اخواني المختصين ارجو الافاده
هل استطيع تركيب مكينة 454 على يوكن باب واحد موديل 99 ؟؟
وماهو حجم مكينتة الطبيعيه؟ الي من شد بلاده؟
وماهو حجم قيره؟
انا عندي يوكن باب واحد بس ابيه يصير عزم ابيه جدا قوي من ناحيتين
الاولى السرعه فزه قومه وممشى خط؟
الثانيه دبل وتطعيس يعني ابيه عزم في التطعيس؟
اتمنى من الاخوان الافاده وتقبلو مني جزيل الشكر والاحترام..
هلا أخوي
شوف أنا شفت بكم موقع أولها CARDOMAIN أن فيه يوكون GT عليه 454
طبعا هو بأساسه شد بلد ما يجي
مكينته الأساسية هي 350
وبصراحة بنسبة لي أنها مكينة متواضعة جدا جدا جدا بالقوة في التسارع (أتكلم عن نوع TBI وليس الفورتيك)
بنسبة لي وأعتقد وبنسبة كبيرة فكرة تركيب محرك 454 على يوكون باب واحد ممكنة بس يبيلها $$$$$ :smilie6:
وبصراحة لازم تحط في الحسبان أن فكرة تغيير المحرك لوحدة لا يكفي أطلاقا لازم تغير أشياء ثانية معها
أولها القير
بتركب المكينة على نفس القير صدقني ماراح تحصل على القوة الي راح تتمناها في 454 :smilie532:
ثانيا الدفرنسات!
تروس الدفرنسات في اليوكون الباب واحد حقت قطع 1500 الي تجي الرقم حقها بسيط لازم تركب حقت قطع 2500 الي تجي الرقم فيها كبير علشان القوة ماتكون تتوزع على دفرنس محشور لازم يكون الدفرنس ماخذ راحته على القوة الجديدة
تقريبا هذي أهم الأشياء الي لازم تغيرها مع المكينة
أعتقد أيضا لازم تغير نظام التبريد لأن مكينة 454 يعيبها أن حرارتها عالية مقارنة بـ 350 هادئة
والأفضل أنك تركب مراوح كهربائية لأن مراوح السير حتى لو تركب مراوح مكينة 454 حقت البلد صدقني ما تكفي أنها تخلي المكينة هادية حرارتها على طول (عن تجربة) عيبها في الوقوف والأستخدام الخشن جدا في البر ترتفع الحرارة لثلاث أرباع زي السلام عليكم وأن وصلت الحرارة كذا سلملي على العزم :a120(89):
ذلك أعتقد لازم تغير تروس قير الدبل مش متأكد من المعلومة لكن قد سمعت واحد يتكلم عنها
شوف عندك نوعين من نظام الحقن في مكاين 454
عندك نوع TBI وعندك نوع Vortec
مكاين الـ TBI في 454 قوتها 230 إلى 250 حصان والعزم 170 كيلوواط والعزم 367 بالرطل/قدم
بينما مكينة Vortec في 454 قوتها 290 حصان وعزم 220 كيلوواط العزم بالرطل/قدم ما أعرف بالضبط لكنه في أعتقادي في 390 تقريبا
الي في موديل اليوكون الي معك هو فورتيك لأن الفورتيك بدايته من 95 وطالع بينما 94 وتحت مكاينها TBI
حسب معلوماتي (مو شرط تكون كلها صحيحة 100%)
أن مكينة TBI أكثر تحمل وأفضل من ناحية التعديل
لكن مكاين Vortec أكثر قوة وعزم وأقل صرفية وعزمها ما يطيح بسهولة في الصعود المرتفعات وأغلب الورش الي يسوي عنده فحص كمبيوتر أن كان مكينتها فورتيك بيقبل الكمبيوتر علشان يحدد المشكلة أن صار فيه مشكلة بينما مكاين TBI بيسوي فحص كمبيوتر لكن ساعات يضحك عليك ما يحدد المشكلة ولا شيء :a120(58):
(عن نفسي أن بتركب المكينة بتخلي فيها كل شيء شد بلد خلها بنظام Vortec وعلى فكرة في أعتقادي وبشكل كبير أن نظام الفورتيك في 350 يختلف تماما عن 454 الديلكو والأسلاك والبواجي واسلاك البواجي بتكون مختلفة يعني بتغير نظام الحقن بالكامل)
نجي للقيور
شف موترك نوع القير فيه هو TYPE 4L60E
حق مكاين 454 في موديلات الفورتيك هو TYPE 4L80E
بخصوص رقم الدفرنسات بصراحة ما ادري وعلى فكرة لا يقتصر عليك تغيير الدفرنس الخلفي فقط بل لازم تغير الدفرنس الأمامي كذلك لا يصير قوة الأمامي أقل من الخلفي ثم ينكسر عليك قير الدبل لما تشغله
شف بعد هذا كله يفضل بعد تغير نظام البريك عندك يعني تركب هوبات وفرامل قطع 2500 علشان تقدر توقف السيارة بشكل اللازم لأن قطع 1500 الي موجودة باليوكون الربع ماراح تقدر توقف سيارة تنطلق بالقوة الجديدة (454) فلازم فرامل أقوى ولا بتوهق عمرك في مواقف شينة
على فكرة كلامي كله هذا قلته لك من دراسة سويتها بنفسي (قد يكون فيها بعض الأخطاء) لأني فعلا فكرت مثلك بالضبط بتركيب محرك 454 على GT لكن شكلي ماراح أسويها لأن بصراحة يبيلها ميزانية قوية جدا تتكلم عن 25 ألف ريال أقل شيء كل القطع جديدة من أمريكا بما فيها القير والمكينة وتقريبا شاملة التركيب وشغل نظيف جدا ومرتب (خويك ما يبي يدخل مثل هذي الأمور في أشياء مستعملة ثم يندم أنه ما حصل مطلبة في القوة الي كان متعود عليها )
وأخيرا شيء لازم تعرفه
هو قوة موترك الحالية مقارنتا بقوة موترك لما تسقط عليه 454
موترك فورتيك مكينة 350
القوة الحصانية 250 والعزم 174 بالكيلو واط و335 رطل/قدم
على مكينة فورتيك 454 أن أفترضنا أنك فكرت بالفورتيك
القوة الحصانية 290 العزم 220 كيلوواط و390 رطل/قدم تقريبا وقد يزود
فكر زين وقرر ثم توكل على الله سواء بفعل المشروع أو بتركه
أخوك أبــــــــــوأســـــــد:a120(62):
