خبراء المنتدى ... استفسار عن البرادو

بعد السؤال في صيانة البازعي عن زيت الدفرنس

قال المهندس أن زيت الدفرنس لا يغير أبدا ً بل يضاف إليه إذا كان هناك نقص

اخوي مايكروسفت موتر خويي برادو 6 سلندر لمتد كامل المواصفات

والدبل مثل اللي مصوره اخوي ابو مشاري ...حطيته على كل الاوضاع

ماتغير شي الموتر مايمشششي للأسف ..وعلى فكره سبب التغريز هو تحدي

بيني وبينه وبوريكم الصوره اثبات على كلامي ..




البرادو سياره ماشاءالله عليها رائعه بمعنى الكلمه لكن استغربت ادائها الضعيف بالتغاريز


ملاحظه بالصوره السفاري يسحب البرادو بعد محاولات الاخراج ...


مع التحيه اخوكم عاشق العباره

الله يجزاك خير يا ابو سارة

الصيانة راح أمرهم في القريب العاجل إن شاء الله لأن السيارة مشت أكثر من 125000 بدون تغيير زيوت الدفرنس



هذا موضوع جميل للأخ العزيز DAKAR عن تغيير زيت الدفرنس
7
7
7
http://www.assayyarat.com/forums/showthread.php?t=142402

الله يعافيك اخوي فارس سدير ..

بالتأكيد .. مهندسي الصيانة لدى الوكلاء ( البازعي وابو جميل ) .. هم الأعلم والأدرى بكيفية الصيانة ..
وقد يكون لمهندسي الصيانه لدى البازعي .. وجهة نظر صحيحه

ولكن في وكالة عبداللطيف جميل .. قد تم تغيير زيت الدفرنش ( الترس التفاضلي الخلفي ) .. والترس التفاضلي الوسطي

عند 40 الف كلم


حقيقه أستغربت مثلك لهذا الإختلاف بين الوكالتين

فرجعت إلى جدول الصيانة المرفق مع كتيب السيارة .. صفحة 363

ووجدت أن

( زيت التروس التفاضلية تفحص كل 20 الف كلم وتستبدل كل 40 كلم ) او كل سنتين

بل أنه في حالات القيادة المستمره ( فوق 150 كلم ولمدة تزيد عن ساعتين ) يجب أن يستبدل كل 20 الف كلم


أتمنى منك أخي العزيز فارس سدير .. عند الذهاب لصيانة البازعي .. سؤال مهندس الصيانه .. مع عرض كتيب الصيانه عليه .. لنعرف وجهة نظره .. فقد يعلم شيء لانعلمه بحكم تخصصه وخبرته


و أتمنى من لدية خبرة في هذا الموضوع .. أن يدلي بدلوه لتعم الفائده ..

الله يعطيك العافية ويجزاك خير يا أبو سارة على هالمعلومات


بالنسبة لزيت الدفرنش ، على كلام الوكالة (صيانة البازعي) إن زيت الدفرنش لا يغير بل يضاف له زيت إذا كان ناقص !!!

ويوفقك أخوي ..

بالنسبة لأفضل زيت ..

لايوجد زيت محدد .. فقد جربت زيت تويوتا وزيت فوكس سوبر جي تي وجربت كاسترول 20W50 وجربت كاسترول 10W30

( قد يفضل البعض كاسترول والبعض الآخر يفضل فوكس سوبر جي تي ) وهم الأكثر شعبية بدون منافس

المهم عند إختيارك للزيت( مهما كان الشركة المنتجة ) .. هو الحرص على أن يكون ( SL ) وهو الأفضل وتجدها مكتوبة على العبوه في أغلب انواع الزيوت الجيده ...


وبخصوص زيت الدفرنش .. يتم تغييره كل 40 الف كيلو متر .. في برنامج الصيانة الدورية من الوكالة .. وإذا لم تخني الذاكره .. فهذا مكتوب ايضاً في كتيب السياره .

فقد قمت بتغييره على 40 الف و 80 الف و 120 الف والآن أقترب موعد تغييره الرابع


بشكل عام .. من الجيد أن يهتم الشخص بسيارته وصيانتها قبل حدوث المشاكل .. وأن لاينتضر حدوث المشاكل حتى تتم الصيانه .. بالإضافة إلى أن الصيانه .. تطيل من عمر السياره وهي في كامل قوتها

جميع فئات البرادو .. دفع رباعي مستمر ( ماعدا مواصفات خاصه لمحركات الديزل )

وبالتالي .. فجميع الفئات سواء 4 سلندر أو 6 سلندر ( بنزين ) .. دفع رباعي مستمر ..


وبالنسبة للصوره ( H-HL-N-LL ) فهي كما شرحها الأخ ابو اسد

وفي كتيب السياره .. تستطيع التبديل بين ال H و HL على أي سرعة بدون تحديد
ولكن الفرق بينهما .. هو بقفل الترس التفاضلي الوسطي والخلفي ( المحدود ) ..


وال LL المقصود بها .. الدبل الثقيل

أخي العزيز .. تستطيع من خلال كتيب السياره ( إذا كنت تملكة ) معرفة جميع خصائص سيارتك .. ( ومميزاتها ) وطرق صيانتها

أتمنى لك التوفيق

أخوي بالعكس البرادو سيارة جيدة ونمر الدبل الثقيل والخفيف جداً أداءها عالي

لكن يا أخوي فيه بعض التغريزات ماينفع معها لا دبل ثقيل ولا غيره

يعني مو معنى أن السيارة إذا صار فيها دبل ثقيل وخفيف ودف لوك وتراكشن معناه أنها ما تغرز أكيد راح تغرز إذا مستخدم السيارة ما عرف يوظف هذه الإمكانيات في خروج سيارته

^ ^
كم سلندر.!

يالربع سقت سيارة خويي بالتغاريز برادو دفع رباعي مستمر


السياره كانت مغرزه حطيت الدبل على كل الاوضاع والصراحه نفس الشي


ماحسيت بفرررق بين الثقيل ولا الخفيف كلهم نفس الحاله ...استغربت على كل الكلام


اللي سمعته عن دبل البرادو انه اقوى انواع الدبل ..


مع التحيه اخوكم عاشق العباره

بعد اذن أخوي فارس سدير..

حسب دليل المستخدم الخاص بسيارتي الباجيرو تم ذكر نفس المعلومة بخصوص البدء من الغيار الثاني.

هلا اخوي فارس سدير ,,, هل هذي المعلومة مكتوبة في دليل المستخدم ؟

^^^

أجل أعتقد سيارتك بلا شك دفع رباعي مستمر

وبخصوص الدبل الي عندك هذي معناها

H معناها HIGH
تستخدمه في المشي بشكل عادي في مختلف السرعات

وHL معناها HIGH LOCK
نفس الي فوق لكن بيخلي عندك قفل وسطي يعني بيجعل قوة الدفع 50% امام و50% خلف

وN معناها NORMAL
يفضي السيارة من الدفع يعني لو تحط القير بأي نمرة ماراح يمشي

وLL معناها LOW LOCK
هنا تستخدمه في التغاريز والخروج من العوائق الصعبة

مساك الله بالخير يا أبو أسد :wavey:

أعتقد إن الفرق بين الدبل الأول والدبل الثاني هو وجود قفل الدفرنس الوسطي إللي يفصل توزيع القوة

والدبل يكون بالشكل هذا H , H[COLOR=darkgreen]L , N , L[/COLOR]L


بمعنى إن الدبل أو وجود قفل الدفرنس الوسطي ماهو شرط أساسي بوجود الدفع الرباعي المستمر




كلامي هذا مجرد توقع ، منتظرين خبراء الدفع الرباعي لأنها مسألة أفكر فيها من مدّة

عندي لك طريقة للتأكد
(مو شرط تكون صحيحة دائما)

أركب السيارة وشوف الدبل فيها

أن كان الدبل بهذه الطريقة H , N , L فمعناها أن السيارة دفع رباعي مستمر

أما أن كانت بهذه الطريقة 2H , 4H , N ,4L فمعناها أن السيارة دفع رباعي جزئي
وكيف تعرف لما تلقى كلمة H وجنبها رقم 2 وتعني دفع عالي بعجلتين

وأنا مع من الي ما ينصحك بالبرادو 4 سلندر لأنه ثقيل جدا ما يمشي بسهولة وبيتعبك بقوة في الصعود والطرق الوعرة وفي التجاوزات بالخطوط

وأنا أرى أنك تشتري فورنتشر 6 سلندر أفضل

والرأي راجع لك