بسم الله الرحمن الرحيم
السلام عليكم ورحمة الله وبركاته ...... بدون مقدمات تكفون يا شباب ساعدوني بالنصيحة لاني ما اعرف ...... شباب عندي جيب انفينيتي اف اكس 35 صار لي ثلاث شهور وانا احاول ابيعه مو قادر لان فيه اصباغ كثير ووالانفنيتي مطلوبة لشركة بنظام الاقساط وانا طالب اني احول السيارة على الشاري وهو يكمل اقساطها ويعطيني الفين دينار يعني 25 الف ريال ...... المهم جاني زبون وقالي اخذ الانفنيتي منك واكمل اقساطها بس بدل ما اعطيك المبلغ اللي طالبه فوق السيارة اللي هو 25 الف ريال اعطيك سيارة لومينا موديل 2005 اقل درجة اللي تجي بدون جنوط طيس ........ المهم انا وافقت واليوم فحصت سيارته بنظام الكمبيوتر وطلع فيها التالي ..... وابي اعرف كم تكلف هالاعطال بحكم اني ما اعرف عن اللومينا اي شي
1_ فيها ربل صباب
2_ تبديل بوبرنجات
3_ تهريب شبنة الجير الخليفة
4_ ترشيح في كارتير الجير
5_ ترشيح شبنة البككس
6_ تحتاج الى ميزان بريك
7_ تحتاج تصفية
8_ يوجد صبغ بمعجون في الرفرف الخلفي اليمين والباب الخلفي اليمين
9_ يوجد اصباغ تجميلية بدون معجون في الصدام الامامي وغطاء الكبوت والرفرف الامامي الايسر والباب الايسر تبع السائق والباب الخلفي الايسر
ارجوا ان تنصحوني بثلاث نقاط
النقطة الاولى : ما هي تكلفة هذه الاعطال تقريبا
النقطة الثانية : لومينا 2005 اقل درجة تسوى 25 الف ريال ؟
النقطة الثالثة والمهمة : اتوكل على الله واتمم البيعة لاني مثل ما قلت لكم في البداية سيارتي الجيب الانفينيتي ذبحني ثلاث شهور ما قدرت ابيعة حطيت لها اعلان في النت وفي الصحف الاعلانية وعرضتها في مكتب سيارات وكل شي عملته بدون فايدة
وجزاك الله خير يا شباب واسف على الاطالة وارجوا من كل من يرد على موضوعي يكتب لي بنهاية رده جملة واضحة اتمم البيعة او اكنسلها ؟؟؟؟؟؟
في امان الله
