السلام عليكم ورحمة الله
كيفكم يا اخوان لي فترة ما كتبت موضوع فذهب الاحتراف هههههههههه
المهم اني جاي امدح اداء الهوندا لاني شريت هوندا وتمتعت باداء سياراتها بصراحة
لكن الاهم من هذا كله واللي عجبني في سيارات هوندا اكثر هو القير الاوتو
بامانة قير قوي جدا يعني تحس انك بمجرد ما تترك الفرامل تنطلق السيارة وبمجرد لمسة للبنزين تتحرك السيارة لان ضغط الزيت في الكونفرتر عالي وايضا نسب الغيار في القير تخليه كذا بس من جد عمري ما سقت سيارة اوتوماتيك وتخليك تحس انك تسوق سيارة بقير عادي
يعني اي حركة في الار بي ام تترجم في الاطارات بالمشي المباشر يعني حنا عندنا في البيت هوندا سيفك صحيح معدوم بس ما شاء الله لو تسوقه مع ان المحرك تعبان بس تحس انك ماسك سيارة بقير عادي وحتى الهوندا اللي كانت معي 2004 مع انها كلها خرابات بس القير روعة والحين معي هوندا اكورد 2007 وماشاء الله المكينة اقوى ومع ذلك اي حركة في البنزين تترجم بالمشي في السيارة
حنا عندنا كابرس 2002 وعندنا كامري اوتو وعندنا لومينا اوتو
بس لو اقارنهم بالقير حق الهوندا والله بامانة قير الهوندا روعة من جد تحس انه نفس اداء سيارات المرسيدس من ناحية نقل قوة المحرك الفورية حتى في عزم الدوران المنخفض
ما ادري انتم فاهميني بس انا شرحتها بطريقة فنية وميكانيكية حاولت ابسطها اكثر ما قدرت
وشكرا لكم
