حر الصيف والحلول المبتكرة

الهكرجي @user_77861 · 24-05-2009

السلام عليكم ورحمة الله وبركاته

وش رايكم في حرارة الرياض الأيام هذي :a120(115):

أقل درجة40 مئوية

طيب وش الحل

وش رايكم ياشباب كل واحد يفكر ويشغل مخه ويقول لنا فكره قابلة للتطبيق

وأنا اول من يبدأ

فكرة المايباخ

يوجد فوقها خلايا شمسية دورها تكييف المقصورة الداخلية كيف ما أدري أتوقع إنها تخلي المكيف دائما شغال

لا أحد يقول لي نحط تضليل عازل أو نوقف السيارة تحت مظلة

التظليل في عز الظهر مثلة مثل إللي بدون تظليل (مجرب ) بقاء السيارة في الشمس من الصباح إلى الظهر أتحدى واحد يقول إن التظليل العازل ينفع

إحنا نبغ أفكار جديدة

تحياتي

(((((((((((((((((((مع الهكرجي الحرارة بكل سهولة))))))))))))))))))

xooooox @user_184520 · 17-07-2010

انا عندي طريقة جربوها واذا نفعت ادعولي واذا ما نفعت ادعولي كمااااااااان:smile:

المهم وانت خارج من السيارة خلي الشبابيك حق السيارة مفتوحة شي بسييييط مرررة (يعني يا دوبك حق نفس)
وحط جوا السيارة قارورة موية صحة مفتوحة >>>>>لا احد يحط القارورة فاضية :tongue:

حتلاحظو انو الموية حتبدا تتبخر لاكن السيارة ان شاء الله حتكون باردة

ودعواتكم

MEEM777 @user_184959 · 16-07-2010

انا اقووول دخلها الجــراج واركب تاااكسي خخخخ
ولا تطلعها الا بعد صلاة المغرب :)

بكّوشي @user_174992 · 15-07-2010

تبغى الحل ؟

مافيه حل الا انك تطلع برى المملكة ..

فيه نوع من المظلات لونه برتقالي قيمته [COLOR=Red]2000 ريال تقريبا لاحظت انه يخلي الي تحته بارد [/COLOR]
بس ما ادري وش اسمه

[COLOR=Blue]
تعليق جانبي : تصدقون اليوم درجة الحرارة 49 وجاء مطر وقلب درجة الحرارة الى 22 [/COLOR]
صراحة جاني صداع من قوة هبوط درجة الحرارة

الهكرجي @user_77861 صاحب الموضوع · 15-07-2010

حلوه فكرة النيتروجين بس بكم؟

تحياتي

--_-- @user_167659 · 15-07-2010

خذ سلندر نيتروجين سائل ومدد منه انابيب وافتحه على خفيف.. أفضل حل:c0214:

http://www.youtube.com/watch?v=PigqSwbRe0Q

--_-- @user_167659 · 15-07-2010

حط ثلج داخل المكينه

ســاعــدونــــي @user_229045 · 14-07-2010

بما أن الحرارة قربت للستين درجة قررت رفع هذا الموضوع >><<

يعني بإختصار للرفع

الهكرجي @user_77861 صاحب الموضوع · 14-07-2010

عندي فكرة ليش ماتسوي إنت وجارك موفق مكيف

يكون فيه مكيف صحراوي مثلا وتوصل له هوز وأول واحد يدخل للموقف يشغله وآخر واحد يطلع يقفله

بعد يومين تلاقي سيارات الحاره كلها صافين سره :smile:

الهكرجي @user_77861 صاحب الموضوع · 14-07-2010

نظرا للحرارة الزائدة هذه الأيام حيث أنها وصلت في الرياض إلى فوق الخمسين

يتم رفع الموضوع

تحياتي

FA$T C@R_505 @user_160777 · 30-05-2009

اممممممممم ازين شي نجيب ثلج ونحطه على السياره وخلاص

تقبل مروري

مرعوب ّ~ @user_12827 · 30-05-2009

ياخي بيع سيارتك وبيع بيتكم واشتري اودي الجديد لان مكيفها يشتغل وهي واقفة تركب السيارة الظهر ودرجة الحرارة 50 تلقاها بااااااااااااردة

بروفيسورالسبيعي @user_140778 · 29-05-2009

الله يستر على سياراتنا من هالحر اللي بالخليج والله تخرب سيارات واجد بس الله كريم

$ الإمبراطور $ @user_145916 · 29-05-2009

بالعربي مافي شيء يمنع الحرغير إنك توقفها تحت المظلة والزنك ألقاها باردة يعني ما تغلي مرة هههههههههههههه

bilany2003 @user_19836 · 26-05-2009

وفيه عندي فكرة ثانية

زجاجة تكون مكونة من زجاجتين يعني زجاجة مجوفة من الداخل بسائل شفاف تماما وبمجرد الخروج واغلاق السيارة تغير من تركيبة السائل الداخلي بحيث تحرف اشعة الشمس وتحرف مساراته عكسا للخارج وهي نفسها فكرة الزجاج العازل بس انت يالهكرجي ما تبي التظليل العازل وجبت لك الطويلة

AHMED S.A @user_133877 · 26-05-2009

ا

الهكرجي

السلام عليكم ورحمة الله وبركاته

وش رايكم في حرارة الرياض الأيام هذي :a120(115):

أقل درجة40 مئوية

طيب وش الحل

وش رايكم ياشباب كل واحد يفكر ويشغل مخه ويقول لنا فكره قابلة للتطبيق

وأنا اول من يبدأ

فكرة المايباخ

يوجد فوقها خلايا شمسية دورها تكييف المقصورة الداخلية كيف ما أدري أتوقع إنها تخلي المكيف دائما شغال

لا أحد يقول لي نحط تضليل عازل أو نوقف السيارة تحت مظلة

التظليل في عز الظهر مثلة مثل إللي بدون تظليل (مجرب ) بقاء السيارة في الشمس من الصباح إلى الظهر أتحدى واحد يقول إن التظليل العازل ينفع

إحنا نبغ أفكار جديدة

تحياتي

(((((((((((((((((((مع الهكرجي الحرارة بكل سهولة))))))))))))))))))

تصدق هالفكره حقت المايباخ في راسي من زمااان كنت افكر ليه مايسوون حركه زي كذا ماكنت اتوقع فيه سياره مسويين فيها هالحركه بس طلعت الحركه قديمه :a1120(82):

~{ الـشمراني }~ @user_161829 · 26-05-2009

يقول لي أحد الشباب :

ضع زجاجة ماء مفتوحة في السيارة " طبعا في المكان المخصص للمشروبات " و السبب أنه عند ارتفاع الحرارة الشديد كما تعلمون يتبخر الماء و يحدث نوعا من الرطوبة داخل السيارة و التي تخفف من درجة ما فوق الـ 40 نسبيا ...

أتمنى أني افدتكم :xyxwave:

[COLOR=Green]ملاحظة : لا تكون الموية فل , خلها نص , عشان لما تمشي لا تكب عليك و على السيارة .
[/COLOR]

أبـــوبـــدران @user_19528 · 26-05-2009

أنا عندي فكره من فتره ودي أسويها لكن مافيه فرصه

اللي هي:

تشتري لك حبتين شماسه نيكل , مثل اللي عند أبوفهد بالكرسيدا , وحبه شماسه بيضاء (اللي تتسفط وتكون دائريه صغيره) !

المهم اول شي تجيب الشماسه النيكل , ثم تدبس فوقها البيضاء , وفوق البيضاء شماسه ثانيه

او البيضاء فوق النيكل وبس (بدون نيكل ثانيه)

- النتيجه اتوقع مرضيه , لأن الأبيض لايجذب الحراره , والنيكل يردها -

بأذن الله قريب أسويها .. ون شاء الله تنفع

stoot @user_32157 · 26-05-2009

من وجهة نظري
أن أغلب مصنعي السيارات في دول باردة واذا وصلت الحرارة عندهم 35 قاموا يصارخون
لا والمشكلة ان العربية الجزيرة يجيبون معاناتهم مع ال 35 وحنا نوصل 60 ومحد درى عننا لذلك هم غالبا ما يصنعون سيارات ديكوراتها تمسك الحرارة علشان شتاهم البارد
والحل :
1- أننا نصنع سيارات تتوافق مع بيئتنا !!؟؟ لكن ربعنا ما يحمسون
2- نكلم معاهد الابحاث علشان يبحثون لنا عن طريقة علمية وزينة
3- طربال او شراع .. اللي هو غطاء عاكس وتغطى به كل السيارة
هذا اللي عندي
ولو استمرينا بتبادل الافكار ان شاء الله نوصل لافضل حل
وتحياتي لصاحب الموضوع

bilany2003 @user_19836 · 26-05-2009

طيب يالهكرجي ايش رايك بالاختراع هذا؟

الهواء مثل ما انت عارف ينتقل فيه الحرارة بشكل كبير لكن مثلا لو صار فيه فراغ هل تنتقل الحرارة فيه؟

فهمت قصدي الحين

يعني بمجرد ما تقفل السيارة يصير فيه سحب للهواء في داخل المقصورة وطردها للخارج بشكل كامل

الفائدة

1- لا غبار داخلي نهائيا

2-لا توصيل فائق للحرارة فيزيائيا

وكذا حتى لو وقفتها 20 ساعة تحت الشمس ما راح يكون فيه حرارة بس ضوء وبس