق

انا ركبت فياقرا 350 بس ما حسيت ان فيه حنه وصوت قوي و ازيدك من الشعر بيت كان العزم على الخط ممتاز جدا

في البيع ال350 افضل سعرها من 500 و600
و350 فئه حلوه ومتوسطه ومناسبه صراحه

وش يقولون اللي عندهم 320 و 280 خخخخخخخخخ ؟؟؟

الله يبارك في سيارتك

يعطيكم الف عاااااااافيه جميعاً ... :)

بالنسبه للمقاوم أنا موب راعي مقاوم ولا شي بس خذيت الــ350 عشان يقولون إن الـ500 8سلندر يبيله خط كل فتره عشان ما تضعف المكينه ومن هـ القبيل ولا والله كنت ناوي عليه :wink: والــ600 قطع غياره غاليه بزياده صراحه ! و12 سلندر ! فــ الخيار الأمثل كان الــ350 :)

وزي ما قلت لكم أنا ما يهمني العزم بس عشان الحنه الي يقولون عنها ! وزي ما قلت لكم ما أحس فيها أبد !

على العموم مشكوريييين وما قصرتو جميعاً ... :)


تحياتي ...

يالغالي أنا معي شبح 320 ومكينته 6 سلندر موديله 98,,

و الظاهر وزنه مقارب أو أثقل من وزن البانوراما و لكن قوة المكينة أضعف,,

بكل أمانة أنا ماراعي مقاوم ولا تدعيس لكن لو احتجت الموتر مايقصر ماشاء الله

و حتى على الخط يجيب 160-180 وهو مرتاح ,,

وفيه مرة من المرات جاب 220 وانا مانتبهت >> وللعلم أنا لست راعي سرعة عشان لا أحد يقول أنت متعود على السرعة كلها كم مرة اللي أسرعت فيها :)

فوشلون يقولون مكينة ال6 سلندر ضعيفة ؟؟

صح مكينة ال8 و 12 قوية ولكن هذا لا يعني 6 سلندر ضعيفة >> وجهة نظر :)

والله اذا انت بتدقق على قوة المحرك ماراح يرضيك ابداً

مع احترامي للبانوراما بس الـ 6 سلندر دااااااااج يعني اذا انت شباب ويهمك فزة الموتر وخفته غلط من البدايه انك تاخذ 6 سلندر

بس اذا انت من النوع الي مايهمه لاتدقق واجد البانوراما موتر لايعلى عليه وماراح ينقص من هيبته 6 سلندر او 8 سلندر

وفي النهايه ماانصحك تدعس على موترك

لا يا اخوي الماكينة ماتقل عمرها ولا شي في دراسات بينت انه المرسيدس من افضل السيارات تحمل بالعالم غض النضر عن الماكينة
بس مو الاس كلااس فاز

فازت فيها الايه كلااس كافضل سيارة تحمل

والاس كلااس قوي مافيه شي وطبعا الموتر ثقيل
الماكينة مو حقت عزم لاكن اذا تكرفها عادي
لنه على ثقل الموتر مابيطلع لك العزم الي انت تبيه
بس عزم حلو

لاكن اذا اس 500 و600

هنا العزم مع ثقل الموتر ثقيل بزيادة تره بس يعوضونه هالمكاين

اما 350 ماتسوي شي مع الثقل

وزي ماقلتلك الماكينة عادي حقت كرف اوكي

شي طبيعي انه تكون السياره ثقيله
عشان بالاصل السياره بدون ما كينه وزنها ثقيل من المميزات الي فيها يعني لو تجيب شبح مثلا اس 600 وتشيل منها ماكينتها 12 سلندر وتحط مكانها ماكينه 4 سلندر ايش راح يصير ما راح تمشي من ثقل السياره بالاصل وعلى فكره حطوها 6 سلندر عشان ما ما تدعسلها كثثير و6 سلندر صوتها اهدى من ال8 سلندر وممكن الي يجلس في البانوراما 6 سلندر يرتاح اكثر من ال8 سلندر عشان الضوضأه راح تكون اقل

مسألة كافيه ولا مو كافيه هذي ترجع للشخص الي بيستخدم السيارة .. انا كانت عندي زي سيارتك وكنت أحس بثقل فيها نوعاً ما خصوصاً في القومه في الاشارات وغيره
لكن مو لدرجة ثقل مزعج .. بس لما تسوق 8 سلندر تحس بالفرق



كل شي في العالم يقل عمره مع الأستخدام ولكن ماكينة المرسيدس قوية ما ينخاف عليها

أما مسألة الحنه اذا دعست عليها .. فكل ما قل عدد السلندرات يزيد صوت الحنه في السيارة عند الدعس عليها ..

يعني الـ 8 سلندر أقل حنه من الـ 6 سلندر

والـ 6 سلندر أقل حنه من الـ 4 سلندر .. وضع طبيعي في كل السيارات

تحياتي لك