والله اني مليت ويمكن ابيع اليوكون

الرجل يقول لك ركب مروحة تبريد ولا نفع !!! :confused1:

صح خلهم يشيكو الثلاجة،،، وفلتر المكيف الداخلي إذا كان في فلتر في سيارتك ( مرشح )

لأن الموضوع فعلاً غريب إذا إنك مغير كل شي والسيارة مو ضابطة بس حسب ما أعرفه إن المكيفات تقل برودتها إذا وقفت السيارة على العموم أكيد في شي يعيق الفريون من الأنضغاط بالشكل المطلوب في حال الوقوف وتأكد هل الفني سوى لك تنظيف صح 100% بالمواد الخاصة كالأسيد مثلاً أو تنظيف هرار طياري أخذ فلوسك،،، وإذا مو بارد في حال الوقوف ركب مروحة إضافية على الكوندنسر الأمامي عشان تبرد،، وإذا تبي تتأكد حط ماي على الكوندنسر إللى قدام الرديتر وشف برودة المكيف تزيد أو لا وإذا زادت معنا إن الخلل من الكوندنسر وحط المروحة أو غيره بكوندنسر أكبر

السلام عليكم
اخوي محروق القلب اتصدق مشكلتك ماتكلف 150 ريال والناس ماغير تتلاعب وياك وانت ما تتدري
ياطويل العمر مشكلتك هي مشكله عامه من موديل 2000 الى 2002 ويعود السبب المراوح الخاصه بالمكيف بمعنى انها تغيرت في موديل 2003 حين تشغل المكيف تسمع صوت مروحه تشتغل وهذه ميزه في 2003 عشان كذا تشوف سعره فوق شوي
مشكلتك حصلت مع موتر الوالد يوكن 2001 ولا خرب الا عند جمارك الكويت وعينكك ماتشوف الا النور نشوي داخل السياره من تمشي تبرد
ياطويل العمر رحنا عند ورشه في الاحساء وهي معروفه جدا( الحدب) في امور الكهرباء والتكيف عند واحد اسمه بلال على طول قالي افتح الكبوت وهي نظره اقل من ثانييتن وقالي جيب مروحه مكيف اخذتها 140 تقريبا وماشاء الله مثل الورد تبريد ولا اروع وكلفت كلها 190 كلها مع التركيب
وعلى فكره خذوها قاعده لا احد يقولك كمبريسر ولا ظعف وخرابيط
خذ هذه المعلومات يمكن تفيدك :
1- اذا الكومبريسر عطلان من تشغله تسمعه ما يطق وهذا معناه سلم عليه انتهى
2- اذا شغلته وسمعته يطق كل شوي ظعف فريون ومليان هواء
3- وطريقه فحصه سهله جدا وهي انك تشغل المكيف وترفع عليه كله والسياره واقفه ومنها تقوم برفع الريس بشكل عالي شوي اذا سمعته يشتغل ويفصل يعني عيني عليه بارده اذا ماطفى وصار شغال على طول غير البلف
اتمنى اني افدتك
وللتواصل ارجوا ارسال رساله على الخاص
في خدمتك يابعدي
تحياتي

ان شاء الله بشيك على الثلاجة

اذا حرارة السيارة اوكي .. و المشكله بالتكييف ... اعتقد المشكله من الشداد + الكمبريسر ... لانك قلت ان يطلع عندك صوت السيور و انقطع عندك ...

الله يعييــنك ياارب .. , ’

والله يالغلآ .. يبغآلك تفصحها كمبيوتر عند واحد مضبووط وعآل العآل .. , ’

ربي يعييــنك ..

اذا كانت المشكلة متعلقة بحرارة السيارة وعدم كفاءة أو عمل المكيف ...
أخوي أنا أرجو أن تقوم بتبديل رومانات البكرات ( مكرة المكيف ) والمكرات الثانية وفيه بعض الورش عنده زي سماعة الدكتوريحطها على البكرات ويسمع اذا فيها حنة ولا شي ... الرومان الأصلي بـ 40 ريال بس أهم شي الكبس يكون سليم

شلون حرارة الموتر بدون مكيف ؟

الله يعطيكم الف عافية ويكون في عونا اجمعين
واخوي فهد المشكلة مو في حرارة السيارة لا المشكلة في المكيف المكيف اذا مشيت برد واذا وقفت قلب حار جدا (سموم ) اما حرارة السيارة الحمد الله ثابتة عند النصف

اتوقع من الثلاجه خلهم يشيكون عليها

انا ما فهمت الحين وش الي يحتر ؟!!

السياره تحتر مكينتها ولا المكيف يحتر ولا كل الاثنين ؟!!!!


إذا المكينه وكان كل شئ مضبوط

ليات توصيل .. صحيح شف الليات لا تكون متيبسه او متسدده

مويه ماتنقص

رديتر مسيخ ونظيف ومويته حمراء ورصاته 4 او 5

البلف مضبوط موهب يعلق

مالك الا تشوف طرمبة المويه لا تكون الريش حقتها متآآكله ولا تدور المويه مضبوط

تحياتي

الله يكون في عونك والمشكله ماعندنا كهربائي زين كل واحد يتوقع شئ
والله يكون في عونك

والله انا بعد احترت رحت الى كهربائي هندي قال لي الكمبرسر فيه ضعف
ورحت محلات رد كاب وعمل لها فحص طلع كل شئ خراب من رديتر المكيف الى بلف امامي الى تنظيف المواسير ما عدا الكمبرسر

بالله مو عارف اجمع اوراقي اطلب منكم المساعدة بعد في النصح

اشكرك اخوي على التكرم بالرد
بس وانا اخوك مو كل المواتر كان عندي كامري 2000 بس الله وكيلك ثلج الى درجة اذا اشتريت بيبسي احطه في الطبلة ويبقى بارد الى قد ساعة ونص
وقبلها هونداي ونعم بعد كان ثلج

الله يخللي مكيف الديزل

تلللللللللللللللللللللللج بعز الحر

واذا وقفت برد اكثر هع

( ماشاء الله لاقوه الا بالله )

وانصحك ترهم مروحه يوكن 2005

تلقى بالتشليح انشاء الله

طالما ان السير اتقطع معك فلازم تبحث عن اسباب انقطاع السير فربما احدى البكرات اللي حول السير خربانه وهذا الشيء يسبب حرارة وكذلك ضعف او خراب في المكيف 0 سلااام