دعوه إلى مُلاّك التــاهو الـ 2009 بالذات عاجلاً قبل ابيعه

ياليت تجيب المقطع يابو هذال لاني تابعت البرنامج ولا اذكر شي من الكلام اللي تقوله بخصوص انه القير يرفض يغير على سرعه 170 الى الاعلي لو كان الى الاسفل ممكن

جيرمي يقول في توب قير انه عيبها الوحيد كثرة نمر القير فقط ماجاب اي طاري عن مشكله في تغيير النسب يعين كانه يلمح الى انه الثمان تغييرات كانت برستيج لا اقل ولا اكثر

اما فيفث قير يقول انه اذا كانت سرعه السياره اعلى من نسبة القير يرفض يرجع نمره وهذا الشي طبيعي وحماية للقير

اما بالنسبه لقير التاهو فانا كان لي استغراب انه ليش جي ام جلست الى عام 2007 بالقير الديناصوري

ابو اربع نمر

لانه حسب ماوصلني انه الدينالي اذا انت تمشي ميه والسياره مريحه على القير الخامس وهديت تبي توقف عن اشاره مثلا

القير كل شوي ينزل نمر من الخامس الى الاول بالترتيب

والعاده في القير الاوتو يكون معلق على النمره اللي كنت عليها الى انه تدوس على البنزين فيعطيك النمره اللي انت محتاجها على سرعتك

والغريب انه القير الاربع نمر ماكان كذا

الا اذا جي ام حبت تخترع شي ولا عرفت لها

الله اعلم

ياعزيزي الموضوع عااادي جدا


السيارة بالسرعه هذي تقريبا راح يكون الRPM مبين ال3 وال4..وفي هذي المنطقه من الRPM كمبيوتر السيارة يفترض ان السيارة في 5 وتكون السيارة في وضعية تسارع..يعني كأنك طالع تل..عرفت..فلازم تزود السرعه شوي..وبعدين راح تلاحظ ان السيارة غيرت على 6..

ولو تثبت السرعه وهي في 5..راح تلاحظ ان RPM يقوم يوازن نفسه على نسبة الجير 5





f i n e

اتفق تماماً مع الأخ خليد عينين
كان معي كابرس 89 عشق الثالت ونا امشي 140 ولا فصل إلا على160
كنت اتسابق مع واحد لأني دعست عليه انا جبت المثال هذا وهو مافيه مقارنه بينهم يعني فيه فرق كبير عندك تقول الخامس هو القير الجديد حسّاس عند اي حمل عليه ياخذ النمره الأخف لاتعجل يمكن ضروف الطريق غير مواتيه وإذا تكرر كثير معك مثلاً يبدل بين النمرتين والطريق متساوي وبدون دعس ممكن تفحص كمبيوتر على الحساسات لأن كل نمره عليها حساس وهي مرتبطه بكمبيوتر السياره يمكن احداها يعطي امر خاطء

ماشاء الله عليك انت قاعد تسوق الموتر او تلاحظ تبديلاته صاعد سادس ونازل خامس ... اعتقد انك وسواسي وايد وبحيل، دام ان السيارة مرتاحة عالغيار الخامس ومو مضغوطة يعني ان سيارتك بخير وهذا هو نظامها. عندي صاحب كان شاري سليكا سوبرا في التسعينات وتدرون غيرة الشباب اللي عندهم نفس الموتر ... فواحد خكري من الشباب قال له سيارتك لما تبدل عالثاني ترك يعني تنزل عاليمين ... ويمين الله الاخ نزلنا عالشارع علشان يبدل الجير عالثاني واحنا نلاحظ اذا يرك او لا والسيارة ماركت ولا شي. جبنا الاخ الخكري وحلف يمين انه يتغشمر معاه والسياره ماترك وصاحبنا موراضي يصدق ومقتنع ان سيارته فيها عيب تصنيعي.
الوسواس عمره مايخلي صاحبه مرتاح

(([COLOR=red] طريقه راح تنفعك : اذا كنت مثبت السرعه على اي سرعه كانت وجيت مثلاً تبي تزيد سرعتك عن طريق المثبت +- وليس الدعاسه انك تضغط ضغطات خفيفه ومتفرقه ورابعض يعني تضغط وتفك تضغط وتفك الين تاصل السرعه اللي انت تبي وبكذا لن يبدل للتعشيقه اللي قبل ولا أنصحك بالضغط بشكل مستمر ومطول على المثبت لأنه بهذي الحاله أكيد انه بيرجع نمره )) ارجوا اكون وفقت بالشرح [/COLOR]

السلام عليكم



[COLOR=red]الطبيعي انك اذا زريت ( شديت او دعست ) عل الموتر انه يبدل للنمره للي قبله وهذي المعلومه أكيده [/COLOR]

[COLOR=red]لكن بعد مايستوي الخط ويرتاح الموتر لازم يبدل للنمره السادسه 6 ويجلس الموتر مرتاح بالنمره هذي بغض النظر عن السرعه او المسافه الا في بعض الطلعات او في حال زياده السرعه مره ثانيه[/COLOR]


لكن[COLOR=red] الغير طبيعي على قولتك انه مايطول وهو مرتاح بالنمره 6 ( مجرد ثواني مثل ماتقول ) ويرجع يبدل عل النمره 5 هذا الله العالم ان فيه شي UP NORMAL[/COLOR]


هل كان فيه هواء ضدك وانت ماشي ؟؟

هل جربت تثبت السرعه بسرعه 160 مثلا وماريح معاك الموتر يعني رفض التعشيق بالسادس 6 ؟؟

انا لدي فورد أكسبيديش 2008 ابو [COLOR=red]ست نسب للقير مثل التاهو [/COLOR]
حتى لوكنت ماشي 100 او 179 هذا مايمنعه انه يريح الموتر بالنمره 6
ولو زريت عليه [COLOR=red]يبدل نمره وبعدها لابد من تعشيق النمره الأخيره 6 والثبوت عليها [/COLOR]

هذا واتمنى اكون افدتك اخي العزيز

وان شاء الله ان موترك مافيه الا العافيه

ونصيحه لاتوسوس واجد بالموتر ترى يخرب:c0038:

ولاتدل السياره على درب ورش الصيانه لأن بعض السيارات اذا استدلت درب الورشه يصير ولف وحب بينهم :smilie16:

خلك زيي اعقلها وتوكل وكل ماسفطت السياره وماعطيتها وجه كل مازانت :xyxthumbs:

ترى مايخرب السياره الى الوسوسه الزايده والتشييك عليها كل شوي بالورش الوكالات وهم بدورهم يستغلون الشغله ذي ويبدا مشــــــــــــــــــــــــــــــوار الخرابات

[COLOR=seagreen]هذا والله يوفقك وييسر لك امورك [/COLOR]

:wavey:

السلام عليكم
كيف حالك اخوي متدبس
بالنسبه للموضوع ترى انا نفسك لما اتعدى السرعه 160 كم/ساعه يحول الجير للغيار الخامس وذلك لأن السياره حجمها كبير وتحتاج لعزم كبير عشان تقاوم الهواء .
وعلى فكرة انا قريت في الكاتلوج ( صفحه 431 ) ان عند القيادة بسرعة 160 كم/ساعه فما فوق لمسافات طويلة يجب زيادة ضغط الأطارت 20 كيلوباسكال أكثر من ضغط النفخ الموصي به المبين على ملصق المعلومات عن الاطارات وذلك لأن عند القيادة بسرعة 160كم/ساعه فما فوق تتولد حرارة عاليه في الأطارات مما يؤدي الى انفجارها .
بعد انتهاء فترة القيادة بسرعه عالية لاتنس بأن تعيد خفض الأطارات الى ضغط الأطارات الباردة المبين على ملصق المعلومات عن الاطارات .
تحياتي للجميع:xyxwave:

طبيعي يارجال


السياره مافيها الا كل خير ,, والشباب وضحو لك الامر

تدري ليش

لان النمره السادسة تريح السيارة بزيادة جدا و ما فيها عزم

فانت اذا لمست النزين شعرة مثل ما تكرمت يعطي الخامس مباشرة عشان يعطيك عزم

و انت اكدت ذلك لما قلت انه يرفض يعطي السادس و يرجع للخامس بنفسه

ولعلمك كل قيور التيبرونرونيك بنفس الوضع
و ذكرتني ببرنامج فيفث قير وهو يجرب اللكزس IS-F قيرها 8 نمر فكان يعطيها النمره الـ 7 على 170 السيارة ترفض الا الخامس !

موترك ما فيه الا العافيه

عمري ماقد تعديت ال120 والقير عندي زي الحلاوة ماشاء الله تبارك الله

والموية اللي عند الشكمان حق التكييف الخلفي .

والظاهر كلنا راح نتدبس بالتاهو الله يعين

ان شاء الله ابو مشاري عنده الخبر