الاكورد اقل احصنة بشوي من الاوريون والافالون يعني على 5 احصنة الى 3 احصنة فقط
بس الميزة اللي اقول لك عنها
انها اقل صرفية من الاثنين
يعني تمشي في المشي العادي بثلاث سلندرات فقط واذا دعست شوي تمشي باربع سلندرات والست سلندرات في حال التسارع القوي وتوفر احصنة الى 271 حصان
وتطلع على الموستنغ وتطلع على الدودج تشارجر ومسألة قوي و تطلع على اوريون ولا الاوريون تطلع على الاكورد هي على شطارة السائق والاحوال ونظافة حساسات المحرك وايضا نظافة المحرك نفسه
وبدون تعصب
الموضوع كله شخص يحب الاكورد وكتب عنها ماله داعي النقاش هذا هذه تسبق وهذيك لا
وبعدين ياراعي الاوريون ترى باجي اعطيك وحدة بالبوجاتي ها :tongue:
على فكرة التصوير من اوريون
المثل يقول الله ما شفناه ولكن بالعقل عرفناه
اكورد 3 لتر تطلع على افلون واوريون
واكورد 3.5 لتر تعجز انها تطلع على لكزس وتجي اوريون من الخلف وتشطفها
على فكره بعد الله سبحانه وتعالى ، الامان عالي في السيارة لأنه المقصورة بالكامل مغلفه بطبقه من الفولاذ بحيث يصعب تأثيرالصدمة على المقصورة ، كذلك الثبات اثناء على الطريق ماشاء الله وليس محد في السيارة ولكن من واقع تجربه حقيقه فيها ثبات عن جد يدهشك ويثير تساؤلك لماذا باقي السيارات لاتحذوا حذوها، ايضاً الكراسي الطبية والعزل الهوائي والصوتي ونظام VSA المساعد على ثبات السيارة اثناء الإنحراف المفاجىء بسبب منعطف او ماء في الطريق يتحسس حتى دوران الكفرات في محلها وايضا عيون القطط الكبيرة ، كذلك محركها بتقنيه I-VITEC بعزمه القوي لدرجة انك تحس معاك سيارة عادي وليس اوتو ، السيارة صراحة تدهش جميع من جربها والتجربة خير برهان فما بالك بي انا شخصياً مجرب الثنتين 4سلندر و6سلندر .
الموضوع وما فيه -زي الرابطة- انا كنت حاط الموضوع في(( قسم الروابط)) بس مادري ليش نقلوه لهذا القسم؟؟؟؟؟؟؟؟؟؟؟؟؟؟؟؟؟؟؟
-كيف الطريقة لنقله وتغيير الاسم الى - رابطة-؟؟؟؟؟؟؟؟؟؟؟؟؟
=== اخوي bilany2003
بيض الله وجهك على المعلومات الجيدة ........... وليس المقصود من الموضوع ذم السيارات المنافسة فقط ما يخص الأكورد وميزاتها أو مشاكلها...
تعقيبا على كلامك ::::
انا معي كورد 2006 الفحمات الأمامية والله ان لها أكثر من سنة ماغيرتها ..... بعدين أكرفها كرف رحت بها الجنوب والغربية وانت عارف نزلات الجنوب لازم رجلك عالفرامل !!! هذا غير الدوام 100كلم يووووميا __ ماشاء الله تبارك الله___
==== صحيح ان قطعها غالية لكن تدوم أكثر من غيرها .. يعني سيارة قطعها رخيصة تغيرها كل 6شهور بينما الأكورد كل سنة !!!! صارت القيمة متقاربة جدا ويمكن نفسها!!!!
**** اخوي مشغول جدة
شاكر مشاركتك ومدحك( للملكة) وبالنسبة لكراسي المكينة -صحيح بس ماهو كل الموديلات : حسب الاستعمال والمحافظة على السيارة من المطبات القوية او الدخول في طرق صحراوية
والله الأكورد في نظري أحسن سيارة من السيارات إلي من فئتها...!! وما فيها أي كلام والاعضاء الاعزاء كفوا ووفوا بس حبيت اظيف أنه عيبها الوحيد كراسي المكينة تروح بسرعة من موديل 2003 -2009 بس السيارة جدا جميلة ومريحة وجذابة
انا كان عندي كامري موديل 2004 اشتريته وكاله وبعته من شهور
ومن 7 شهور بالضبط اشتريت هوندا اكورد 2007 مستعمل ماشي فقط 7000 كيلو
السيارة ماشاء الله خيااااال وروعة والى الان ماشاء الله مريحة وسريعة يكفي بس القير الاوتو فيها يبدا يمشي السيارة وهو على900 rpm
يعني حتى ما وصلت 1 ار بي ام وتلقى السيارة تنطلق وكانك تسوق سيارة قير عادي
وفيها راحة خيالية
على سرعة 100 يكون ضغط المحرك فقط 2 ودايم لما تمشي بسرعات اقل من 100 تلقى 1 ونص ار بي ام فقط من ضغط المكينة هو اللي يسير السيارة
وفيها حركة حلوة وهو انها تفهمك من خلال الحساس اللي في دعسة الفرامل بالاتحاد مع دعسة البنزين
يعني لما تسوق بطريقة رياضية وتجي توقف تلاحظ ان القير يرجع نمرة لورى علشان تهدي السيارة وهذا اللي يوفر عليك صرفية الفرامل
من جبت السيارة ما غيرت اي شي الحمدلله
الكامري كل 6 شهور اغير الفحمات مع اني اخرط الهوبات باستقامة ومع ذلك الفحمات بس ست شهور وتنتنهي لكن الاكورد مع ان فيها على ما يقولون عيوب في الفرامل بس لاحظ متى يغيرونها اصحابها
انا كنت متعصب للكامري الى فترة قريبة والكل في المنتدى يدري الشي هذا وانا ما اذم الكامري او اسبها بل يكفي انها اكثر السيارات مبيعا في العالم اكثر من 11 سنة
بس وكيلها في السعودية خلاني اكرهها كره العمى واكره اسمها بسبب وكيلها
شوفوا فضيحة تويوتا عبداللطيف بصورة كامري جي ال اكس من الميناء لا فيها لا حساسات ولا اشارات عند المرايات يعني قبل ما يلعب فيها ابو جميل
