لأهل الطعوس والبر ارجوا الافاده

موضوع رائع ،
وتجمع مناسب لأرباب الخبرة [COLOR=limegreen] أبو سليمان و Dead ...|1|
إن شاء الله تجد مبتغاك أخوي مجنون هوندا |3|
[/COLOR]

شف أخوي مجنون هوندا

من يوم تغير شكل الددسن عام 98 والناس مايمدحونه
أنا أقولك السبب
نيسان خلو الددسن كأنه سياره سيدان يعني حقت مدينه وتحميل داخل المدينه بس
يعني مهب زي 97 وتحت تكرفه ولا تقول لا
ومشكله ثانيه أن الددسن تفكك يعني تمسكبه جاده (طريق ترابي) 50 كم
تلقى القير قاعد يرقص والمكينه تروسله ولا يهون الطبلون

مشكلته داخل الطعوس
الددسن منذ عام 86 وهي ماتنفع بالطعوس الى اذا كان صاحبه سواق
وخصوصاً الشكل الجديد ثقيل مره ونفس المكينه قصير
وأخوي لو تلاحظ أن أغلب الدداسن الي بالرياض ماقد طباً البر ليه لأنهم شارينه لتحميل داخل المدينه

خلاصة الكلام
أذا كانت طلعاتك قليله خذ ددسن لكن حط ببالك أنه بالطعوس تبي ترفع ضغطك كثير
وأما أذا كنت ماتبي شي يوقفك بالطعوس حذ هلوكس والله أن تدعيلي كل مارقيت طعس

تحياتي
أبوسليمان

نيسان وبس
نيـــسان وبس
نــــيســان وبس
نيـــــــــسان وبــس
نيســــــــــــان وبــــــس

بيك اب/ابوعزيز
مالك غيره يخوي تراه بطامر مطامره
فل بران ونصحك به وانت لك حر الاختيار
والسلام ختام...|3|



معلومه../
خبره فل تطعيس 8 سنوات







|4|2003|4|2003|4|

ليش ابو سليمان حدد لي العيوب الي ممكن تطلع فيه بعدين لو سمحت

وشكرا
اخوكم/ مجنون هوندا

أخوي مجنون هوندا

الددسن ممتازه بالمدينه وأفضل من الهلوكس
لكن ياويلك ياسواد ليلك لو تطاعسبه وأتكثر طلعات البر عليه

تحياتي
أبوسليمان

شكرا على الردود اخواني
لكن قررت اخذ الددسن لان منزلين عرض مغري عليه 999 ريال شهريا بدون دفعه اولى مع سنه كامله ضمان مع الصيانه المجانيه مع قطع الغيار
لا وهديه لكل مشتري

وغر كل هاذا جربت الددسن 2002 بخاخ GLE بصراحه عجيب الموتر

مع حبي للهايلكس الجبار لكن في النهايه المكتوب لي بأخذه وشكرا


اخوكم / مجنون هوندا

خذ هايلكس ولا تشارو احد وبس

جب لي اقوى قير ومستعد افرطه لك بربع ساعه :)

اخوي المشكله مهب من الهايلكس
المشكله من الاوادم الي تسوقها

يا أبو سليمان كلام اللي ايقوله صحيح 100% يقوله وا ذكر ان المندوب يقول ان المشكله هاذي موجوده وخصوصا القصيم لانهم راعين بر ومطامر وهذا كلامه وسلاااام

أخوي المنسي
أول مانزل 2002 قالوا مهب زين
قيره مع المطامر ينفرط وأتضح أن الكلام هذا خرطي
لأنه أنا معي 2002 مطلعه أول مانزل ومن يوم طلعته وأنا أطامربه بالطعوس
وأمسكبه جادات تكسر المواتر تكسير والحمد لله الى يومك هذا ماخرب

والحين يقولون أن 2003 ينفرط قيره وللمره الثانيه على التوالي
أقولك أن الكلام هذا خرطي لأني أعرف أكثر من واحد معهم 2003 ومابهن الى العافيه

بس يمكن الي قابلته سياراته به عيب تصنيعي لا أكثر ولا أقل


تحياتي
أبوسليمان

يامجنون الهوندا انا قبل اسبوع بوكاله تويوتا وفيه واحد عنده القير فيه مشكله وموديل الهيايلوكس 2003 وسببها المطامر في الطعوس على فكره المشكله هاذي ب2003 بس لا ني اتكلمت مع راعي الهيلوكس ويقول الموديلات الي قبلها كلها ما قالت معي شي الا هاذي وسلام

يقولون مائلك غير هيف.. آسف هايلوكس

وأعتقد كل الناس تعرف صبر سيارات التويوتا ولا يبيله تذكير
ورخص قطع الغيار وأكثر السيارات محافظه على سعره عند البيع خصوصاً الهايلوكس
بس لا تشتري سعودي أشتر خليجي وأذا كنت تبي السبب ترى ماعندي مانع أقولك

أخوي
نواف السعوديه

يقال أن سيارات تويوتا وارد عبداللطيف جميل تجميع أسترالي وأنا أجزم أن الكلام هذا صحيح

لكن هذا لا ينطبك الى على السعودي أما الخليجي
فهو تصنيع وتجميع ياباني 100% من قبل شركة تويوتا اليابان
وأعتقد الكل يعرف أن التويوتا أكثر السيارات اليابانيه تحملاً لطرق الوعره وعدم الأهتراء السريع

تحياتي
أبوسليمان

انا شخصيا معاي ددسن 2001 بخاخات 160حصان سيارة عجيبة جدا من ناحية القوة الفخامة العزم الصرفية. نصيحة مجرب خذ ددسن وتوكل على الله ترى الهايلكس تجميع اما الددسن ياباني 100%.

انا ماجربت الهلكس لكن جربت ددسن 2002 160 حصان والله انه عجيب عزم طايرات الميغ وراحة 600SEL وصرفية دايو 3 سلندر :D انفع بالاعلانات صح ؟ :D ... والله انا اقول خذ ددسن وتوكل على الله

بالتوفيق انشالله :)

انا مع السنافي كلامه حقيقي خذ هايلكس بخاخ وتوكل على الباري