الســـــيــــارة الــتـــي كــــرهـــتــــهـــــا ثـــــم (( عـــشــقــتــهـــا ))

والله بدون تعصب انا ما قد سقت الاكورد لكن قد ركبتها وعندنا mr-v 2006 واكسبلورر 2009 الاكسبللور فل كامل الهوندا نص فل

وربي الهوندا عندي احلى من الاكسبلورر

وانتم تقولون الاكورد غاليه وقطعها غاليه وبدون مواصافات وخرابات ..

لو على كلامك ما صارت اكثر سياره مبيعا :smilie16:

كل السيارات فيها خرابات

والهوندا قطع حطها ولا تفكر تشوفها الا بعد سنه سنتين

والاكورد غاليه بسبب صناعتها باليابان عكس الاوريون مصنوعه باستراليا ..

وهذى سبب ارتفاع سعرها ..

مشكور يا راعي الموضوع ..

والمستهدف دائما هو الأفضل :rolleyes1:

:xyxwave:

شرفني مرورك أخي

وأسعدني ذكرك لتجربتك



حياك الله أخي الأمير حسن

وشاكر لك حسن ظنك بي

ويعلم الله أخي أني لا أمتلك سيارة من هوندا حتى أتعصب لها

ويعلم الله أني لست موضف في شركة هوندا كما يزعم هذا المدعو ( لايف ستايل )

ولكن أحببت ذكر تجربتي لهذه السيارة حتى يستفيد الأخوة في المنتدى منها

فنحن لم نجتمع في هذا المنتدى الا من أجل التناصح و تبادل الخبرات بيننا

أكرر شكري لك وشرفني مرورك




أخوي جزاك الله خير على النصيحة

الموضوع ليس موضوع سيارات

الموضوع أكبر من ذلك

هذا المدعو ( لايف ستايل ) يتهمنا بالكذب جميعا

فهو يتهم كل من خالفه الرأي بأنه كذاب ............. حاشاكم

وهذا والله عيب كبير في حق الرجال

وفيها حقوق عند الرجال

ان كان يعرف علوم وسلوم الرجال

ولكن يبدو انه لا يعرفها



أقول دور لك موضوع ثاني تهايط فيه .......... طيب

وبالنسبة لدعائك فادع به لنفسك بالشفاء فأنت أحوج بها من غيرك خاصة في هذا الشهر الفضيل



حياك الله أخوي

وشاكر لك ذكرك تجربتك بكل انصاف

شرفني مرورك .

اقووول الاكورد سيارة بكفة وباقي منافسيها بكفه ثانية

مايحتاج نعيد ونزيد ونتعصب ونضحكـ على انفسنا

انا كنت اكره الاكورد كره العمى خصوصا شكلها السابق واعشق الامريكي ونيسان بس

لكن بعد امتلاكي لها موديل 2004

قسم بالله حسيت ان باقي السيارات ماتملى العين

من نواحي كثيرة واشياء دقيقة جدا

اولها الاعتمادية والكرف ,, الان ماشية 260 الف ,,بدون مشاكل

ياخي جرب تقود كامري 2003 او اكورد 2003 او حتى التيما 2005

فيه فرق جوهري بصراحه ,,

وماادلل على كلامي الا بسمعتها الطيبة في السوق
رغم انها الاقل مواصفات الا انها اغلى وتمسكـ سعرها حتى افضل من الكامري بعض الاحيان
رغم انها اغلى قطع !!

شكرا اخي الكريم على التجربة وبصراحه ماالومكـ لاني والله اشارككـ نفس التجربة تماما ..

لكن موتر بمعنى الكلمة ,,,

هدددوا ياشبااااب..الحين اللي صنع السيارة نايم..ومرتاح..وانت تتهاوشون ومابيدكم شي...

ترا الدنيا وربي ماتستاهل..ومحبة الاخوان ماتضيع بسبب اختلاف وجهة نظر...




الله يهديكم بس



f i n e

انا ما يهمني كل الكلام ولا يهمني لا الأكورد ولا غيره \لكن حبيت أهنيك أخوي على إنصافك وحياديتك يعني على الرغم من كرهك لهالسيارة لكن لما ركبتها وحسيت إنها زينة ما كابرت وطلعت فيها ستين عيب بل إعترفت بالزين الي فيها
وانا أقولك هالكلام سواء الي صار لك صار مع أكورد أو صار مع هايلوكس غمارة

ااااااااااااااااااااااااااااااااااااااه ثم اااااااااااه لاتذكروني بالهوندا:c0038:
كانت معي هوندا 2001 قسم بالله جوهرة مدري وش اللي خلاني ابيعها ماخذها مستعمله وكرفتها كرف ولاقد خربت علي الا مره وحده حرارتها صارت ترتفع وصار من الاديتر يبيله تسييخ فقط
والله لايوريكم شريت كابرس حسبي الله على الامريكي قسم بالله انواع الخرابات وخاصه الكهرباء والمكيف
والحراره حتى الورش لاشافو ان معك كابرس يتشائمون من التعقيدات اللي فيه بعكس الهوندا اي ورشه ادخل عليها على طول سم ولبيه قطعها سهله واي محل بيعرف لها .
نصيحه اللي معه هوندا يعض عليها بسنونه وابعدو عن شي اسمه امريكي وسلامتكم.

قدم نصيحتك بدون ما تغلط على أحد من الأعضاء

واضح

واذا تكرر منك الغلط مرة اخرى فسوف نرفع بأمرك الى الأدارة حتى تتخذ اللازم معك ومع أمثالك

تستاهل الاكورد المدح والتقييم

أخوي انت تكذبنا الله يهديك

والله عيب عليك

انت تتناقش مع رجال فحشم الفاظك

سبحان الله يعني يا نوافقك في رأيك والا نحن كذابين

وبالنسبة للرابط فأنا وجدت فيه شيء لم أجده فيك للأسف

وهو

( احترام أعضاء منتدى الهوندا للرأي الآخر )

+

( تقديم النصيحة بكل حيادية والبعد عن التعصب المقيت )

اليك هذا الرابط لعلك تستفيد من الردود

http://www.hondaarabia.com/club/showthread.php?t=25484

الله يعطيك خيره ويكفيك شرها بالنسبة لسوبارو لا أعرفها ولا عمري ركبتها ولا أعرف احد معه

هالسيارة ولا أقدر أحكم عليها إلا بشي واحد قلة إنتشار السيارة هذا دليل أن السيارة فيها شي وأنا والله

ما أدري المكان الوحيد إللي شفته يمدح بالسيارة عدة أشخاص بهالمنتدى و بصراحة الليجاسي خاصة

ما اشوفها غير بالشهر مره وهذا مخليني ما افكر لا أجرب ولا أسال اما النيسان عمومآ مادخل مزاجي

وهذي تعتبر وجهة نظر شخصية ولكن باختصار إللي شفته بهالمنتدى الكل يمدح بموتره والله لوهو

حراثة ولو فيه أدنى عيب يخفيه لشدة التعصب ولعلمك يمكن شفتني ادافع عن الاكورد لأني سألت

وجربت ولقيتها انسب سيارة يابانية راح تخدم معي على كل حال الموضوع طال اكثر من اللازم

بالنهاية تعتبر وجهة نظر والقناعة كنز لا يفنى

أخوي

النيسان ما عليه كلام

سياراتها جيدة بشكل عام

وعند ولد عمي ماكسيما موديل 2000 وعدادها فوق 300 الف والسيارة ما شاء الله عليها لا زالت متماسكة وقوية

لكن

اذا قارنا النيسان مع الهوندا هنا أقول لك اسمح لي أخالفك في الرأي

لا يوجد مقارنة أبد

لايوجد شركة يابانيه يمكن أن تقارن سياراتها مع الهوندا الا السوبارو

شرفني مرورك

الحقيقة ( الأفالون) ماكنت أتوقع إني آخذها في يوم من اليام ، لكن والله إن بعت اللكزس وأخذت الأفالون ، والحمد لله ارتحت

شرفني مرورك



حياك الله أخوي

وشرفني مرورك






ما هو السبب أخي أوريون

الاكورد كرهتها ثم ازداد كرهي لها بعد انضمامي لهذا المتتدى

والله ان الاكورد خيال



يسلمو على مشاركتك الممتعه اخوي