بسم الله الرحمن الرحيم
ندخل الموضوع على طووووول وديت سيارتي لتوكيلات الجزيرة طريق خريص قبل 3 ايام للصيانة الدورية وكان لدي بعض الملاحظات وبصراحة كان الاستقبال ممتاز جدا والتعامل سريع بعكس الوكالات الاخرى اللي تعاملت معها من قبل المهم انه كان عندي ملاحظة على السيارة حيث يوجد صوت مع اي مطبه في الجهة اليمنى عموما بلغت الوكالة بوجود هذه الملاحظة وافادوا ان السيارة راح تتاخر لمدة يومين تقريبا
اليوم الثالث جيت وقال المهندس مابعد تخلص السيارة وطلبت منهم سيارة بديلة والصراحة ماقصرو اعطوني بس بعد جهد وطولة لسان شويه مني عموما يوم استلام السيارة حصلت لي مشكلة وهي اني بعد ماخلصت اوراق السيارة وجيت للصندوق للدفع مبلغ الصيانة الدورية تفاجئت ان بطاقة الصراف ماتشتغل معي دورت اكثر من صراف ولا من اجابة رجعت الوكالة وانا مزنوق جدا ومافي احد فزع لي الا واحد سوداني والصراحة عجبني موقفه الرجولي حيث اعطاني 500 ريال دون ان يعرف من انا وليس لي علاقة فيه الا انه المؤجر لسيارات الوكالة واسمه الاستاذ صلاح بيض الله وجهه وقال رجعها متى مابغيت وانا احس ان علي حق كبير لازم في رقبتي للرجال هذا ولو اعطيه دراهمي كلها ما اوفيه حقه والشهادة لله ان كل السودانيين الموجودين في الوكالة رجال ويقفون مع اي واحد كثر الله من امثالهم عموما انا حبيت اكتب الموضوع هذا عشان الكل يعرف ان في الوكالة هذي ناس محترمين وبالذات الجنسية السودانية كلهم راعين فزعة يخدمون اللي يعرفونه واللي ما يعرفونه ويعطون صورة حسنة عن شركة توكيلات الجزيرة ولا اطول عليكم بس حبيت انقل لكم اللي صار بشكل مختصر والا الخافي اعظم وتقبلو ثقل دمي ......اخوكم السعودي الاول
