ميتسوبيشي لانسر 2008 بشتريها (مساعدتكم ياخوان)

السلامعليكم ورحمة الله وبركاته
السياره ممتازه ويكفي انها ياباني ولها معي 3 سنوات وماشي عليها 126000 كم تمشي 210 وتفصل 155 حصان القير 5 اوتوماتيك و 6عايدي دبه رياضي الجنط 16 انش والكفر H16/60/205 بعض اسعار القطع :
المرآه الجانبيه 500 ريال سعودي
القماش الأمامي 300
البواجي 200
فلتر الهواء 135
فلتر المكيف 170
السيفون 30
زيت القير 100 طبعا فلتر القير مايتغير الى مع توضيب القير اذا قدر الله
السياره عيبها الضيق وصوت المحرك
ونصيحتي اذا عندك عائله لا تأخذها لأنها ضيقه اما بالنسبه للقطع تعتبر غاليه لأنها تدوم وتدوم والحمد لله القماش الخلفي ماقد غيرته واسأل الله ان يكتب لك الخير

بسم الله الرحمن الرحيم
اللهم صلي على محمد ماذكر الذاكرون
والله انامستخدم السياره ولها مايقارب سنتين وتسعة اشهر وكارفها, اما بالنسبة لصوت الهوى فكل الياباني كذا ماعدا الشفط
ممتازه جدا في الخط راسيه, ثقيله, مشيت عليها 210 وفصلت وعليها كمبيوتر خيالي اثقل من الماكسيما والكامري لأني مستخدمها القطع والله غاليه لاكن تستاهل واعرضلك بعض القطع:
فلتر الهواء 135 ريال سعودي
فلتر المكيف 170
البواجي 200
قماش امامي 300 طبعا ماغيرته الا مره والسياره الآن ماشيه 120000ك.م
المرايه اليمين لا قدر الله 500
واسئل المولا ان يخيرك بما يختار

الله يعطيك العافيه اخوي عاشق وانا رحت الوكاله واخذت لفه تجريبيه على السياره

صراحه ماعليها كلام وفيها رساوه وقوه عند المنعطفات ومريحه

وان شاء الله بتوكل على الله

مشكورين ياخواني على ردودكم ونصائحكم

^^^ بالعكس اخوي الالمنيوم افضل من الحديد بالتحمل


والصراحه الموتر ماعليه كلام تصميم قووي ومواصفات عجيبه


اخوي سعرك مدري كم بالكويتي بس شووف لو تقدر تخذها من الكويت


وتصدرها للسعوديه مثل الشباب ..لأن مواصفات اكثر وسعر اقل


ومن ناحية السياره صدقني الميتسوبيشي ماتندم انك شريته ...


مع التحيه اخوك عاشق العباره

مشكورين ياخوان على تفاعلكم معاي وهذا العشم فيكم

العيب الوحيد الي فهمته هو قطع الغيار....

ماعندي مانع تكون القطعه غاليه لكن تخدمني على المدى الطويل....

بس موضوع الماكينه ألمينيوم هذا مو مشكله مع ارتفاع درجة الحراره عندنا؟

المعروف عن متسوبيشي انها سياره في الخط ولكن انصحك انك تكبه متشتريها لان قطعها نااااااااااااااااااااااااااااااااااااااااااااااااااااار
خذلك هوندا اكورد احســــــــــــــــــــــــــــــــــن لك ولا اذا معاك عائله جمس يوكون

ومشكور على الموضوع

زدها 4 الاف وخذ التيمـا ستاندر

مواصفات حلوة .. دخول السيارة بالبصمة .. تشغيل السيارة بزر .. كل هذا بـ 62 الف للعادي و 65 للأوتو

والله يووفقك

اغلب سيارات ميتسوبيشي معروف عنها بالجوده استخر واتكل على ربك والسلااااااام

[

وعليكم السلام ورحمة الله وبركاته

وللعلم محركها متطور قوته 155 حصان وناقل الحركة سداسي CVT

والمحرك مصنوع بالكامل من الألمنيوم ومزدوج الكامات

[/CENTER]

لاخلا ولاعدم ياخوان والله يعطيكم العافيه على تفاعلكم والسعر هذا كان في الوكاله للاسف عند العيسائي وانا من اعضاء حملة ((خلوها تصدي)) المتعصبين لكن للاسف 6 شهور بدون سياره والمستعمل صار نااااااار الشريطيه لاعبين لعبتهم في السوق قلت مالي الا الجديد...

وانتظر نصائح الاخوان بشان خيارات اخرى...

^^^^^^^^^^^^
أي دفع رباعي ؟؟
الدفع الرباعي في الإيفو فقط و حاليا توه نازل على الرالي آرت و للحين ما نزلت الخليج

1- بالنسبة للانسر الجديدة اعتقد ان المقاعد مريحة بما فيه الكفاية لأني ركبتها و لاحظت الفرق بين الموديل الجديد و القديم في الراحة .. و أما عن الإضافات فما فهمت شنو تقصد بالضبط ؟؟

2- صوت المحرك لا استطيع الحكم عليه لأن رحلتي بالسيارة لم تكن طويلة لكن بشكل عام الميتسوبيشي اصوات محركاتها عالية نوعا ما .. بالنسبة لي ليست مشكلة لأن صوت السيارة صاير رياضي .. على فكرة اللانسر عليها محرك جديد من أحد محركات الجيما و لكن المحرك يصنع باليابان و تحديدا في منطقة شيجا

3- الرساوة ايضا لا استطيع الحكم عليها لأني لم أجرب السيارة على خط

4- السيارة لا تستحق هذا السعر فالسعر عالي جدا على نص فل .. لو قلت فل أوبشن ( فئة GT ) قلنا ما عليه لكن فئة GLS لا تستحق هذا السعر حتى و إن كان العداد صفرا .. شوف الوكالة على ما اعتقد سعر اللانسر الجديد GLS الوكالة أرخص من هالسعر

نقطة خلها في بالك .. أسعار القطع لميتسوبيشي مرتفعة لكن عمر قطع الغيار طويل نسبيا
و الوكيل على حسب ما اسمع عندكم في السعودية سيء