تجهيزاتي البرية لسيارتي الاكسبلورر

أبو آسِر · 2009-01-17T22:58:33+03:00

بسم الله الرحمن الرحيم شكلي بسوي عزيمة عشان هالتقرير طلع التقرير جاهز من أكثر من شهر لكن كان عندي مشاكل في النت بالحسرة صلحت (مع اعتذاري للخل الوفي). من العنوان تجهيزاتي البرية لسيارتي الاكسبلورر. قبل ما أعرض عليكم التقرير كم نقطة أبغى أقولها : قناعتي في أي إضافة للسيارة أو اكسسوار أنه يكون :

M O A Y A D @user_15565 · 18-01-2009

.
.
.
ماشاء الله تبارك الله ,,,,

افكار وتطبيقات جميلة جدا

اكثر الافكار التي اعجبتني فكرة المظلة ,,, والفرش الموجود في مؤخرة السيارة

الله يعطيك خيرها ويكفيك شرها

الخل الوفي @user_44434 · 18-01-2009

تجهيزات رائعة جداً جداً والله يابو آسر أنت من أدق من رأيت في أمور التعديلات. أحلى صورة هذه:

ما شاء الله حاط موضوعي هههههههههه

ما قصرت ألف شكر والله. الحامل رائع والغطاء رائع والتقرير أروع منهم جميعاً.

_ابو بدر_ @user_43207 · 17-01-2009

ماشاء الله تبارك الله.......افكار حلوه

واكثر ما اعجبني المظله والمخابي

الله يعطيك خيره ويكفيك شره

فارس سدير @user_57388 · 17-01-2009

السلام عليكم ورحمة الله

ماشاء الله تبارك الرحمن

أجمل إكسبلورر رئيته حتى الآن

الله يعطيك من خيرة ويكفيك شرة يارب

إضافات جميلة وتجهيزات مهمة ، أكثر ما أعجبني فكرة المظلّة

بالتوفيق إن شاء الله

أبوهذال @user_79203 · 17-01-2009

ماشاء الله تبارك الله يابو آسِر على موترك

و الله طلع الاكسبورر يقول ربي الله

بس بنظري الحامل تبع الكمبيوتر ما راح يكون عملي جدا (بالنسبة لاستعمالي طبعا وانا استعمالي قفزات عالية النطاق طبعا)

احلى تقييم و 5 نجوم للموضوع

تحياتي

zoom_833 @user_85677 Banned · 17-01-2009

ما شا الله تبارك الله ..

شغل مضبوووط وزي ما قلت ما فيه تخريم ولا تقطيع ..

لا ما شا الله رووووعه ..

عندي كم نقطه ابعلق عليهن :

1- ما شا الله الحامل اعجبني جدا جدا جدا .. والفكره روووعه صراحه .. خصوصا انه متعدد الاستخدامات .. عجبني انه يصلح طاوله وانه يتمدد لمن يوصل للمراتب الخلفيه ..

" لكن الله يهديك اما تخليه مثبت حق الدربيل ؟؟ وش ذا العجز :D "

2- المضله ما شا الله روووعه .. لو انك ماخذ اغمق صح يمكن يكون افضل انه ما يتوسخ .. لكن هذا اللون افضل من ناحية الشكل ..

3- ياليت لو تفصل شوي عن المخابي الموجوده خلف المرتبه .. وخصوووصا التلبيسه اللي على الشنطه .. اعجبتني ما شا الله تبارك الله ..

لو عندك كم صوره اضافيه لهم اكون شاكر لك ..

وما شا الله شغل نظيف ومرتب الله لا يضرك ..

بالتوفيق ..

أبو آسِر @user_127375 صاحب الموضوع · 17-01-2009

هذا حجمها في الخارج

طبعا مفصلة على الشبك العلوي بلزاقات شريط

الأعمدة قابلة للإطالة حسب الرغبة

جيب بسحاب وضعت فيه الأعمدة والأطناب والحبال .

القماش باكستاني أبيض ثقيل .

الأخطاء :

1-لو حطيت قماش تنزاني أفضل من الباكستاني لكن أغلى .

2-تمنيت لو حطيت لونه غامق عشان مايتوسخ .

3- لقيت في أحد محلات الرحلات أعمدة أنحف وأخف وأرخص .

المظلة كلفتني قرابة 400 ريال مع مستلزماتها بس أيام غلا الحديد والأقمشة وحليب اطفال .. يمكن ألحين تكلف أرخص .

تجهيزات منوعة :

مخابي خلف المرتبة الثانية تضف أغراضك فيها

تلبيسة للشنطة للمحافظة عليها .

نهاية التقرير

وأي أسألة في أي مجال سواء ما ذكر في الأعلى أو في مجال الكمبيوترات المحمولة ذات الشاشة اللمس أو في مجال أجهزة الملاحة المدمجة أنا حاضر ...

خلاص ماعد فيه بقية
أوووه ما بغى يخلص .:emot125:

والسلام ختام

أبو آسر بكسر السين آآآآآسر مهب أسير ترا اللي تحت السين في الاسم كسرة مهب حرف ياء .

أبو آسِر @user_127375 صاحب الموضوع · 17-01-2009

الاضافات الأخرى

ممكن ما تكون حاجة مميزة لكن اللي عنده اكسبلورر ممكن يستفيد منها .

1-كنوود .

وشبكت الصوت حقه في مدخل ال AUX عشان يطلع على سماعات السيارة .

2- محول لكهرب 220 عشان شاحن المحمول ولغيره من الاستخدامات .

3- مظلة على السيارة

( ترى كان مطر لا أحد يقول مافيه شمس)

بعض المرات الواحد يطلع البر في النهار وأكثر ما يغثه الشمس حتى لو في الشتاء أو يلقى روظة مربعة بس مافيها شجر ومايسوى انك تطق خيمة أو في أوقات المطر .

ففكرت في مظلة كبيرة سهلة الفك والتركيب قوية التحمل .

هذي صورتها وهي مبنية

هذي صورتها وهي مصفطة وبداخلها كل الأعمدة

الرجاء عدم الرد للموضوع بقية :a143:

راعي النيترو @user_83791 · 17-01-2009

ماشاء الله

صراحة روعة وخيال لايوصف من هذا الشي اللي سويته وحلو لما تكون ملان وواقف تنطر حد اجلس شغل لك الانترنت وشاهد وارتاح وعاد انت الحين تقول ودااعا للملل هههه
وطريقتك كانت متميزة وكم كلفك كل هذا؟؟
وحلو مال الاكواب كانك في مطعم
والله يعطيك من خير الاكسبلورر

واعذرنا شوي استعجلنا

أبو آسِر @user_127375 صاحب الموضوع · 17-01-2009

[CENTER]العيوب وكيف تفاديتها :

[/CENTER]

[CENTER]
1-القاعدة :

[/CENTER]

[CENTER]

[/CENTER]

[CENTER]
المسمار اللي يجي معها قصير (اللي باللون الأسود) فاضطريت لشراء واحد أطول (اللي باللون الرصاصي) ويمكن تكون حالة خاصة بسيارتي وغيري يمكن ما يعاني من المشكلة هذي.

[/CENTER]

[CENTER]2-الحامل ممتاز مع الطرق المزفلته لاكن في البر ومع البطناج والمطبات بالاضافة مع ثقل المحمول يصير يتهزهز كان ممكن أحط لزق أبو وجهين لكن أنا أبغى شيء يتحمل ولا يشغلني في القيادة ، بحثت في النت ولقيت حامل مع ذراع داعمة اسمها support arm طلبت الذراع فقط لوحدها وركبته بالطريقة هذي

[/CENTER]

[CENTER]

[/CENTER]

[CENTER]

[/CENTER]

[CENTER]

[/CENTER]

[CENTER]
الوصلات السوداء كانت زايدة مع الحامل ركبتها وضبطت .

[/CENTER]

[CENTER]

[/CENTER]

[CENTER]

وصار المحمول ثابت وكأنه قطعة من السيارة، طبعا الذراع ما أحطها الا اذا طلعت للبر ..

[/CENTER]

[CENTER]3-الشاشة يقل وضوحها في الظهيرة بسبب أشعة الشمس وهذا معروف لكل شاشات اللمس لكن يأدي الغرض .

[/CENTER]

منوعات :
1-الحامل مع الذراع مع التوصيل كلفوني قرابة الستمائة ريال .
2-المحمول هو نفس جهازي اللي استخدمه في البيت والدوام يعني لاحاجة لوجود جهازين
3-شريت المحمول من ebay.com وكان أقل من ما يباع هنا بقرابة 1500 ريال .
4-فقط بحامل وكمبيوترك المحمول تحصل على كل وسائل الترفيه في سيارتك وبدون تكلفة اضافية .
5-مهب شرط يكون الكمبيوتر شاشة لمس .. ممكن تستخدم كمبيوتر عادي لكن اللمس وأقل في المساحة أسهل في الاستخدام .