بخصوص العرض الأخير ,,,هل انا متسرع ؟؟

أشكرك اخي الكريم على وضع تجربتك , أبشرك رفعت الطلب من الأسبوع الماضي وللحين ماجاني خبر وانا عجبني الوظع قلت انتظر اذا فيه عرض جديد , وان شاء الله ربي يكتب لي الخيرة في كل تأخيرة انا وجميع المسلمين


تحياتي للجميع

حياك أخوي الله يارب يوجهك ويرضيك بإختيارك اللهم آمين ..
بالنسبة لي يوم شريت سيارتي وللأسف كنت أقدر أصبر ( بالضغط على نفسي حبتين ونص ) .. لكن إللي عجلبي حق الوكالة يقولي اللون إللي تبيه هو آخر واحد مافي غيرة
وحتى كنت أبي مقاعد الخلف منفصلة ومالقيت المهم قالي ترا مابقي غير 5 سيارات بـ ألوان مختلفة وخلصن كلهن وعجل بي سويد الوجه وأضطريت أشترية وبعدها بيومين سألته نفسه في مثل لون سيارتي قال إيه فيه ..!!!وأزيدك من الشعر بيوت وقصور فيه عرض الفين ريال ناقص ولو بالضغط يمكن ينزل بعد .!!!!!
عموماً يارب لك الحمد والله راضي كل الرضى بقدري يارب لك الحمد والسيارة يارب لك الحمد تمام التمام ربي يعطيني من خيرها ويبعدني من شرها بس تجربة حبيت إنقلها لكل الناس ..
للآسف مافي خبرة وهذا درس ..!
شف شلون يسوقون بالغش والكذب يحسبون هذا مو حرام ..!
يعني إذا منت مستعجل لذيك الدرجة اصبر الين يجيك عرض يناسبك ولا إنتظر تقريباً سنة وخذ آخر موديل مع العروض (( كذا كذا كسبان إن ماجاك عرض أفضل بتآخذ موديل أفضل إلا في حالة إنك مستعجل هذا شيء ثاني )) ..
آسف على الإطالة وأتمنى إن تتوفق بإختيارك ..
دمت بود .

الفورد هذي لعبهم التسويقية ..
انا اعرف واحد ماخذ الاكسبدشين بالعرض اللي تتكلم عنه وكانوا يقولون له هذا اخر يوم ..

اخوي ودي انك تروح للوكاله مادام الموتر عاجبك

لأني سمعت من مندوب توكيلات الجزيرة أن الكمية اللي باقيه من سيارات الأكسدبديشن والأكسبلورر قليلة

على قوله ويحلف أن الأكسبديشن مابقى منها إلا خمسين سياره حول المملكه

لا تفوت الفرصة

الاكسبلورر نص فل 103900
ستاندر 95900

الله يوفقكم جميع

تحياتي

افضل تاخذ اكسبلورر وهو ارخص وافضل الدفع الرباعي او تاخذ تويوتا لاندكروزر ولك وللزمن

اما تدفع فوق 120 الف في امريكي ماتستاهل

نصيحة اخوك لا تاخذها اليوم جلست اطامر من ورشة لورشة وأخيرا لقيت واحد مضمون جدا جدا جدا ومنهم فيهم نصحني بعدم شراء اكسبلورر-----خذ اكسبيدشن او يوكن ولا تفكر ابدا ابدا

طلبت نصيحة مهندس ومحل قطع غيار وقالوا بعد عنها نهائيا ,,,,, وانت جرب روح اسأل بأسلوبك واطلب النصح وراح تحصل كلامي سليم 100%

انا يا اخوان تهمني الاكسبلورر اقساط
فهل في اخبار عن عروض جديده

ابشركم فيه عرض جديد على الأكسبدشن راح ينزل بعد يومين من كلام مصدر مطلع

انتظروا بداية رمضان ان شاء الله حسب قول احد الأصدقاء لي اليوووم


تحياتي للجميع بدون استثناء , اشكركم على تعبكم معي

السلام عليكم

اتفق مع الاخ جذاب واعتقد العرض الحالي ممتاز خاصة في وضع الاسعارالمرتفعة حالياً

ما هو العرض؟؟

السلام عليكم ورحمة الله وبركاته
مثل ماقالوا لك الأخوان
الحق على العرض عشان تأخذ اللون اللي تبغاه

نحن الآن على أبواب رمضان

لو كانت هناك عروض ..فستكون تصفيه

ربما لاتجد طلبك في المواصفات والألوان..وستضطر الى أخذ الموجود مقابل التخفيضات وهي لاتتجاوز 3-4 الاف .

اذا وجدك طلبك الآن فتوكل على الله

ينقل للدفع الرباعي