سلمت يابو فهد بس ابغاك انت اللي تشوف الافضل بينها بحسب خبرتك وان قلتلك اهم شي القوه فالعقاب والدز وهل دبل اكستيرا قوي نفس السيارات الاخرى لاني شفته يجي ازرار وتقبل تحياتي واعذرنا على الازعاج
مرحبا أخوي الشهري
بالنسبة للدز أو الإستجابة بمعنى أفصح الإكستيرا أفضل من الباترول بمراحل بصراحة ، والقوة تختلف بين الباترول والإكستيرا إذا كنت تتكلم عن قوة سحب فهي لصالح الباترول لأن دفرنساته وقيرة قويات مرة ، وان كنت تتكلم عن قوة مراقا بالنفود وتسارع فالإكستيرا أقوى بكثير من الباترول
يعني قوة الباترول سحب فقط ، أما تطعيس وطرد صيد و وحرة فالإكستيرا أقوى بكثير
بالنسبة للدبل مافيه فرق بنظري بين الذراع والكهرب لأن قير الدبل واحد مفيه تغيير ، الدبل الكهرب فيه التعشيق فقط يتم بدينمو بدل اليد ولا تصميم قي الدبل واحد لم يتغير
وبالنسبة لي بصارحة أنا فضلت الإكستيرا على الباترول لعدة أسباب أذكر منها:
1- ان الإكستيرا تقدر تفرش فراشك وتنام فيه بينما الباترول لأ
2- الباترول البنزين فيه مصرف صراحة مقابل الإكستيرا
3- الإكستيرا أخف دم وأنشط من الباترول بشكل عام
تحياتي
