السلام عليكم:xyxwave:
كيف حالكم شباب انشاء الله بخير:bigggrin:
.
أشكر صاحب الموضوع وأحييه
.
.
أنا على مشارف أشتري c30 إنشاء الله، لكن وقف حماسي يوم دريت عن الزاهد وعمايله:smilie20: ،،
.
المهم، بما أن الزاهد بيمسك الوكالة إلى وقت لا يقل عن السنة -إستناداَ على أخبار الأعضاء في قسم السيارات الأوروبية- قبل نقلها، فأرجو من أي واحد تعامل مع الزاهد يقولي كيف الخدمة والصيانة -بصدق وعن تجربة- وأسعار قطع الغيار هل هي غالية؟ بحدود كم إذا أمكن؟ وعن توفر قطع الغيار الأصلية عند محلات غير الوكالة من عدمه؟ الضمان كم مدته؟ وإذا دخلت السيارة بالصيانة كم تاخذ وقت قبل تستلمها (أقصد الصيانة العادية، تغيير زيت، ...إلخ)؟
.
وهل الزاهد يوفر السيارات حسب ذوق العميل -Build Car- (أقصد المواصفات: أنا اللي أختار وأخلي، ولا تجي مستويات محدده مسبقاَ>> مثل لو GXR أو VXR). وإذا كانت على حسب إختيار العميل، هل بتتوفر خيارات متعددة؟ ولا بس تسكيته -تخشيب ولا جلد ولا زفت-.. لأنه على حسب كلام مستهلكين لـc30 بمنتديات أجنبية، انها ما تسوى إذا ما كانت Custom على ذوقك.... يلعن أم الاهتمام بالعملاء اللي عندهم.. الله يخلف علينا..
.
فتحت موقع الشركة الأم، ومالقيت موقع فرعي للسعودية من الشركة الأم، فدخلت موقع الشرق الأوسط، انهبلت يوم شفت المواصفات، هل ممكن تكون كل المواصفات اللي بالموقع نفسها للسعودية، ولا كل دولة إصدار خاص بها..؟ ياليت اللي يدري يشيك الرابط.
.
http://www.volvocars.com/ae/All-Cars-MY09/Volvo-C30/Pages/default.aspx
.
ولا آمالي عالية ومستحيل يجينا خيار Build Car إلا إذا جانا النت أبو جيجا بت>>> بعد 430 سنة إنشاء الله (تدرس الخطة من ألحين)!!
.
.
أعتذر بشدة عن الإطالة، لعدم تفرغي للذهاب للوكالة، وعلمي بأن اخواني هنا ما بيقصرون ولو بإجابة واحدة..
.
.
سؤال أخير، لو أحد يكتب لي وين الوكالة بمنطقة الدمام -الدمام أو الخبر- :rolleyes1: أكون شاكر..
تحياتي لكم جميعا، ولــِفولفو:smile:
بالنسبة للوكيل انا حسيت انها فرصة اني اشتري في هذي الفترة بالذات لأنها فترة حرجة بالنسبة للزاهد .. يعني يحتاج يمشي السيارات الي معاه فشريت منهم الــ S80 بسعر أقل طبعا بعد المفاصلات مع المصري الي هناك و حتى مدير الفرع
الفرع الي على طريق الدمام الخبر السريع حلو بس مشكلتهم ان عندهم بعض الموظفين الي مو داريين اصلا ولا شي عن مواصفات السيارة ... اتذكر كان واحد بس الي فاهم الشغلة ..
فرع الرياض السليمانية عندهم واحد ما يستحي مستعد يدخن في وجهك ولا عاطي وجه وموجايب خبر اصلا شريت ولا لا ... فرع الرياض الرئيسي حلو بس المصري الي عندهم خراط و بياع كلام انتبه منه واذا قالك اي كلام بالنسبة لبعد البيع خليه يسجلة عاى ورق عشان تقدر تلزمه فيه على الأقل .. وعدني بتخفيض لأول صيانة وعشمني وآخرتها طلع خرابيط تخفيض 40 ريال من 800 !!!
السيارة ما عليها كلام .. من ناحية المتانة و الأمان
الوكيل بيتغير إلى الفطيم و اكيد راح يتحسن لأنه هو الوكيل الاقليمي تبع الشرق الأوسط للفولفو ومقرهم في دبي الامارات ..
بالنسبة للسيارات عند الزاهد تجي بمواصفات معينة بفئات مختلفة و الطلبات الخاصة ممكن يعملوها لك بس تاخذ وقت طويل حسب كلامهم .. يعني شهووور
اذا لقيت عرض الآن اشتري يكون افضل من وجه نظري وهذا الي شجعني اشتري (اتوقع سياراتهم خلصت او قريب) لأن الأسعار في الامارات و البحرين اغلى من عندنا بكثير .. و اذا فاصلت معاهم اكثر اتوقع يخفضولك مبلغ محترم
بالنسبة لفرع الشرقية تلقاه على طريق الدمام الخبر السريع و انت متجه إلى الخبر على يمينك بعد وكالة المازدا . وتقدر تمر على الصيانة عندهم قبل وتشوف اسعار القطع وشغلهم بعد وكالة الهوندا على اليمين .. الاسعار مو اغلى من البي ام .. وعلى فكرة بعض قطع الغيار تلقاها في النت ارخص بكثير
تحياتي
