السلام عليكم اخواني الكرام
حبيت اليوم اعلمكم مع تجربتي للباسات سي سي والملاحظات
اولا السيارات يستهان فيها لما ينقال عنها 200 حصان اربعه سلندر تراها!
اخواني انا بنفسي مجرب السياره وصراحه عزمها مره حلو مو قويه مره وجباره لاكن
السياره تسارعها 7.6 هذا امر صحيح نعم بس بدون ما تحط وضع السياره سبورت> وضع المركبه
والقير s > سبورت تسارع السياره يصير 6.8 وانا ما اهتم لقومتها لان التيربو نعرف قوته بالخط
والسياره صراحه قومتها حلوه لاكن على الخط ممتازه وراسيه بس في مواصفات ما انشرح طريقتها زين
يعني الاعضاء ما فهموا زي مساعد الركن>> يعني تضغط زر مساعد الركن وتمر عند مكان بحجم سيارتك
ويقراه مساعد الركان ويأشر ان الموقف صالح > يعني تقدر تصفط فيه هو من نفسه يبين لك وطبعا تتقدم وتحط السياره على الريوس بعد ما ياشر لك انك تحط القير على الريوس وبعد ما تحطه يكون عليك البريك بس
وتشوف الطاره تلف والسياره توقف وقوف تام وممتاز
وبالنسبه لنظام تصحيح المسار هو طبعا لما تمشي على الخط مسار الشارع على حسب ثلاثه او اثنين..الخ
انت تمسك مسارك وتلاحظ لما تشيل يدينك من الدركسون(الطاره) القاها ماسكه بنفس المسار
ولما تدعس فيها بقوه تثقل الطاره> عشان يصحح المسار بشكل جيد وبصراحه السياره بالنسبه لتكييفها الي لاحظته طبعاً . توقف السياره بالضل لو بالظهر تشغلها المكيف بارد مره بس توقفها عند الشمس الله يعينك
ما ادري وش فيها بس الحراره تمسك فيها الله واعلم وبالنسبه للمواصفات اخواني
الي بـ160 عند ساماكو فيها نفقيشن وتلفون وكاميرا وجنوط 18 واسيات كهربائيه للراكب والسائق طبعاِ
> زياده عن الي معي بـ140
اما سيارتي فيها مساعد الركن وقير أف ون> التعشيق من الدركسون (الطاره) وجنوطها 17 والراكب سيتها يدوي:( وتسخين السيت لا يوجد تبريد اما عن الي بـ160 ما ادري اذا فيها تبريد ولا لا
يعني فرق 20 الف وفرق مواصفات اكثر وابسط والي 140 قير اف ون ومساعد ركن وهاذيك نفقيشن وتبريد اسيات وسيت كهرب وتلفون فرق 20 الف مع اني اشوف لو يجيبون وحده فيها كل هالمواصفات راح يكون احسن اما للسرعه القصوى هي 250 محكمه الكترونيا وتجيبها بسرعه حلوه والسياره تمتاز بالخط لانها تيربو والصراحه السياره على اللفات والمنحرفات ممتازه على حسب سواقتك تقدر تغير وضع السياره منـ سبورت وكومفرت(مريح) او نورمل
والي عنده اسئله يتفضل وسامحوني على الاطاله:smile:
