لاهل الخبرة محتار بين اف جي وسفاري

والله مافية مقارنة

ايش جاب لجاب

سفاري بس فل و انت مغمض راحة و قوة واعتمادية وشكل و اناقة

والف مبروك مقدما

اخوي توكل بالاف جي ماشاء الله ممتازبكل النواحي..
ويكفي انه تويوتا

140 الف متاكد اخوي ابرهيم هذا سعر الصالون انا واقف عليه بالمعارض ربع فل كامل جديد بقراطيسه بس ماني متاكد من موديله بالضبط لكن كان هذا الكلام بنهايه سنه 2007 يقول راعي المعرض سعره 90 الف
140 الف وين اللي يقولون الامريكي غالي:a120(89):

السلام عليكم...
اخوان انا رحت للوكالة البازعي والحمراني بطريق خريص عشان اتأكد ان الربع ينزل فتك لأني كلمتهم وقالوا ينزل فحبيت اتأكد
المهم لما رحت صار انه مايجي ربع بمكينة فتك ...بيس انه اللي رد علي واحد مصري ولا فهم علي وانا فهته غلط...
بس الكلام الاكيد انه موجود ربع سفاري 2 ب 140 الف ((صراحة غالية)) هذا بالنسبة للربع حبيت اوضح واتاسف على الخطأ الغير مقصود..

وبالنسبة للسعر اخوي ان كان قصدك الربع السفاري الفل ممكن ينزل بس تيقن ان نزوله مش اكثر من الاف جي((ارجوا ان لا يفهم من كلامي اني اعيب الاف جي لكن اتكلم عن تجربة))
والشكر موصول للجميع..

ماأدري على اي أساس حكمت بالأفضليه المطلقه للباترول ...


الـ FJ : يناسب جميع الفئات العمريه ..
الباترول : يناسب جميع الفئات العمريه ..

وأي سياره بالعالم مافيه لها فئه معينه حتى السيارات الرياضيه وشفها بأوربا وأمريكا تحصله شايب معه سياره رياضيه وكشف بس عندنا عقول للأسف كل شي عيب وهذا مايصلح الا للشباب وماادري ايش :a120(89):

أنا مشترك بمنتدى أمريكي بقروب لملاك الـ FJ واللون SandStorm فقط اللي هو البيج وصدقني انا عمري 28 سنه وانا أصغر واحد فيهم وكلهم فوق 40 سنه وفيه ناس فوق الـ 60 ومبسوطين :smilie6:

تحياتي للجميع ...

بأختصرها لك بكلمتين :

الأف جي : يناسب فئة عمرية محددة
الباترول : يناسب جميع الفئات العمرية

هذا غير الأفضلية المطلقة أساساً للباترول
أنا لا أملكه ولا لي أسهم بشركة الحمراني
لكن حرام مقارنة هذه السيارتين ببعض

للبر والكد والتحمل شتاءا وصيفا ما غيره السفاري عاصفة الصحراء فقط عيبه انه ما يصلح للعوائل
واللي يقول غالي 90 الف اجل الاف جي والربع التويوتا وش تكون اذا كان سعرها فوق المية الف رخيصة :emot114:

هل فعلاً ينزل على الربع مكينة فتك وكالة

وكم سعرة الي تقول عليه خيالي

وتقبل اطيب تحياتي اخي الكريم

الله يعطيكم العافية يا اخوان على المداخلات الرائعة والقيمة

كلمت وكالة الحمراني في الرياض قال سفاري ماجبنا 2009 والنية ان شاء الله fj

يالغالي من جاب طاري الصالون ؟ أنا تكلمت عن الربع وصاحب الموضوع يسأل عن الربع السفاري وأنت ذكرت بردك أنه ينزل بمكينه 4800 من 2002 وعندي علم وعارف وهذا الصالون بس أما الربع مكينته 4500 ...

الربع السفاري الفل كامل صدقني يطيح سعره بسرعه واسأل أي شريطي بالمعارض والناس تفضل السياحي S لأنه أقل سعر من الفل كامل بكثير ...

بالنسبه للفتك 4800 على الربع ماتنزل وكاله ولو نزلها البازعي حسب كلامك ( مع أني ماأتوقع ولا 1% أنه عنده ) شف بكم يطلع سعره وراح يكون سعر خرافي ...

نصيحتي لصاحب الموضوع أنه يستأجر الـ FJ ويجربه ويروح للحمراني ويجرب الباترول ( إذا عندهم سيارات تجربه ) وهو راح يقرر أي سياره مناسبه له ...

تحياتي للجميع ...

اخوي معليش على اي اساس حكمت ان السفاري ماله سوق ؟؟؟
حبيبي سوق السفاري ماهوب حوله الاف جي يكفي ان الطلب عند الوكالة ياله ا خمس ايام الى اسبوع او اكثر
وبعدين بالسوق ما علية طلب؟؟ ياخي ادخل بالسفاري باي نوع الى السوق وشف والله خطر ياكلونك اكل اتحدى لو قدرت تدخل السوق مايمديك ...
وبالنسبة للسعر سعرة يمسك اكثر من الاف جي...نزلف موترك السوق وشف ينزل اقل شي 10 الاف ونزل الباترول وشف اتحدى ان نزل اكثر من الفين ثلاثة حبيبي...بالسوق منقولة الملكية وممشى خفيف من 1000 الى 10000 كم تلقاه يمكن بسعر الوكاله ولا اغلى شوي..

وبالنسبة للمكينة الفل مكينة فتك 4800 سي سي من 2002 ...

والاف جي موتر ماعليه كلام ومجرب بس اذا الرجال مايناسبة الموتر يعتبر السفاري منافس جيد
خاصة بعد ان نزل البازعي الربع مكينة فتك ...بس المشكلة سعرة خياااال غااااالي...

fj وانتم نايم


وبالنسبه للي يقول الباترول 4500 سي سي


انا اتحدى اي بااترول ربع 4500 سي سي بالاف جي قومه وخط وطعوس والي تبي،،

لاتتكلم الا عن تجربه

يعطيكم العافية واسعدني جدا تفاعلكم ولاعدمناكم ياغالين

إذا تقصد باترول ربع S سياحي نصيحه لوجه الله أبعد عنه ويكفي سعره الخرافي على إيش ماأدري (حول 90 الف ريال سعره اللحين هذا إذا حصلته ) غير المحرك الغبي !! ...

أما باترول سفاري فل كامل إذا أنت رجال تقول بأبيع بعد فتره نصيحه لاتاخذه لأن سعره يطيح بسرعه لأن الطلب عليه قليل واسأل أهل المعارض وللعلم ان محركه نفس السياحي 4500 ومستحيل تحصله 4800 وكاله جديد ...

بالنسبه للـ FJ السياره معي ومجرب الباترول الربع السياحي والفل كامل ومافيه أي مقارنه وأشوف الـ FJ افضل وبالنسبه للتحمل والصبر مايحتاج تويوتا شغل وأمش ولاتشيل هم :smilie6:

بالتوفيق أخوي ...

طعني خلك باترول سفاري والسفاري موطالع قبل يومين السفار قديم ومعروف وبعدين فيه من السفار مكينته 4800 vtc
انصحك باسفاري ترى سعره 138000 ريال سعودي طبعا اقساد

توكل على الله وخذ لك fj

يارجال خذ السفاري ماشاء الله موتر قووة ومكينة 4500 وشكل قوووووي

يعني تخيل مكينة 4500 على شي صغير مثل كذا ولون لؤلؤي ماشاء الله ملك والله ملللك

بس الظاهر ماينزل قير تماتيك بس قير عادي

والخيار لك يابعدي

السلام عليكم...
من وجهة نظري بأخذ سفاري مش عشان الف جي شين لا لكن الميول ولان الاف جي مايناسبني
انت شف وش اللي يصلح لك انت راعي تكشخ و((ستاايل))<<<على قولتهم ) خذ الاف جي يصلح للحالتين
اما الربع فلا يصلح الا للبر وكذا للديرة بس بشكل محدود ...
واستخر وتوكل على الله الله يكتب لك اللي فيه الخير..