سبورتاج v6

راشــد @user_84899 · 07-12-2008

بسم الله الرحمن الرحيم ..

السلام عليكم ورحمة الله وبركاته ،،،

كيف الحال شباب ، انا ابشركم شريت جيب سبورتاج من كيا ، المشكلة وما فيها اني كل ما قابلت واحد قالي ايه كيا تتفكك ومهيب عملية ، بصراحة عقدوني :emot103: فشرايكم في هذا الكلام ؟؟

الشيء الثاني : عندي مشكلة ان السيارة على سرعات عاليه تحذف ، يعني تحس السيارة تروح منك ،،خصوصاً اذا مريت جنب تريله .. فحد يعرف وش حلها ..

الشيء الثالث : السيارة في تهريب هوا وصرصرة عجيبة عند 170 ، اذا احد عنده نفس المشكلة او الحل ؟؟

غير كذا السيارة ممتازة على الاخر ..:a120(62):

* ملاحظة : السيارة مستخدمة .. ومرة على الفحص بنجاح ولله الحمد ،،
موديل السيارة 2005 ..

أبو عبدالعزيز @user_6640 · 16-12-2008

السلام عليكم.......

[COLOR=red]صباح الخير أخواني [/COLOR]
حياك الله أخوي راشد
بخصوص إستفساراتك على حسب خبرتي البسيطه :
1- بخصوص التفكك والأصوات :
فا أحب أطمنك أنت مو شاري نيسان << مع إحترامي لها
السيارة قوية وجامده وتعيش معاك سنين ولكن ..........!!
مو تجي تطامر فيها بالبر وأرصفه بالمدن ومطبات وحوسه وساحب على الصيانة وتقول تفككت...!!
أي سيارة بالعالم تحتاج لها عناية وصيانة
وكل فترة والأخرى تعمل لها تربيط وتزبيط << حلوه هههه

2- بخصوص الحذفه :
إذا هي بالسرعات العالية فقط فهي أحد هذه الأمور والله أعلم :
*قيس ضغط هواء الإطارات الأربعه ، في حاله أن أحد الإطارات هوائها أقل من البقية يؤثر على ميزانية السيارة خصوصا على السرعات العالية
*وجود تيارات هوائية بالخارج شديده ، في هذه الحالة حتى لو عندك أودي السيارة راح تحذف راح تحذف لأنها عوامل فيزيائية خارج التحكم
*وجود خلل بميزان الأذرعه ، بس سيارتك 2005 يعني ما أعتقد أنها تحتاج [COLOR=darkred](( بس هذا لا يمنع أنك تمر عليهم للتأكد )) ، إلا إذا جات للسيارة صدمه لاسمح الله أو تم إستخدامها بشده بالمطبات أو البر[/COLOR]
أما لو بالسرعات حتى البسيطه فإحتمال وجود خلل بنظام [COLOR=darkred]السيرفو عندك [/COLOR](( نظام Power steering ))
وهذا يلزم الذهاب بها للصيانة

3- بخصوص الهواء والصرصرة :
الهواء على سرعة 170كم هذا أمر طبيعي جدا في سيارة مرتفعه
أما صرصرة فهنا ممكن عندك خلل في وزنية الأبواب أو خلل بالإطارات أو ..............(( لا أعلم كيف الصرصرة عندك ومن وين تجي ))

على العموم جميع مشكلاتك بسيطه ولله الحمد
ولا تستدعي منك الخوف بإذن الله

أتمنى أكون ساعدتك ولو بالقليل أخوي

تحياتي لكم
أبو عبدالعزيز

ابو هتو @user_80459 · 16-12-2008

الله يعطيك العافية اخوي ريس وبس

ريس وبس @user_7122 · 13-12-2008

وعليكم السلام ورحمة الله وبركاته ...

أخوي انا عندي سبورتاج V6 بس موديل جديد ومن الوكالة واشوف ان السيارة راسية في الخطوط رغم اني ما اسرع اكثر من 140 ونادرا ما تجاوزته ومشكلة صوت الهواء والتسريب ما حسيت فيه ...

المشكلة في شراء سيارة مستعملة لا تعرف ما صار لها وكيف تم استعماله من قبل مالكه السابق ... الافضل انك تقوم بفحص عزل الابواب ... وبالنسبة للحذف شوف نصيحة أخونا Stun ...

ابو هتو @user_80459 · 13-12-2008

الله يعطيكم العافية على المرور

نورتوا الموضوع

صقر السعودية @user_96219 · 09-12-2008

لاتعطي كلام الناس اي وجه

الكوري صح تعبان لكن بالموديلات القديمه

عاشق الكوبيـــه @user_107089 · 09-12-2008

اخي الكريم هالجيب مع قريب لي نفسه .. سيبك من كلان الناس اللي ما بخلص..
هالجيب مو حق سرعات عاليه لانه مو ذاك الوزن الثقيل الذي يمنحه الثبات اضافة لارتفاعه عن الارض .. يعني مثل ما قالك مقاومته للهواء عالية .. لكنه مع ذلك عملي ..
الله يباركلك فيه..

راشــد @user_84899 صاحب الموضوع · 09-12-2008

الله يعطيك العافية يا stun على المرور الجميل ..

اذا احد عنده اضافة لا يبخل .. ان الله في عون العبد ما كان العبد في عون اخيه ..

stun @user_2575 · 07-12-2008

الحذفة تلزم المرور على الميزان و الكشف على السيارة.

و تهريب الهواء عادي إذا كان عند سرعة 170 فقط لأن مقاومة السيارة للهواء عالية.

راشــد @user_84899 صاحب الموضوع · 07-12-2008

الله يجزاك خير اخوي .. مرورك وسع صدري ،،

:emot38:

r32 hpa @user_25257 · 07-12-2008

السلام عليكم كيف حالك اخوي
بالنسبة انه الكيا تتفكفك وتتهردب ممكن يكون الكلام نوعاً ما صحيح في الموديلات القديمة قبل 2002 لكن في الموديلات الجديدة بالعكس هي وهيونداي واحد وسيارات جداً عملية وممتازة وبالذات السبورتاج وسيبك من كلام الناس ووسواهم الشيطانية اللي ماتخلص وخلي في بالك ( القناعة كنز لايفنى ) ماعليك بأحد وخليك واثق من نفسك ( وإرضاء الناس غاية لاتدرك )
أذكر واحد من الشباب معاه أزيرا وهوا بنفسه يمدحها وعاجبها وكل شيء لكنه تعقد من كلام الشباب كل يوم واحد يقوله شيء الهيونداي كوري ، الهيونداي يتفكك الهيونداي ..... الخ لين ماوصلت معاه طفش من كلامهم ويبغى يبيعها فهل هذا صحيح ....؟!
وبالنسبة للأسئلة الثانية ماعندي علم عنها وان شاء الله الشباب مايقصروا معاك ..
أتمنى لك التوفيق والسداد :smilie332: