أنصحك بسيارة حلوة جداً .. وهي Infiniti FX50 S
و بعطيكي تفاصيل أكثر عنها..
سيارة رائعة جداً, و تجمع ما بين أشياء كثير:
الفخامه والتجهيزات:
فيها كل المواصفات الموجودة في السيارات الفارهه, شاشة ودي في دي ونافيقيشن سيستم وتيليفون, وكراسي مكيفة ومدفئة, وأربع كاميرات تعطيكي نظرة كاملة على السيارة من جميع الجهات, والكثير الكثير من المواصفات الأخرى.
أنظمة قيادة وسلامة:
فيها نظام مانع انغلاق للبريكات, نظام التحكم بالانزلاق, نظام التوجيه للعجلات الخلفية (يلف العجلات الخلفية مع الأمامية وهذا يعطي أداء أفضل للسيارة على اللفات), نظام القيادة الآلي واللي يتحكم بالمسافة بينك وبين السيارة اللي قدامك في حال تثبيت السرعة وأيضاً يراقب السيارة اذا خرجت عن مسار الطريق ويستخدم البريكات أوتوماتيكياً في حال استشعر خروج خطر عن المسار, باختصار السيارة مليانة أنظمة وتقنية.
أداء رياضي:
محرك من ثمان اسطوانات , يولد قوة جبارة تصل 390 حصان, وأداء هالمحرك رائع بحيث يصل بالسيارة لسرعة 100كلم من حال التوقف في أقل من 6 ثواني وهذا طبعاً رائع بالنسبة لسيارة فور ويل.
وكذلك جير من سبع سرعات أوتوماتيك , وأيضاً مجهز للتحكم به عن طريق بدالات بجانب الدركسيون (شفترز), يعني زي الفورميولا ون, تقدري تستخدميه مثل الجير العادي وتبدلين السرعة المناسبة متى ما حبيتي.
سيارة فور ويل وبنفس الوقت سيارة مدينة.. فخمة ورياضية وبتصميم أنيق جداً .. فيها لمسه أنثوية و تنفع للبنات, وكذلك تجمع كل شي في سيارة وحده, وبعد مرغوبة عند الناس و تجيب قيمة ممتازة عند إعادة البيع في حال تغيّر الموديل وحبيتي تجددين.
سعرها عندكم في الامارات حوالي 240 ألف درهم , وفي نوع منها 6 سلندر قوته 300 حصان (أٌقل من ال 8 سلندر) لكن يجي بنفس المواصفات الداخلية وأنظمة القيادة والسلامة, وبحدود ال 200 ألف درهم, بس أنا انصحك تزودين الميزانية شوي وتاخذين الـ 8 سلندر في حال قررتي على هالسيارة.
وهذي التفاصيل بشكل مبسط جداً, و عشان ما تحتارين...قارني كل السيارات اللي قالوها الشباب بما فيهم هذي السيارة على نفس المواصفات من حيث التصميم أولاً , وبعدين الفخامه وبعدين أنظمة القيادة والسلامه وبعدين القوة والأداء وبعدين قيمتها عند البيع.
لكن بصراحه لو البنات عندنا يسوقون, كان نصحت اختي بهالسيارة.
موفقه
