لاصحاب الخبرة في الجيب (gx-r) و (vx-r) عااااااااااااجل ارجوا الدخول !!!!!!!!!!!!!!!!!

اسعد الله مساكم جميعاً عندي تعليق او معلومه لكم بخصوص GXR 2006 البريمي بانه غير دفع رباعي بل خلفي وانا معي شخصياً اما الغير بريمي دفع رباعي وسلامتكم

up
,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,

يرفع
ــــــــــــــــــــــــــ

السلام عليكم
تعقيبا على كلام اخي N-xterra vbmenu_register("postmenu_1696362", true);
عندنا ورشة بالجنوب بمنطقة قريبه من مركز سلاح الحدود ونستقبل فيها سيارات سلاح الحدود وغالبيتها عباره عن جيوب شاص تويوتا ونيسان
جميع جيوب نيسان نجدها متكسره من الوسط في شاصات الهيكل ونقوم بأعادة قصها وتركيب وصلات جديده وتلحيمها
وبالنسبه لتويوتا لانجد هذه المشاكل فيها
هياكل جيوب نيسان نجدها متفككه بشكل ملفت للنظر بينما نجد تويوتا متماسكه ولانعاني في اصلاح الهيكل من جديد
تحياتي واعتذر على المداخله

وأنا أخوك الفتك هو نفسه من موديلات 2002 وفوق من درجة SGL وسفاري 1 وسفاري 2 وسوبر سفاري صالون كلها فتك وأنا شرت عليك بموديلا 2002 الى 2004 لخلوها من العيوب المصنعية تماما ومحركها بنفس الوقت محرك ال 2009 بدون مسمار الثلاجة

أسعارها تتراوح للسور سفاري مابين 70 لى 75 النظييييف جدا موديل 2002
وموديلات 2004 مايتعدى ال 85 الى 88 ألف إذا كان ماشي تحت الميه وبدي خدش واحد مافيه

بالنسبة للمراتب زي ماقلت لك إذا اشتريته ركب عليه مراتب 2005 خذهن من التشليح وتبي تبسط عليهن (مراتب ال 2005 أكبر وأريح من مراتب ال 2004 بالعرض)

أهم شي لا تاخذ إلا واحد شريحته اللي تحت الباب مطابقة لمواصفات الخليج لأني شفت باترولات أوروبيه تباع بالسوق وماتفرق عن اللي عندنا من برا بس لو انت تعرف بالباترول تحصل الدفرنس الأمامي يختلف من عند رؤوس الكفرات وتحصل الإستاندر فيه فتحة سقف!!!!

معارض النسيم أنا شايف فيها باترولات من هالموديلات نظيفه نوعا ما وتحديدا إذا دخلت من المخرج لطريق المعارض من خريص روح يمين لحد الإشارة اللي عند محلات التلميع لف يمين من الإشارة وأول شارع يمين تبي تحصل هناك بإذن الله

قبل تشتري إفحص مره ومرتين وثلاث ولا تشتري إلا أنت مقتنع والمكينه إفحصها كمبيوتر أفضل

ولما تشتريه راسلني على الخاص علشان أقول لك طريقة صيانته مع انه مايحتاج صيانه بس غير زيت الدفرنسات لعيار 140 وزيت القير لعيار 90 إذا كان عادي وغيره بالوكاله إذا كان أوتو وغير السيور وسلامك طال عمرك

تحياتي لك ويعطيك خيره ويكفيك شره مقدما

تراي فعلا من الناس اللي تدور بالمنتدى على تعليقاتك وأحب أقراها

أنتظر رسالتك على الخاص وياليت تكون بأقرب فرصه

شكرا لمروركم ومداخلاتكم القيمة
والله يجعلها بموازين حسناتكم ,,,

اختيار موفق والله يكتب لك اللي فيه خير ياخوي

اتمنى وانه الموتر يعجبك وانا متأكد من هالشي

تستاهل كل خير ياخوي وبالتوفيق

بالنسبه للموديلات 2002 و 2004 ترا شكلها قديم ماهي مثل الحاليات
اللي تغيرت من 2005 وطالع وهو اللي انصحك به لانه شكله احلى نوعا ما من القديم

والـ 2005 راح تلقاه مابين السبعين والثمانين حسب نظافته

اما الفرق بين السفاري والفتك

فالباترول يطلق عليه سفاري وهي تسمية لكن بالوقت الحالي العالم صارت تطلق عليه فتك

بسبب تقنيه المحرك الـ 4800 VTC

اما المراتب فيفيدك اللي جرب الباترول

اخوي مشكلة الباترول انه نادر جدا جدا بالمعارض خصوصا السوبر سفاري يعني اذا كنت راغب الموتر مره يبي لك تصبر والله يعينك بالنسبه للاسعار من مابين الستين والسبعين حسب النظافه والممشى وحط ببالك ان السوبر سفاري اللي هو الفل بيكون غالي شوي ممكن يطب في بحر الثمانين اذا كان نظيف .
بالنسبه للانواع الفتك اللي هو كل باترول يحمل محرك VTC الفل اللي هو السوبر جلد فتحه زنون دفلك طبلون ليزر مراتب كهرب اللي اقل فئه اللي هو سفاري شل اللي ذكرتها قبل .
واي سؤال حنا حاضرين.

محد كذبك واذا فيه كلمه مباشره كذبتك فيه أبشر بالحق هذا اولا

ثانيا نعم السياره بعد توفيق الله تدوم مهما كان نوعها والمواتر حظوظ وان اخوك




شف انا مؤمن انه كل شركه وكل سياره لها عيوبها واحيانا من كل عدد من السيارات تجيك سياره ماهيب بالحيل مثل مثيلاتها وهذا اللي اعقتد انك صادفته

صدقني ربعي وعيال عمي واانا والشايب مانستخدم الا تايوتا في اغلب الاحيان ياخي والله العظيم ماشفنا منها الا كل خير رغم الجلد اللي يجيها

انت طرحت اللاند بالحظيظ وكأنه واقع اللاندكروزر فعلا هذي حالته



أولا يابو فهد المنتدى للجميع والكل يحق له يعلق على رأي الثاني بدون مايصادره وأنا ماصدرت رأيك

لكني وضحت لك بطريقه غير مباشره انه كلامك شوي قاسي عن اللاندكروزر المشهور بصبره وتحمله ماهو بس عندنا حتى في أستراليا وروسيا اللي تضاريسهم اقسى من اللي عندنا ول أصادر رأيك يابو فهد




يشهد الله علي اني ماأشيل بخاطري وأنا من النوع اللي تصرفاتي مع اي شخص تكون بعيده عن العواطف الله يهديك بس




:bigggrin: :bigggrin: لا تعليق مابعد شفت شي



أبد تم ولا يهمك بس خلها السنه الجايه انا طيحت اللي براسي هالسنه وتعبت من طلعات البر

لكن انتظر مني رساله خاصه قريبا جدا جدا جدا :xyxwave:

يمكن التوفيق من الله يلعب دور وهذا أكيد......... مافيه شي إلا بتوفيق الله سبحانه وتعالى

تبي تكذبني >>>>>>>>>>>>> تصطفل منك لنفسك

هذا ما حصل معاي لأن في السابق (تعني زمان مضى) كانت أمور الموتر تبين معاي بسبب قسوة الإستعمال
وإذا تبي أعطيك رقم الميكانيكي اللي وضب مكينته 3 مرات ماعندي مانع علشان يأكد لك الي صار
وعلى فكرة الرجال اللي وضبه سعودي مذكور لي بنظافة شغلة من ناس وضبو عندة نفس الموتر

وأزيدك من الشعر بيت
خالي معاه 98 جي إكس حتى الآن موضب مرتين وما تعدى ليومك ال 140 ألف وإذا تبي رقمه بعد يأكد لك الموضوع برضو ماعندي مانع

الموضوع مطروح من غيرك وأنا أخوك وهو اللي ياخذ الآراء وأنا أبديت رأيي
ومالك حق بأسلوبك لأني مشهد الله على نفسي بردي من قبل

للمرة الثانية يا ولد وايل لا تزعل مني (إذا كنت شايل الموضوع بشكل شخصي)

أعجبتني ( تسذا ) منين أنت كاسبها!!!:xyxthumbs:

صدقني أنا معجب بشخصيتك جدا وأنبسط لي شفت ردودك (شكلك واحد صارم وماعندك لف ودوران):a120(115):


يبغالنا نطلع طلعة سوا بالبر أنا واياك لحالنا ................... وش رايك >>>>> تكفى وتكفى تهز الريجيل

قل تم :a115:

ماشاء الله كل هذا موجود باللاندكروزر والسفاري مافيه الا فحمات :bigggrin: :bigggrin:

عجيب عجيب :bigggrin: :bigggrin:

توني ادري انه اللاندكروزر تسذا لالا بروح ابيع اللي معي ذالحين وبشري سفاري اللي مايخرب فيه الا الفحمات الاماميه بعد

ههههههههه

شر البلية مايظحك

أولا الله يشفيك من بلاء ما أصابك انه سميع مجيب ، وأنا أخوك أنا ماعندي زيادة وزن بالحيل بس برظو وجع هالطهر مخاويني مثلك

وبعدين من اللي حاشي راسك بهالأفكار الله يصلحك
اولا الباترول مستخدمه أنا أربع مرات موديلات مختلفة وسالفة انه يتفكك هذا اسمحلي انه كذبه وصدقوها بعض الناس
في أصعب ظروف الإستخدام (مشاريع بسيطا) انهار التويوتا لاندكروزر من قواعد البدي من شدة التفكك وتكسرت الرفارف الداخلية اللي يمين ويسار المكينة وذراع التوازن الأمامي أصواته عجزت ألقى لها حل كل اسبوع طاير منها ربله شكل
أما الباترول اشتريته بعد مابعت اللند بكلب سرق أهلة واشتريت 98 أول مانزل اس جي إل ومشى معي ولله الحمد 160 ألف والله العظيم ياشباب مابدلت فيه إلا مرة وحدة الفحمات الأمامية حتى فلتر المكينه ما غيرته وبعته بدل مع واحد 99 سوبر سفاري ماشي 30 ألف وكرف معاي لين قال آمين صوت واحد ماطلع فيه وبالأخير طلبني واحد من الزملاء أبيعة عليه وبعته عليه
بعدها عادت حليمه على عادتها القديمة اشتريت جي اكس آر 2002 ولا عادت خرابات وأصوات منها دودة الدركسون ولياتها غيرتها مرتين والرديتر والعكوس الأماميه بدت تطقطق مع الدبل يوم تعدى ال 150 ألف وبدى يتكسر عندي الرفارف الدخلية (نفس مشكلة الأول) وبالأخير طقطقة السبايك وظبته كلفني 7 آلاف وخبط بعدها ب 4 شهور ووظبته مره ثانيه وطاحت سبيكة البستم الخامس بعدها بشهرين ووظبته الثالثة وبعدها تحت المكرفون انباع برظو بكلب سرق أهله
للمعلومية معدل ممشاي في السنة 120 الى 160 ألف كيلومتر معظمها ردميات
يعني الموتر المظبوط يبين معي والموتر أبو ريالين يبين بلاه من أول شي

ثانيا بالنسبة للباثفنرد على قولتك الجديد مين اللي قال لك 200 ألف وغير هاذي من وين صرفت لك واحد من الشباب في الطايف معاه ماشي حدود ال 300 ألف وماشكى وقطع الغيار للموديل الجديد أرخص بكثير من موديلات 2005 وقبل لإختلاف البلد المصنع ومكينته حتى الآن لم نسمع ولم يجيب أحد طاري انه وضبها أو حتى خربت

نعم نسمع عن الموديلات 2003 الى 2005 إن مسمار الثلاجة بس الثلاجة كلها مع المكينة تم تصحيح وضعها بتغييرها بالكامل ووضع محرك هو الأفضل من نوعة بين الجيوب

ومعروف من قديم الزمان أن نيسان تنزل في سياراتها أفضل وأقوى أنواع المحركات

الباترول مناسب لك ومرتبته حلوه بالذات مكان السواق فعلا واسع وفيه مجال لأي شخص وأفضل أنواعة السوبر سفاري قير عادي أو أوتو موديل 2002 الى 2004 أنصحك فيه وبقوة

نصيحتي لك خذ لك باترول سوبر سفاري 2004 نظيف (تحديدا 2004) وبدل المراتب الأمامية بمراتب سفاري 2 موديل 2005 وشف الراحة والوناسة بالمركب

تحياتي لك ولا تدع كلام الجهال يطمس بصيرتك ، فكثير في يومنا هذا يلقي لك بالمشورة وهو لم يخض التجربة
وإنما يلقيها لك تبعا لما سمعة على لسان فلان وفلان ، ويقطع الأيمان بأنه مجرب لما نصحك به

وفلان شريطي بالمعارض خامس ابتدائي النصف الأول ليلي ماعنده

وفوق كلامي انصحك نصيحة واحدة وهي

الإستخارة

فالمقولة الصحيحة تضل صحيحة وهي مقولة سيد الأمة

ماخاب من استشار ***** وما احتار من استخار

[SIZE=4][COLOR=blue]تحياتي لك وتقبل مروري [/COLOR][/SIZE]
أبو فهد
مؤسس مقهى ملاك اكستيرا

أبو ريناد نصيحه خذ امريكي اريح لك وان لقيت لك يوكن 2006 نظيف اخو الجديد فانا انصحك به

الموتر عملي ووسيع ومريح حسب تجارب الشباب عندنا حتى انهم يفضلونه على الجديد

اللاندكروزر الفكسار اريح طبعا من الجكسار بسبب الهيدروليك والجلد

لكنه بالمركب ماهو مثل راحة الامريكي ومرتبته للي سمينين ماراح يرتاح فيها

هذا القديم اما الجديد فهو مريح جدا جدا طبعا من 2008 وطالع واريح بمراحل من القديم

خذ امريكي وشوري عليك بيوكن 2006

الله يكتب لك اللي فيه الخير وماتشوف شر

السفاري ما عليه كلام أبداً من ناحية التحمل والكرف، لا يقل عن اللاند كروزر. مشكلته الوحيدة في صرفية البنزين. والدليل، أنظر عدد الباترولات موديلات التسعينات منتشرة في الشوارع كأنها موديل السنة الماضية.