ما هي أسباب كتمة السيارة ؟؟

http://www.assayyarat.com/forums/t285464.html

انا اعرف ايش مشكلة سيارتك بس انا مابي اعلمك جزئاً لك لأنك لم تذكر نوع السياره موديلها حتى نفيدك لان السيارات ليست مثل بعض فيه منها يعمل بالكلبليتر وفيه منها بخاخ فيه منها ابلتين وفيه منها بدون بليتين فيه منها تعمل بأسلاك بواجي فيه منها تعمل بكويلات لابد ان تذكر نوع السياره وموديلها وفقك الله. بنسبه كمان لردود الاخوان ارجو منهم عدم الرد اذا كان صاحب الموضوع لم يذكر نوع سيارته وموديلها حتى لاتفتي بشئ قد يتظرر صاحب الموضوع منك ويخسر بسببك وانت جايه مطفي نورك ماتدري وش نوع السياره وش موديلها يمكن سيارة الرجال اللى انت قاعد تفتي له موديل 85 وانت جالس تفتي له عن موديل 2004

^^^^
انا في ايام الجاهلية ( كنت اجهل بالميكانيكه ) حطيت زيت للتنظيف المكينة في سيارتي
لانها كانت واقفه سنه
بس نبيهني البنشري اني ما ادعس بنزين نهائيآ
بس حاليآ ما استخدمه ولا افكر

الأخ أبو ريان، سفر
أنا نفس المشكلة حصلتلي، سيارتي كورلا 2011 شريتها ماشية 72000 فقط وكانت زي الحلاوة، رحت غير لها زيت مع غسيل المكينة عند ابو يمن وغسلت السيارة بستم،، وقلت تغيير الزيت شي طبيعي اش المشكلة؟ وتذكرت يوم نزّل الزيت وحط سائل غسيل الماكينة وانتظرت 5 دقايق ثم قال لي ادعس وطفي المكينة انا خفت تخرب لأن تعرفون زيت الغسيل خفيف ومايندعس عليه، دعست نص دعسة وطفيت المكينة، وبس خلص رحت غسلت السيارة بستم، ثم طلعت امشي فيها وصوتها زاد إذا دعست بزيادة صوتها يصير مبحوح كنها سيارة قديمة وبعد هذا كله صرت أجرب في تغيير الأشياء المعروفة رحت غيرت (زيت قير، تنظيف الثروتل، فلتر بنزين، غيرت بواجي الوكالة الي تمشي 100ألف، نظفت بخاخات عند بترومين، فكيت دبة التلوث) ولا تغير شي وبقيت الكتمة،، الحين يوم شفت تعليقكم زاد ظني بعملية تغيير الزيت او غسيل البستم، هل عملتم غسل المكينة مثلي؟ أم تغيير زيت فقط؟ وهل حط سيفون دايم تحطونه أم حط نوع آخر؟ لأنه حط لي سيفون ورقي يقول يتغيير كل ثلاثة تغييرات!

شكرا للجميع
أضيف امرا : أني اذا رحت عند راعي شكمانات قال المشكلة في دبة التلوث المنقيه للرصاص هي اللي تكتم السيارة وترفع حرارتها
وحق الرديتر يقول غير رديتر سعودي ( قيمته 2800 وكاله و500 تجاري )
وناس يقولون ابدأ بالبلف !
وناس يقولون تاكد من المروحة واذا تمام اضف مروحة ؟؟! احترت

على العموم صرت ما امشي بالسيارة الا السعة 12 ليلا عشان اتاكد مافي حر !!!!!!!!!!!!

ههههههههههههههههههههه امزح .
وش السوااااااااااااة

بو زامل ،،

كلامك ماعليه عج .. أقصد غبار :)

:xyxthumbs:

:c0038: شرايك : حرارة الجو فوق ال 50 ... حار غبار وعج شمس حارة

وش تتوقع يعني في اي سيارة ؟؟؟؟؟؟؟؟؟:a1120(82):

أخي سفر

وصفك دقيق جدا .. وكأنك تتكلم عن مشكلتي ! :)

وهناك شي مشترك بيننا أيضا ، ولكن أستغرب ان كان عامل مسبب بالمشكلة ، وهو : بعد تغيير الزيت واستخدام كاسترول 20/50 ظهرت المشكلة !!

انشاءالله نلقى حل .. وربي ييسر أمرك

تقبل تحياتي

عشق الفكتوريا

الله يعين ياخوك ، الواحد ماعاد يأمن لأحد ، والتخصص عندنا مفقود .. والناس الفاهمة نادر ما تحصلها ، وكله يلعب على كله .. وكل من عرف يفك صرة زيت ويغير فرامل صار فني ويفتي !

ماقصرت على نصيحتك .. وتقبل تحياتي

أبو بـدران

كلامك صحيح .. المفروض الصفاية تتغير .. خاصة انها استخدام امريكي .. انا اول ما شريت السيارة قبل 7 أشهر المفروض إني غيرتها ، بس في الورشة قالولي ماله داعي امشي عليها الين تواجه مشاكل غيرها .

تقبل تحياتي

شاكر لك نصيحتك .. وفعلا بشييك على صفاية البنزين .. وبرأيي لازم تتغير

تقبل تحياتي

صراحة نفس المشكلة بالضبط
شريت لكزس امريكي نظيف والحمد لله وكان عزمة وقومته طيارة ماشاء الله ، حتى كنت ابلش عند التقاطعات ادعس عليه خفيف يفز الموتر
وبعد ما اخذ معي شهرين في حر المدينة ثم غيرت له زيت ( كاسترول 20 / 50 )فرق معي عزم الموتر وصااااار يكتم بشكل ملحووووووظ جدا يعني لو جيت على تقاطع وابغى اهرب من سيارة مسرعة يمكن يصدمني والموتر ما قام ( ياااااخذ نفس طووويل وانا داعس على البنزين ثم يفزززز )
صراحة مقهوور ابغى اعرف ايش السبب )
وكمان لما رحت الجنوب على طريق جده ارتفعت الحرارة فوووق النصف وفي طلعات العقبة العالية سخخخخخخن المووتر فاضطرييت اوقف ربع ساعة حتى يبرد ثم اكملت المسيره
علما انه لكزس 400 موديل 2000 وفيه مروحة واحده ويظهر لي انه كان في منطقة بارده لأن المقاعد فيها سخانات وفيه زرين عند القير الباور + سونويت حق الثلوج والكفرات اللي عليه كانت ثلجيه .....


اريد حل للمشكلة وآسف على الاطاله ؟؟؟؟؟؟:c0214:

اخوي انا مثلك هاذي المشكله ولعبو علي الحضارم كل واحد يطلع لك سبب واحد يقول صفاية بنزين غيرة صفايت بنزين ولا صلحة واحد يقول غير كلبليتر ب 800 او اغلى منيب ذاكر واحد يقول بجيب من التشليح ورحة صناعية ام الحمام قلت له هذا ماصار هذا ماصار وقلت له وش السبب قال نضف كلبليتر قلت بنضفه وبجرب الموتر صلح عطيتك فلوس ماصلح ولله تحلم ديني ودين نصب الحضارم

انت رح وقله نفس الكلام اذا ماصلحة لاتعطيه


انشالله افتك ونا اخوك وشكرأأأأ

صفاية البنزين المفترض أنها ماتكمل 100 الف !

مثل ماقال الأخ "فني" .. ابدآ بالأسهل فالأصعب

:xyxthumbs:

عزيزي ابو ريان
كان عندي كتمه زي موضوعك لكن على سرعة ٩٠
المهم قالوا يا دبة تلوث او صفاية بنزين وغيرت صفاية بنزين
بعد فحصها وتبين ان الخلل فيها وراحت الكتمه

الله ايسر امورك ويكتب لك اللي فيه الخير

مشكور وما قصرت يافني السيارات

دوما ما أستنير برأيك

تقبل إحترامي