Mercedes ML63 And Mercedes G55

الجي55 افضل على الطرقات الوعره
وللبره
والقنص
ابعد عنها

الام ال63
افضل
لانه تمشي فيها داخلا لمدينة بتميز
فخامه اكثر من الجي 55
قوة اكبر
الجي55 خصص للطرقات الوعره كثيره

انصحك وبكل قوة الام ال 63
شكل احلى قوة جمال
مناسب لكل شيئ

السيارة G55 هي سيارة كلسيكية حديثة ولا يمكن مقارنتها مع ال ML وهي سيارة شبابية رياضية ..............وانا افضل ال G55ا

اخوي الg55 ما هو بذاك السوء في الطرق العادية مع تفوق قليل لل ML

يعني اذا هو يدخل بر داخل كثير ويطلع أماكن صعبة أشوف أنه لازم ياخذ الG55
وما راح يندم أن شاء الله لأنه أيضا مريح في الداخل

أما اذا اماكن خفيفة ف الML يفي بالغرض

واظن أنه عليه أن يضحكي قليلا من الراحة ((( قليلا ها))) وياخذ الG55

لأنه مناسب لهالفئة من الناس

وبعدين حتى أذا مشى فيه في المدينة بتبين شخصيته وبني ربعه

فبيكون مميز

وهذا الشي ما فيه عيب وشي حلو

تحياتي،،،

والله شوف اذا قريبك بتطلع البر فالG افضل خيار اما اذا بس في الرياض فالML

اخوي انا عندي G55 معي من سنتين سياره رزه في المدينه وقويه في البر وسعرها عند البيع افضل وبالنسبهml شكله ميني فان وللبيع ينزل سعره .

ML63
لأن G55 شكله ومواصفاته وداخليته تقليدية وقديمة
وإذا الرجال راعي مقناص وبر لا يصلح أي من هذه السيارات

انا بصراحه انصحك ml افضل من الجي بكثير لا من ناحية الهيبه ولا الشكل

بارك الله فيك اخوي مشكور على مرورك الرائع



ههههه حتى الجي اطلقوا عليه لقب اول مره اسمع هالاسم والله عموما مشكور على المرور اخوي

ما رديت على باقي كلامك لأني متفق معك فيه كله :)

الغريب ان الجي من زماااااااان ما اتغير شكله

زي التويوتا شاص والربع

انا احب الجي 55 AMG
الصراحه روووووووووعه

وشكله رززززززه

وعلى قولة الشباب يسموه ربع الكول خخخخ او ربع الشيوخ

هلا أخوي
عن نفسي بدون تردد أبشتري الـ G55
وأتمنى لك التوفيق

يامرحبا بأخوي ( الخل الوفي ) حياك الله وأسعدني تعليقك على ردودي

طال عمرك الحين الرد حقي كامل ما علقت عليه ما علقت الا على الرقم 100 :emot96:

كلامك اخوي على عيني وراسي ولكن هذا ماهو كلامي
هذا وانا اخوك قرأته بموقع مرسيدس - بنز وواضعين صور اسطول جيوب مرسيدس - بنز وكاتبين لأكثر من 100 عام :eh_s1:


والله أعلم


وأشكرك مرة ثانية على تعليقك الرائع على ردودي

والأهم هو وضع صور حلوة ونادرة عن التحفة الألمانية المرسيدس - بنز الفئة G

هلا اخوي الموديل القديم كان 5,5 اما الجديد فهو بمحرك 6,3 واسعدني مرورك



هلا وغلا بالخل الوفي خبيرنا اللي نحترم رأيه ونستفيد منه أتفق معك بكلامك فعدم الإنتشار هو لسبب السعر والصيانة وقطع الغيار وبعض الناس بإمكانه يشتري ولكن ييقول ماله داعي اشتري سيارة قيمتها فوق النص مليون واطلع فيها للبر فيروح يشتري سيارة اقل منها قيمة وتمسك سعرها وقطع غيارها ببلاش مقارنة بالمرسيدس وبخصوص الR صدقني روعه لو تقارنة بالفانات اللي تشوفها بالشوارع اللي شكلها يجيب الهم وشرفني مرورك وأشكرك حقيقة على المعلومات اللي ادرجتها بالموضوع عن تاريخ الG كلاس



هلا وغلا اخوي يزيد صبحك/مساك الله بالخير اشكرك على متابعة الموضوع ونقاشك الجميل جدا وإبداء رأيك بصراحة وأتفق معك انه كل سيارة لابد ان تجتمع فيها مميزات مهمه مثل :-
جمال الشكل الخارجي والفخامة الداخلية وقوة المحرك وأنظمة السلامة والأنظمة التكنلوجية الآخرى وأنا شخصيا اقول هذه قاعدة سليمة جدا جدا اخوي يزيد ولكن بوجهة نظري اشوف كل هالأمور تتوفر بالG و الML بناء على نفس القاعدة وممكن انت ما تشوفها تتوفر بهالسيارة ولكن تشوفها تتوفر بالبورش مثلا وهنا ذوق المستخدم يلعب دور مثلا انا اعرف شخص يقول والله شكل الجاكوار اجمل وافخم من المرسيدس والبي ام انا ماقدر اقوله لا غلطان المرسيدس احلى منه !! لانه هذا ذوقه والإختلاف يكون بامور اخرى ولكن الشكل يرجع لذوق الشخص نفسه وبخصوص الS500 انا سألت موظف بالجفالي قال اغلب السيارات المطلوبة والمباعة هي S350 وهذا الكلام على ذمته ويقول انه اغلبهم يركب شعار S500 بدل الS350 وجى قدامي وفتح كبوت سيارة جنب سيارتي بالصيانة السريعة وقالي شفت (طلعت 6 سلندر350) مع انه مكتوب عليها اس 500ومركب كت اي ام جي عموما حتى لو كلامه غلط وكل الفئات هي 500 لا يجوز مقارنة اس كلاس بالجي كلاس او ال الام ال لانه سيارات الدفع الرباعي الناس عندها قناعة انها المفروض سعرها ما يتعدى كذه فيستكثر على السيارة على عكس الاس وهذا كلام شخص يملك محل لبيع السيارات الفارهة جدا وهو اللي قالي هالكلام لكن برى الجي كلاس كأنه تكسي بالتحديد بروسيا فكل سوق له ميوله وافكاره بالسيارات وكلامك صحيح هنا بالخليج وبالعالم العربي جيوب مرسيدس مالها اهتمام لكن لا يعني فشلها لانه نحنا لا نقدم ولا نؤخر بالسوق العالمي ومشكور مره ثانية واعتذر على الإطالة



الله يجزاك خير انت الوحيد اللي فهمت معنى كلمة حيرة بين هالسيارتين العمالقة وحياك الله يالغالي



حياك الله اخوي اشكرك على مرورك بس هل انت متأكد ان الـML بدايتها 98 عالميا !!؟؟



يالغالي ولا واحد من اللي شاركوا تخيل نفسه بمكان اللي بيشتري يعني انا قلت بالموضوع الإستخدام غالبا بمدينة الرياض ولكن الطلعات والرحلات فترة معينة وماهي بنفس فترة الإستخدام داخل الرياض بس الظاهر انتوا تبون تحيرونا:smilie6: ومشكور على مرورك



حياك الله اخوي مع اني معجب جدا بالGL بس احسه نفس نظام الادوي يعني تحس شكله عائلي وغير ذلك محرك ضعيف مقارنة بالجي والام ال ولا تنسى الAMG لها طعم خاص ويكفيك الصوت بس



مشكور حبيبي ما قصرت على إيداء رأيك وشرفني مرورك

G55
بلا منافس

والله كل وحدة احسن من الثانية

بس بالنسبة لي انا افضل G55 و الشباب ما قصرو بمميزاتة

بس ,,,,,, ما تلاحظ انك نسيت فئة GL

حسب ميولك إذا راعي بر معروفه G

أصلا ما فيه وجه مقارنه بينهم لأن ال G سياره فخمه وقويه وإعتماديه بشكل غير متوقع وسبب صناعته هو طلب الجيش الألماني في نهاية السبعينيات لسياره إعتماديه وعسكريه وبدأ إنتاجها في 1979 بشكل عام للجيش وللسوق يعني تجاريه ,ومثل الهمر اللي صنع للجيش في الثمانينيات وبدأ إنتاجه تجاريا بداية التسعينينات .
ML بدأ إنتاجها رسميا في نهاية 1997 للسوق الألماني وبعض من دول أوروبا وتسويقها عالميا كموديل 1998 والسبب هو إنتاج سياره SUV متوسطة الحجم وشبابيه وسعره منافس وفي متناول الجميع وأول مانزلت كان سعرها يبدأ من حدود 130000 ريال .
وانا أنصحك إذا تبيها سيارة دفع رباعي وسفر وعوايل خذ ال G
وإذا تبي الرزه وسفر وعوايل خذ ML