تكفون علموني وش اسوي والله اني متوهق

أخو من طاع الله @user_155583 · 30-05-2009

السلام عليكم ورحمة الله وبركاته

يا الربع أنا قدر الله علي وطحت في فورد وشريت لي كراون فكتوريا 2009 وكالة
أخذتها من شركة الملحم اللي في الحسا الله لايجزاهم خير

والله ماكملت اسبوعها عندي الا وتوقف وقالو لي ان المشكلة من طرمبة البنزين وقعدت السيارة عندهم اكثر من اسبوع وكل يوم اتصل فيهم ويصرفوني ويقولون ان شاء الله بكره وانا توهقت ودوامي دايم أتأخر عليهم وصرت اقضيها تأشيرة تحت الشمس يوميا وحالتي لله

واليوم رحت اكلم مديرهم اللي في الفرع ويكلم له واحد اجنبي جنبي ويقوله مافيه طرمبات ابد لافي السعودية كلها ولا في البحرين
ويقولون مانقدر نسوي شي اصبر بس لين تجي القطعة وندق عليك
وانا منغبن والله انهم قهروني من جد حسبي الله عليهم

لاهم اللي بيخلصون موتري ولاهم اللي راضيين يعطوني موتر غيره امشي نفسي به الين يخلص موتري
ابي اعرف من اشكتيهم عنده ومن اللي يقدر يشوف لي حل حتى لو يعطوني موتر امشي نفسي به والا اي حل

تكفون ساعدوني

واسف على الاطالة

والله يجزاكم خير

HOLDEN-SS @user_161462 Banned · 02-06-2009

يؤ يؤ موديلها 2009 ؟؟؟؟؟؟؟؟؟؟ غبنه ياشيخ الله يكون بعونك , أي أعتماديه يتكلم عنها بعض العامه

على العموم شي طبيعي مالها طرمبة والسبب أنها توقفت في أمريكا ولاتُباع في هناك
أتمنى تزور موقع FORD.COM , أعتقد تباع فقط اساطيل شرطه وتكسي وليست للأفراد ..

بالنهايه عندي حل لك رح وكالة ماكيز مازدا الحاج حسين قل ابي طرمبة قراند ماركيز 2009

اخو من طاع الله @user_117867 · 02-06-2009

السلام عليكم

ما تلاحظ انه هناك تشابه في الاسماء والله عيب

بر الوالدين @user_151102 · 31-05-2009

r

rahaal

اذا تعرف احد في اي جريده خله يصور السياره في الشركه وبعدها يكتب عن الموضوع

واذا فيه اوراق تثبت ان العطل فني من الطرمبه ياليت ترفقها مع التقرير

وتخلي اللي مايشتري يتفرج

وقتها يتأدبون

ولا هوب لازم تعرف احد

[CENTER]إتفق مع و احد من زملائك و خله يروح ومعه كميرا و يلبس علاقة بطاقة و يصور موترك

وقبل ما يصور يسئلهم و يقول ( فيه سيارة عندكم نوعها و لونها كذا و تبي تغيير كذا ) وين هي

و إذا قالوا هذي هي ( خله يصور ولا يتكلم معهم أبد " على الصامت " ) خلهم ينشطبون ، : هذا وش يسوي :

و يطلع يصور لوحة المركز و يروح

و إن شاء الله هالحركة تفيد في تحركهم

[/CENTER]

أخو من طاع الله @user_155583 صاحب الموضوع · 31-05-2009

والله انها كانت فكرتي الجريدة لكن بعضهم قالي ماتقدر الجريدة تنشر اسم وكالة وبتسبب لهم مشاكل

لكن أنا أببحث في الموضوع وبيض الله وجيهكم جميع ولاهنتو على الردود

نـاصر @user_80714 · 31-05-2009

ماشاء الله عليك اعلام وحركات :bigggrin: &^^^^^^

فكتر @user_64532 · 30-05-2009

امسك عليهم اي اوراق تثبت هذا الكلام ولو فيه صور للسيارة يكون افضل

واتجه على اقرب جريدة وشوف وش راح يسوون لك بعدها

الشمري @user_2215 · 30-05-2009

[COLOR=black][SIZE=5]وعليكم السلام ورحمة الله وبركاته،
[SIZE=5]تحية طيبة وبعد،،[/SIZE]

أ

أخو من طاع الله

يا الربع أنا قدر الله علي وطحت في فورد وشريت لي كراون فكتوريا 2009 وكالة
أخذتها من شركة الملحم اللي في الحسا الله لايجزاهم خير

والله ماكملت اسبوعها عندي الا وتوقف وقالو لي ان المشكلة من طرمبة البنزين وقعدت السيارة عندهم اكثر من اسبوع وكل يوم اتصل فيهم ويصرفوني ويقولون ان شاء الله بكره وانا توهقت ودوامي دايم أتأخر عليهم وصرت اقضيها تأشيرة تحت الشمس يوميا وحالتي لله

واليوم رحت اكلم مديرهم اللي في الفرع ويكلم له واحد اجنبي جنبي ويقوله مافيه طرمبات ابد لافي السعودية كلها ولا في البحرين
ويقولون مانقدر نسوي شي اصبر بس لين تجي القطعة وندق عليك
وانا منغبن والله انهم قهروني من جد حسبي الله عليهم

لاهم اللي بيخلصون موتري ولاهم اللي راضيين يعطوني موتر غيره امشي نفسي به الين يخلص موتري
ابي اعرف من اشكتيهم عنده ومن اللي يقدر يشوف لي حل حتى لو يعطوني موتر امشي نفسي به والا اي حل

تكفون ساعدوني

واسف على الاطالة

والله يجزاكم خير

اطلعت على مشكلتك المتضمنة عدم إجاد حل لعطل الذي واجهك بخصوص سيارة نوع فورد ذات طراز جديد 2009، لذا الوكالة مسؤوله اولاً وأخيراً عن التاخير بل يجب أن تعيرك مركبة إلى أن يتم توفير القطعة اللازمة، وعليه ننصحك بمقابلة المدير العام لعلاقات العامة او إدارة شركة الملحم وشرح له كافة التفاصيل وإلزامه على ان يعيرك مركبة اذا عرفنا ان التأخير من الشركة فضلاً عن ذلك الامر استبدال قطعة بآخرى وليس سمكرة او صبغة او توضيب... ولولا ذلك لوجدنا عذر لهم، وأن لم يستجيب عليك الذهاب الى أقرب فرع "لصحيفة اليوم" وسوف يرحبون بك لطرح الموضوع في صحفاتهم حينها سيتصلون بك فور قراتهم الموضوع بشرط ان تقدم ما يثبت ذلك. اعانك الله وامل اشعارنا بكافة التطورات.

[COLOR=red]ملاحظه: يمكنك الاتصال على الوكالة والسؤال عن القطعة فان اخبروك انها متوفره فهذه حجة قوية سوف تصف معك اثناء حديثك مع المسؤول.[/COLOR]

[COLOR=black]وتفضلوا بقبول وافر التحية والإحترام - الشمري[/COLOR]

.

[/COLOR][/SIZE]

نجم العشاق @user_145887 · 30-05-2009

الله يكون في عونك
الملحم اسو وكاله
اصلا حتي توكيلات الجزيرة سحت منه مسمي وكيل

rahaal @user_113899 · 30-05-2009

عليك بالجرايد والله لو طلعت الريحه ليجونك ويعطونك دبل قيمة سيارتك بس تسكت

اذا تعرف احد في اي جريده خله يصور السياره في الشركه وبعدها يكتب عن الموضوع

واذا فيه اوراق تثبت ان العطل فني من الطرمبه ياليت ترفقها مع التقرير

وتخلي اللي مايشتري يتفرج

وقتها يتأدبون

M O A Y A D @user_15565 · 30-05-2009

.
.
.
صراحة ياخوي , مشكلتك تقهر !!!

2009 وعطل فني !!!
ومافي قطع ايضا !!!

ولا في سيارة بديلة !!!

ادخل على المدير وقله ياخي مو معقول كذا ,,, السيارة عندكم لانتو اللي عطيتوني اياها ولا عطيتوني بديل !!

قلهم انا دافع فلوووس واخرتها اتبهذل !!!

خليهم يعطونك اي سيارة ,,, ولا قلهم مايردني الا الشرطة الان ومنها الى المحكمة والفضيحه بـ جلاجل !!

أخو من طاع الله @user_155583 صاحب الموضوع · 30-05-2009

بيض الله وجهك يا هاف مون والله يرحم والديك

ابشرك عندي موتر اخوي كامري الله يعز تويوتا لكن ماودي اغثه لأن دوامه شفتات وبعض الاحيان يصادف صباح والا ظهر وانتكب لكن الله يفرجها من عنده

وبيض الله وجهك يابوماجد
لكن رحت لهم بس ماطلعت بفايدة ابد

أبو ماجد البشري @user_109566 · 30-05-2009

وعليكم السلام ورحمة الله

الله يعينك ياخوي وان شألله تفرج , لكن وش حكاية طرمبة البنزين بالسيارات الجدد قبل يومين واحد من الرياض طرح نفس مشكلتك يقول استلمت سيارتي فورد 2009 ماركيز من الوكاله ووقفت السياره قبل تاصل البيت وكلم الوكيل وجابوا له سطحه وحصّلوا طرمبة البنزين عطلانه وغيروها بس ماذكر انه لم يحصّلها , بالنسبه للشكوا ماني عارف طريقتها لكن رح لهم وقل ابي سيارتي اليوم هذا ماهو كلام انكم ماحصّلتم طرمبه لو يفكون لك من السيارات الجدد اللي عندهم ...

هاف مون @user_95340 · 30-05-2009

ماعندك حماية مستهلك وش نقول غير لنا الله .

والله لوكنت في منطقتك كان عطيتك سيارتي تمشي امورك فيها حتى تخلص سيارتك

ولكن ما اقول غير الله يكون في عونك .

اخوك .