معاناتي مع الماونتنير (تقطيع)

الله يعطيكم العافية ويبارك فيكم

أنا والله الحين في مطالبة مع الوكالة وإن شاء الله ربي ينصرني عليهم

آآآآآمين

وتوووووبة أشتري فووووورد

الله يكون في عونك ويعوضك خير عن اللي خسرته
اخوي يالغالي سيارتك مافيها الا العافيه لولا انك وديتها للوكاله وحاسوها لك زياده لانهم معروفين في جشعهم و استنزافهم لاموال الناس وهمهم الوحيد كيف يخلونك تدفع
انت ذكرت في البدايه ان لمبة شيك انجن ولعت عندك وبدت السياره تقطع
وقلت انك غيرت البواجي والاسلاك و صفاية البنزين والبخاخ نظيف
الحل هو انك تودي السياره لواحد فاهم لانه مو كل واحد عنده جهاز كمبيوتر طلع يعرف يفحص ويحدد لك وين الخلل في البدايه افحص جميع حساسات المكينه الاربعه زين وبهدوء اللي يحتاج تنظيف نظفه والا غيره ومنظم الهواء وفلتر الهواء وتفحص حساسات الشكمان (مستحيل تشتغل اللمبه عندك اوحتى يكون في السياره تقطيع من غير هالاشياء)
اخيرا غير البنزين اللي تستعمله
وعلمنا وش يصير معك

الله يعينك

للرفع لعل الله يبعث من يفيدني وأمن يشكو من نفس المشكلة

راسلت الشركة فورد بدبي وإن شاء الله يكون ردهم إيجابي

يا أخوان اللي يعرف أحد عنده ما ونتنير وحصلت معه مشاكل زي كذا أمانة أنه يخليه يتواصل معي لأني أبي أقاضي الشركة وتعوضنا عن كل شيء

يا أهل الخبرة وأهل التجربة أفيدوووني الله يعافيكم

دمتم بودّ

الله يعينك اخوى ويصبرك

غيروا الكمبيوتر وتحملته أنا مع العلم أن عارض السيارة عليهم على نفس المشكلة وهي ما شية 80 الف وقالوا لي ما فيها وتصايحت معهم

المهم أنهم غيروا الكمبيتر وبعد فترو رجعت نفس المشكلو والآن رجعتها الوكالة وتفاجأت بالمهندس يقول تحتاج فك مكينة عندم بلوف تهرب هوا

عاد أنا بصراحة بدأت أفكر أرجع لهم السيارة وأطالب بجديدة لأني عرضت عليهم المشكلة أكثر من مرة وكانوت يقولون ما فيها شيء ويوم تعدت فترة الضمان افصحوا عن المشكلة وقالوا بلوف تهرب هوا

الآن السيارة في الوكالة وأنا والله أبي أطالب ونفسي طويل بس المشكلة ما ني عارف وين واتوجه ووين أحص اللوائح المنظمة لوكلاء السيارات اللي نهبنونا واحنا نطالع

اتمنى أجد أحد يفيدني

رعاكم الله

وش صار عليك اخوي..!

باقي ماسمعتك ذكرت منظم الهواء و فلتر الهواء وحساس الهواء ( اعتقد ان حساس الهواء نفسه هو منظم الهواء) وانا من رايي انك لاتستعجل على تغيير الكمبيوتر
أول شي سو له اعادة برمجه.
ثانيا شيك مواسير البنزين من خزان الوقود الى البخاخ.

اليوم الثاني في الوكالة

رحت لهم حصلتهم غيروا حساس أو منظم البنزين وجربتها ومازالت المشكلة قائمة نقلوها عند مهندس ثاني قال ما بقي الآ الكمبيوتر نجربه ولهم الآن يومين ينتظرون الكمبيوتر

المصيبة أن الكممبيوتر هذا وش اللي خربه والله حرام سيارة 2006 أغير فيها كمبيوتر قيمته حول 4000 ريال والله مصيبة يا ناس

تكفون يا رجال إاللي قد مرت عليه المشكلة هذي أو يفهم في الضمانات حقتن الوكالات يفيدني والله اني محتاج أحد ينورني

الله يعطيكم العافية

السلام عليكم

الله يعطيكم العافية ويكتب أجركم

انا اليوم كله في الوكالة والله تعبت تعب غيروا البواجي وجربتها والمشكلة مازالت موجودة

رجعت لهم جربوها بالكمبيوتر في خط واتضحت لهم المشكلة وقلت لهم أين غيرت الحاجات هذي شيكوا على البخاخ بالكمبيوتر طلع تمام وضغط المكينة تمام توقوعوا انه من الكويل غيروا قطعة الكويل وجربنا وبدون فايدة وغيروا الصفاية وجربناها وبدون فااااائدة

قال لي خل السيارة وأنا بشيك على الحساسات والأسلاك وهي عندهم الآن

أنا احترت ومخي انشطب من هذة المشكلة العوييييصة

والكمبيوتر أوتقع أنه ما يطلع كل شيئ فيه أشياء ما يحسها الكمبيوتر لازم تجربة حقيقية عشان نتأكد

أفيدوني بخبراتكم يا اهل الخبرة

شيك كمبيوتر عند الوكاله ، كمبيوتر الوكاله أو محل ثقه

شيك على حساسات المكينه وحساس الشكمان

كذلك قد تحتاج تنظيف الأيرماس والثروتل بدي