عُرض علي كابرس اس اس للبدل مع سيارتي الازيرا , فما رأيكم

وعليكم السلام ورحمة الله وبركاته

اكيد الافضلية للكابرس خصوصا الشكل الاخير بآخر موديل مميز

اذا بتحافظ وتستخدام استخدام طبيعي توكل على الله.. واذا << لاحظت ردك من الحين ناوي على المقاومات ههههه فالله يعيينك سنة وبتاكلك اكل

وطبيعي اي سيارة بالعالم بتحافظ عليها بتكد وبتظهر المشاكلة الاعتيادية والاستهلاكية

بعد اذن راعي السيارة ( وماشاء بارك الله له )





بالاخير ادرس الاوضاع وافحص السيارة وصلي صلاة الإستخارة

اخوي اذا انت راعي كرررررررررررف ترا ماينفعك لاكابرس ولا ازيرا


يبيلك فورد حمار المكده الله يكرمك والسامعين

والله يالغالي انا معي كآبرس LTZ V8 2004

وشوفني الحيـن بآخذ لي أزيرآ ..

يالغالي باقولك قصتي وانت احكم بعدها إذا تبي الكآبرس حق خويك ولا لا ..

يالغالي انا شريت لي جراند ماركيز 2005 .. ومشي معي 6 أشهـر وعآل العاال .. ولا طلبني وحتى وربي ماكنت اعرف اصحااب الورش .. المهم نفس حالك عرض علي واحد آخذ كآبرسه اللي هو معي الحيـن واعطيه المآركيـز .. طبعا انا مثلك قلت أبي قوة وطفشت من الماركيز معي ابي اغير .. المهم ورب الكعبـه الكآبرس نظيف .. أخذتـه جلس معي شهر ثم ضرب الجربكس ووظبته .. وبعدها صار عندي صوت طق وااضح مع كل قربعه .. غير جلد مسآعدآت وغيرهـ .. المهم بعد فترة صارت الطااره بها اصووااات وثقيله .. غيرت علبه الدركسون .. وبعدها السياره جاتني بها رجه غيرت البواجيو اسلاك البواجي ثم بعد فترة رجعت .. سويت برمجه وشلت حساس الشكمآنآت .. وقبل اسبوع الحرارة بخط جده وقفتني .. وربي واقف بالخط وتمر من جنبي سيارات اقدم مني وانا حرارتي اتش .. سويتها طلع مروحه كبيره وقفت علي ..

أقســـم بالله العلي العظيــم السياره معي لهـا 5 شهـور أقسم بالله كلفتني أكثـر من 11000 ريال بس اصلاحات بدون اضافة اي زينة ولا شي هذا بس اصلاحآت .. , !



شوفني الان بابيعـه وبآخذ يآ سونآتآ فل كامل او أزيرا فل كآمل .. , !

والله خلك على سيآرتكـ أحسن لك مية مررره .. ,

وانت تقوول انا حق مشااوير وما اهتم بالسياره .. ترى اقسم بالله الكآبرس حقي ltz مدلعه للاخر واتعبني فما بالك انت اس اس وبتكرفهـ .. يآشيــخ وربي وربي وربي لتتعب معه .. وخذ الكلام من واااحد انخدع بالكآبرس قبل ما يشتريـه .. ,

انا معـك قوهـ لكن وربي قووة في المكيــنـة وقوووة فسحب فلووووووس من جيبك .. , !

الحين ناااوي اشتري سياره جديدهـ وبلا رجعه باذن الله للكآبرس { الله ييسر ويعيينني ويوفقني بسياره تمشيني وتشيلني ياارب .. , }

نصيحـه مني لك يالغالي .. وترى المثل يقول { إسأل مجرب ولا تسأل طبيب .. }

وإن أخذت الكآبرس أقسم بالله لك مني اول شهر او ثآني شهر حتوضب الجربكس بـ 3000 ريال .. الكآبرس مو حق كررف مررره .. تبي كآبرس خذ جديد على يدك .. مستعمل مآآينفــع .. ,

هذه نصيحتي وإنت حر يالغالي ..

اخوك ..

اذا كانت من الشكل الجديد فأنا اشجعك عليها

أما القديم فهي كثيرة خراباتها

هلا فارس

شوووف انا معاي اول SS والصراحه كل شوي مقاوم :bigggrin: كل يوم اقول ابركد ومااااش يهيض لاسمعت صوت المكينه يلبيه بس وجاني شراي بسعر ممتاز وبعتها والحين والله اني متحسف على البيعه لكن لعل بالامر خيره
/
/
/

شف اذا انت ضاامن السياره وعارف كيف استخدام راعيها الاول تووكل على الله بعد الفحص بالكمبيوتر

عزم شكل هيبه قطع رخيصه وسيع .. الخ وفي وجهت نظري افضل من الازيرا ...

والى يميز موترك يافارس مطلعها على يدك جديده

وانت من زمان تبي تبيع موترك جتك الفرصه بوحش لاتفوتها

وحتى لو ماعجبك لو بغيت تبيعها تجيب لك سعر اكثر من الازيرا حاليا ..

ومبرووك عليك الكابريس مقدما :smile:

شوف كابرس مشكلته الوحيده أنك لازم تحافض على التشيكيات الوكالة حتى ما يخترب وهذي من

تجربه وتشيكيات الوكالة معروفه نارر

لهذا أنصح تم على السيارتك الأنها أفضل

الكابريس جيد و قوته ما يختلف عليها اثنين ..
بس المشكلة إن الكوابرس تتفاوت في الأعطال و المشاكل ..
علشان كذا تشوف آراء ملاكها متفاوته منهم من يذم و منهم من يمدح ..
في اثنين أعرفهم معهم كوابرس 2004 .. واحد كل يوم و الثاني و هو في الورشة
و الثاني كارفها كرف الويل يرجال حتى التطعيس يطعس فيها و إلى الآن ما غير فيها غير المساعدات فقط !!

لكن أنا أقولك بما أنك تعرف راعي الكابرس و تعرف حالت السيارة و أنها ممتازة ..
خذها و توكل على الله ..

ملاحطة : مكيف الكابرس عند الوقوف و الزحام دون المستوى و لكن في الخط أشهد أنه ثلاجة ..

لا تنس الاستخارة .. و فقك الله ,,

بدل يبن الحلال ,,
يكفي من الاس اس هيبته ,,
شف وهو موديل 2006 الا انه بصرااااحة روووعه ومن اكثر السيارات اللي تلفت انتباهي ,,
ومن ناحية القوة ,, سمعت انه يقوم على الاس اس الجديد لانه اخف ,,
بس لو انه اسود كاااان كلاااام ثاني ,,
موفق :)

^^^
وشهد شاهد من اهلها :D

تم اضافة استبيان

بالنسبة لأخباري من احسن مايكون الحمد لله , والماركيز يحتضر , الجير خبط والمكينة على وشك والسيارة تطفي ومافيها زيت دركسون يهرب بشكل مو طبيعي <<ليتك ماسألت ها هههههههههههه

الكابريس من السيارات العجيبة , هي السيارة الوحيدة التي آراء مستخدميها متعاكسة بشكل غريب

وانت عارف الشر يعم , لذلك دائم يذمونها :D

بالنسبة لي شخصياً لن اقتنع الا بعد تجربتها او من تجربة قريب لي

كلام الناس كثير , ويتعب !

الله يوفقك يا فارس باشا :D

تحياتي...

( مشاويري كثيره + ما اهتم بالسياره )

لاتاخذها

اسألني انا

سامي

والله انا احترم هالمقوله كثيراً لازلت متردد والمسأله ما اعطيتها الوقت الكافي للتفكير فيها واخاف اتخذ قرار واندم عليه

وانا بعد بصراحه افضل الازيرا على الكابرس بالنسبه لي, بس بصراحه ومثل ماقلت لراعيه انا ابيه عشان قوته بس


محمد

حياك الله , اخبارك ان شاءالله تمام وكيف الفورد بعد ما ذبحته :)

من ناحية فرصه صادق فرصه اذا فاتت ماراح تتعوض وخصوصاً انها راس براس سلم واستلم المفتاح وانتهينا

من ناحية عنايه تبي الصراحه والله مالي خلق احافظ ابداً

ايام السوناتا كنت كارفها وبعد ما عزمت على الازيرا كنت ناوي احافظ عليها والضحيه السوناتا وبالاخير هذي انكرفت وهذيك انكرفت

لو اخذت الكابرس في كل وقت بتقاوم فيه غير المشاوير الكثيره

مدري عن الكابرس كيف وضعه بيكون معي

وطلب يامحمد او سامي ياليت تضيفون استبيان للموضوع لاني اعتمدت الموضوع ونسيت

وعليكم السلام ورحمه الله وبركاته

والله يافارس اذا تبي رأيي

انا أقول بدل بالكابريس والله يعطيك خيره ويكفيك شره مقدماً :D

واضح من سطورك انك مللت من الأزيرا وفي خاطرك تغيرهاً اصلاً

وهذي فرصه جتك للتغير بسيارة نظيفه وبدون ماتضغط على ميزانيتك

والكابريس لا يُعلى عليه , لكن الحقيقه يحتاج منك عناية اكثر من الأزيرا وان شاء الله مافيه مشاكل اذا كان نظيف

توكل على الله , واستخير , واستشير الناس المقربين منك والله يكتب الي فيه الخير

بالتوفيق :)

تحياتي,,,