يا أهل الخبره ابي احول سيارتي تاكسي ....

ABDULAZIZ_515 @user_148078 · 27-04-2009

السلام عليكم ورحمه الله وبركاته

يالربع

اخوووي يبي يحول سيارته تاكسي

وهي جديده

الاسئله ؟؟

1_ كم تكلفه كلهااا كامله

2_ اللزقاات واللمبه واللوحات يسوونهاا المرور ولا كل شي في جهه

3_ يطوول استخراجهاا من المرور واول خطوه وش اروح المرور ؟؟

وشكـــــــــرا

ABDULAZIZ_515 @user_148078 صاحب الموضوع · 01-05-2009

بيض الله وجيهكم

جزااااااااكم الله خير

S K Y @user_27367 · 28-04-2009

[COLOR=blue]وعليكم السلام ورحمة الله وبركاته

[/COLOR]الاخ khaled alsalik

كفيت ووفيت وعلى الافادة للجميع

بالتوفيق ABDULAZIZ_515

khaled alsalik @user_21889 · 28-04-2009

السلام عليكم ورحمة الله وبركاته ..

الكثير مننا يتسأل عن كيفية تحويل السيارة من خصوصي .. إلى اجرة عامه (تاكسي)...

في البداية يجب ان تهيئ نفسك وتستكمل الشروط الواجب توفرها في سائق التكسي:

أولاً: تصفيه النية لوجه الله تعالى .. وتكون نيتك صادقه في طلب الرزق ..

ثانياً: استخراج رخصة عمومي .. واستكمال طلباتها .. وهي كالتالي:
1- ان تكون المهنة متسبب .. وان لم تكن متسبب يجب عليك احضار خطاب من العمل يسمح باستخراج رخصه عمومي ..
2- شهادة من البصمات او الادلة الجنائية .. تثبت خلو سجلك من السوابق ..
3- تسديد المخالفات المرورية ..
4- الدراسة لمدة 4 أيام .. واذا كان عندك واسطه .. وانت في البيت :) ..

ثالثاً: السيارة .. والشروط الواجب توفرها هي :
1- ان لا تقل قوة المكينة عن 2000 سي سي ..
2- ان يكون لونها ابيض ..
3- ان تكون مفحوصة ومجدده ..
4- اذا كانت قد مضى على انتاجها اكثر من خمس سنوات .. فيجب عرضها على اللجنه ..

رابعاً: الإجراءات التي يجب عليك القيام بها لتحويل السيارة .. والبدء بطلب الرزق .. هي :
1- الذهاب للمرور .. واستكمال طلباتهم .. وسيطلبون منك التالي:
- برنت للسيارة من المرور ..
- برنت للرخصة العمومي من المرور ..
- برنت للشخص نفسه من المرور ايضاً .. لا تخوفكم سالفة البرنتات .. ترا وانت واقف تسويها ..
- تأمين السيارة (تأمين الأجره)..
- تصوير (الرخصة العمومي ـ بطاقة الاحوال ـ الاستمارة ـ الفحص الدوري ـ وثيقة التأمين)..

بعد ذلك يعطونك خطاب للإدارة العامة للنقل بوزارة المواصلات .. يفيدونهم فيها بأنك ترغب بتحويل سيارتك لإجرة .. وإستخراج تصريح الاجرة ..
وعند عرض الاوراق عليهم .. سيطلبون منك التالي :
-صور من (الرخصة العمومي ـ بطاقة الاحوال ـ الاستمارة ـ الفحص الدوري ـ وثيقة التأمين ـ دفتر العائلة ان وجد .. او برنت من الاحوال يفيد بأن مهنتك متسبب ) .. - وان كان قد مضى على سيارتك اكثر من خمس سنوات .. سيطلبون منك عرض سيارتك على اللجنة التي تقام في يوم الثلاثاء .. وبعدها يعطونك التصريح .. بعد ذلك .. يعطونك خطاب للمرور يفيدونهم فيه بان السيارة صالحه للاجره .. وان الشخص صالح ايضاً :) ..

بعد ذلك .. ترجع للمرور .. ويعطونك خطاب للشركات اللي تحول السيارة إلى اجره .. لوضع العداد والاستكرات .. اثناء ما هم يقومون بتلزيق الاستكرات والعداد .. ترجع للمرور تكون لوحة الاجرة جاهزة وتعطيهم لوحات السيارة القديمة .. ويعطونك لوحة الاجره الصفراء ..

بعد هذي الخطوة .. ترجع للخطوة الاخيرة اللي هي رقم التشغيل .. وهي خطوة سهله .. فقط ترجع لإدارة النقل وتعطيهم ماتبقى معك من اوراق .. وسند الشركة المحولة للسيارة .. ويعطونك رقم تشغيل وانت واقف .. ويستخرجون لك بطاقة تشغيل ايضاً ..

طبعاً اذا كانت السيارة لونها غير اللون الابيض .. يجب عليك تغيير لونها .. والمطلوب لتغيير اللون التالي:
الذهاب لمركز المعلومات بالمرور .. وطلب ورقة تغيير لون منهم .. وسيقومون بمعاينة السيارة .. وإعطائك الورقة .. وبعد تحويل لونها ترجع لهم .. ويقومون بالمعاينة مره اخرى .. وتصديق الورقة وتحويل لونها في الاستمارة ..

في النهاية .. اتمنى لكم التوفيق والسداد .. وتراها شغلة حلوة .. ويجي منها رزق .. بس اهم شي تكون النية صافية .. والحذر من العبث باعراض المسلمين ..

اتمنى اني ما اكون بهذا الموضوع احبطتكم بكثرة الطلبات .. واتمنى انها تكون دافع لكم ..

مع العلم انها والله سهله .. وفي اسبوع وانت خالص من السيارة .. ومتكسها ومنتهي ... واي سؤال او استفسار انا في الخدمة ..

فوتوكوا بعافية ..

مـــن ارشيـــــف المنتــــــدى
كتـــب بواسطة العضــــو Camry98
http://www.assayyarat.com/forums/archive/index.php/t-136960.html

Night @user_14595 · 28-04-2009

تم نقل الموضوع من منتدى السيارات العام الى قسم المرور والحوادث ومشاكل الطرق

الزين @user_31425 · 28-04-2009

الابيكا تجي تكسي مو مشكلة

باقي الاجراءات سوي عملية بحث في المنتدى وإن شاء الله تلقى الجواب

ABDULAZIZ_515 @user_148078 صاحب الموضوع · 27-04-2009

ابيكـــــــــــآ

2009

الزين @user_31425 · 27-04-2009

أول حاجة لازم ماكينة سيارتك تكون 2000سي سي 2.0 لتر أو فوق

ايش نوع سيارتك؟؟؟

والله يرزقك بالحلال

متابع عن بعد @user_125086 · 27-04-2009

اول خطوه تروح وزارة النقل وسألهم عن الشروط