مقهى ملاك نيسان إكستيرا

سؤال ممتاز جدا بصراحة ومهم ان الشباب يعرفون الأشياء هاذي وكيف تنحسب

أولا سالفة الأرقام 38 و 39 هاذي شغل شيبان وهي تمثل عدد ترول الرنج اللي هو الترس الكبير الدائري وهذا مو هو فقط اللي يختلف بين الدفرنسات لك سيارة

بالنسبة للإكستيرا رقم الرنج ثابت وهو 47 ترس ، يعني يوم تعد سنون الرنج (الطارة) تحصلها 47 سن وهاذا ثابت في كل موديلات الإكستيرا

ماني متأكد هل هي 47 أو 46 بالضبط لكن الإحتمال الأكبر انها 47 سن ، يارت xterrabloudy يأكد المعلومة هاذي

وهناك أيضا البنيون ( وصلة العمود الصغيرة اللي تدخل للدفرنس ويحركها عمود الكردان) وهي بالتالي يحرك الرنج وبالتالي تحصل عملية دوران الكفرات

البنيون هنا هو اللي يختلف عدد الأسنان فيه بين كل نوع من الإكستيرا وهو اللي يشكل الفرق بين قوة الدفرنسات ويأتي عدد الأسنان فيه13 سن و 14 سن و 15 سن

وقوة الدفرنس تحسب كالتالي 47 / 14 = 3.35 دورة (أكسل ريتو) يعني لكل دورة عكس واحدة

بمعنى أن عمود الكردان اللي جاي من القير للدفرنس كلما لف 3.35 لفة فإنه يلف الرنج لة كاملة وبالتالي الكفر يلف لفة واحدة كاملة

وأيضا

لو قلنا 47 / 15 = 3.13 دورة (أكسل ريتو)

وأيضا لو قلنا 47 / 13 = 3.61 دورة (أكسل ريتو)

والمسألة تنطبق على كل أنواع الدفرنسات ، وهنا كلما كان الرقم أعلى كلما كان الدفرنس أقوى فزة وقومة وأقو في السحب ، وكلما كان أقل كلما كان الدفرنس مناسب أكثر للسرعات العالية يعني المحرك يكون مرتاح أكثر كلما قل الأكسل ريتو

أما سالفة 38 و 39 ووو هاذي مالها مكان في الإكستيرا لأن رقم الرنج فيه ثابت وهو 47 أما المتغير هو البنيون شافت وهو اللي يحدد دورة الدفرنس

ياريت عماد يدعم الموضوع فنيا بالصور والتفصيل

تحياتي