شباب انا محتار بين الاكسبدشن وبين اليوكن وودى احسم الامر

اخوي احمد اولا صبحك الله بالخير

الأخ ماسأل عن الدينالي الدينالي معروف ان محركه 6,2 وانا بالنسبه لي الدينالي يعتبر حاله خاصه ماتقدر تقارنه بلأكسبديشن لأنه فئة ( معدله ومزودة ) واذا الأخ السائل مايهمه تكون سيارته مزوده بدبل طبعا انا انصحه اكيد بالدينالي ولو ان سعره مبالغ فيه شوي لكن يستاهل لأجل مواصفاته المتقدمه وعلى فكرة يوجد بلأكسبديشن خيار الليمتد فخم جدا ورياضي وشبابي
وكذلك يوجد اكسبديشن للأسف انه ماينزل بأسواقنا وهو فئة الفنك ماستر ومحركة اعتقد 6,لتر يعني زي الدينالي



ورأي صواب يحتمل الخطأ ورأي غيري خطأ يحتمل الصواب

هذا والله اعلم

اخوي انت ناسي الدينالي محرك 6.2 لتر بقوه البعض يقول 441 والبعض الاخر 403

بس انا قاريها في الموقع الرسمي والكتالوج 441


وانصحك باليكون

اشكر جميع الاخوان اللى تفاعلو مع موضوعى واتمنى المزيد من المشاركات
والصراحة ان المنافسة قوية بين الثنتين واتوقع انها سياسة مدروسة من الشركتين عشان الكل يمشى .
اليوم رحت توكيلات الجزيرة وكان عندهم تيست درايف (تجربة قيادة)وكانت السيارة اكسبدشن افخم شىء النوع الطويل ،المهم انا اول ماشفت السيارة خفت من طول هالباخرة قلت كيف بتحكم فى سواقتها علما انى طول حياتى ماسوق الا سيارات صغيرة الحجم المهم ركبت السيارة ومشيت فيها الصراحة قدرت اتحكم فيها بكل سلاسة صح انى ماقارنها بالكورلا ولكن نضرا الى حجمها اسوقها بسيطرة تامة وكانى املكها من زمان اللى ابغى اقولها السيارة حلوة فى الثبات وفى الاماكن الضيقة تقدر تحدد اللى لك واللى عليك فى الاماكن الضيقة وغير كذا نظام التعليق فوق المطبات الاصطناعية من اروع مايكون ونعومة شديدة بس عيبها ان المرايات ماتتسفط فى الاستاندر .جربها واحد من اخوياى كان معى قال عنها كانى اسوق كراون فكتوريا (لانة يملك كراون فكتوريا)فقارنها بها .

طبعا رحت للتوكيلات العالمية بجرب اليوكن(عدم سفط المقاعد اعتبرة عيب شرعى فيها)وكثير من اخوياى اللى امتلكو اليوكن او التاهو وسافرو فيها تضايقو من مسالة سفط الاسيات كثير . ولكن للاسف لم تصل سيارات التجربة الى الان وهذا انا انتظر.
ماحب اطول عليكم ولكن هذا اختصار ماحصل وانتظر الردود والتعليقات
تحياتى لكم،،

:smile:

أخوي ديجيتال

سوي استبيان أحسللك ومن الاستبيان تقدر تشوف الغلبة لمين هل هيا للاكسبيديشن او لليوكن

والا على كده ماراح تخلص

لأنه كل الناس تحب السيارتين وتمدح فيهم ماشاء الله

والامر الاول والاخير لك
واستخير وربك يكتب اللي فيه الخير

اخوي ابو ماجد شلون مافيه مقارنه وانت ماسقت الأكسبديشن وماقارنت بينهم

ولو تسوق الأكسبديشن عرفت من اللي ارسى

ابو عبدالعزيز الله يجزاك خير من وين ذي المعلومه الجمس 440 حصان !!

ماعتقد اللي اعرفه 320 او 330 بالكثير ومحركة 5.3

والأكسبديشن محركة 5.4 و 300 حصان ولآن 310 حصان

يعني مافيه فرق بينهم وانا واعوذ بالله من كلمة انا سايق الأثنين واشوف ان لأكسبديشن عزمه اقوى

واللي يقول ان مشاكله كثيره لله الحمد والمنه ماشفنا من الأكسبديشن اي مشاكل تذكر من نزل عام 97 الى يومك بل بالعكس سمعنا وشفنا مشاكل بالجمس اكثر

وانا اشوف كلهم فيهم الخير والبركه وخيارات ممتازة للعائله للي يبي يستخدم

واللي يقولك ان الطبلون يتهربد ومااعرف ايش لأنه بلاستك افيدك ياعزيزي انهم كلهم بلاستك مجوف لا الجمس ولا الأكسبديشن وهذا هو عندي كارفه كرف في البران والمطانيج ولله الحمد ماتهربد وماصار فيه اي شي

وعليك بلأستخاره اولاً وأخيراً

أشوف الإكسبديشن بمواصفاته و شكله أفضل و أكثر تميزا من اليوكن و لا تنسى الصيانة سيئة في الGMC ...

و صلاة لإستخارة و رأيك الشخصي بعد المقارنة بين السيارتين و أسعارها أفضل فيصل

والله الاكسبيديشن حلو الصراحه

وياليت اللي يعرف قيمه 2008 اللي يجي لون واحد

كم سعره ؟

بس احس مشاكله كثيره مادري ليش : )


عموما

استخر بك وانشاء الله بيكتبلك اللي فيه الخير

من واقع تجرية انصحك باليوكن

أنصحك باليوكن والله سيارة رائعة وقوية فما بالك لو كان DENALI ^_^ بـمحرك Vortec 6.2L V8 engine بـقـوة 403 حصان , مبروك مقدما وأنصحك بصلاة الإستخارة ,,
تحياتي لك ..
:emot38:

هلا يا الغالي الاكسبديشن سعره منافس ومعروف الفورد سمعته زينه
بس لا تاخذ ستاندر ديكور الي فوق الطبلون بلاستيك مع الشمس يقربع

الإكسبديشن سيارة جميله
ولكن ينقصه قوة المحرك فقط
300 - 310 حصان
غير كافية على حجمها

واليوكن سيارة ما تحتاج أحد يمدحها لتميزها بكل شيء
وبمحرك 355 - 440 حصان
يعني شيء فوق الممتاز

إذا ما يهمك المحرك خذ أكسبديشن أرخص لك
وأما لو يهمك المحرك والعزم فمالك غير الشيخ GMC

بارك الله فيكم
أخوكم أبو عبدالعزيز

مافيه مقارنه بين السيارتين اليوكن افضل طبعاً بلا منازع اليوكن ارسى مع الطريق واقوى انا جربت اليوكن اما الأكسبديشن لم اجربه لكن اسمع من الناس انه غير مرغوب مثل اليوكن

الاكسبديشن ماعجبني شكلة
واليوكون سيارة حلوة ومميزة

الاكسبدشن في رأي وعليك بالاستخارة....

عن نفسي انصــحك بالاكسبدشن جودة أفضل من اليوكن
ولو تاخذ ليمتد أسود جمعت بين فخامة وجودة

أنصحك باليوكن تراه أفخم وأقوى من الإكسبيدشن
وعلى العموم استخير ولا راح تندم

السلام عليكم ورحمة الله وبركاته

اخوي ديجتال

انا سأتكلم من باب التجربة للأكسبديشن فقط

سلس بالقياده وراسي على الخط ووسهل المناورة به في الأماكن الضيقه

مساحه واسعه بالداخل وأسياته مريحه

صرفيه البنزين ممتازة جدا لموتر بحجمه او مقارنه بسيارات من فئته او حتى من بعض الفئات الأخرى

أنظمة التحكم بالفرامل فعاله جدا وممتازة

وكذلك اذا انت ترغب بدفع رباعي فهو عملي وممتاز في الأماكن الرمليه والطرق الغير معبده

والمميزات كثيره ولايحضرني الآن الا ماورد في عاليه

واي استفسار انا حاضر

وبالنسبه لليوكن ان شاء الله يفيدونك الآخوان ممن يمتلكون هذه السيارة

( أنصحك بالأكسبديشن )

وعليك اولا وأخيرا بالأستخاره وان شاء الله يكتبلك اللي فيه الخير

والله يعطيك من خيره ويكافيك شره مقدماً

الصراحة انا اشوف اليوكون أفضل بمراحل واؤيده كثيييييرعلى الاكسبديشن
مثل ما تفضلت شكلة جميل جدا ويستحق الاقتناء غير ذلك يستحمل ويدوم معاك مدة أطول
والله يكتب اللي فيه الخير لك مقدماً عزيزي [COLOR=darkorange]dgtal_01 ... [/COLOR]بالتوفيق :smile:


تقبل مروري
‏A.M.G///