السلام عليكم
حبيت افيدكم واوفر عليكم دفع مبلغ لاني دفعت قيمة المفتاح بالبرمجة 130 ريال بعد التخفيض
رحت عند محل مفاتيح علشان انسخ مفتاح لسيارتي (تاهو 2009) اتفقت معه انه ينسخ مفتاحين وهنا غلطتي هههههه لكن مومشكلة العوض على الله.
الطريقة اللي سواها قدامي وانا اشوف:
1- نسخ مفتاحين على مفتاحي الاصلي (مجرد نسخ مفاتيح عادية) تفتح الموتر بس ماتشغله.
2- سألني وين السيارة؟ قلته تعال تفضل هذا السيارة عند المحل.
3- ركبنا السيارة وشغل السيارة بمفتاحها الاصلي وخلاها شغالة لمدة 5 ثواني تقريبا.
4- طفى السيارة وبسرعة دخل المفتاح المنسوخ الجديد ودق سلف وشغل السيارة.
هذا البرمجة بكل بساطة ووالله اني عرفت غلطتي يوم طلبت مفتاحين لكن الحمدلله على كل حال
حبيت افيدكم علشان ماتضطرون تدفعون مبلغ كبير مثلي مقابل لاشيء.
اخوكم