السلام عليكم ورحمة الله وبركاته
لمبة Airbag شغاله عندي من يوم شريت السياره فقلت يمكن طلع ايرباق السياره عملت فحص في اماكن اي كلام كل شوي واحد يعطيني كلام المهم رحت عملت فحص لها في العالميه قالو لي عندك مشكله في الضفيره وشريحة الايرباق نسويها لك ب 700 ريال ما ادري هل اسويها وهل السعر مناسب
السؤال الثاني ابي اغير كفرات ميشلان كم سعرها اذا احد عنده خلفيه وهل فيه افضل منه
السؤال الثالث ابي اغير الجلد لانه مره ذبحني من الحراره والاجواء عندنا ماتساعد احصل تلبيسات مخمل للقراند ماركيز ولا اعمل لها تفصيل احسن
شكرا اخواني وانتظر اجابتكم
وعليكم السلام ورحمة الله وبركاته
بالنسبة للسؤال الأول لا استطيع الإجابة عليه لأني لست خبير في الأمور الكهربائية للسيارة
السؤال الثاني افضل إطارات هي برجستون وسعره فوق 400 وبعده ميشلان سعره حوالي 370 او اكثر وفيه نوعيات اخرى مثل تويو لكن خذ نوعيه كاتم صوت سعره 291 من الوكيل وفيه هانكوك الكوري بس ما اعرف كم سعره بس المتربعه على عرش الإطارات هي برجستون ثم ميشلان
السؤال الثالث راح تلاقي تلبيسات مخمل وعندك نوعيتين ممتازه فيه الأولى تلبيسات السماعيل وهي نوعيه جيده جداً وتشبه تلبيسة الوكالة تماماً بس يبيلها واحد فنان يركبها وانتبه فيه نوعين نوع خاص بالمواصفات الخليجيه بتكاية وحده والثاني خاص بالمواصفات الأمريكية ابو تكايتين اما النوع الثاني مثل ما سمعت من احد الزملاء يقول نوعية إماراتيه بس ما ادري وش اسمها يقول ممتازه جداً ولو انت بالرياض ترى السماعيل موجود بالغرابي مركزه الرئيسي واعتقد بالرياض ما راح تعجز تلاقي تلبيسة زينه لأن محلات الزينه هناك الأفضل في المملكة
