مقهى ملاك نيسان إكستيرا

^^^^^^^^^^^^^^^^^^^^^^
الف مبروك الموتر الله يعطيك خيره ويكفيك شره
والحمدلله على السلامه
وانتبه لايكون البوري يلغي عليك الضمان الحمراني ما تضمنهم

وبالنسبه لسؤالك حتى انا ابحث احد ركب المشكله اذا فتحت الكبوت مافيه محل لها
وامس كنت اسأل شباب مركبين ونصحوني
بسوافي الي بالرياض قالو اذا ممكن بيصلحونها لك
وفيه من نصحني اركبها جوى السياره
عموما انا بمرهم وبشوف والله يسهلها
واذاكر وانا اتصفح الرابطة لقيت رحال سأل عند واحد بالقصيم مشهور وقاله ركب بطاريه 100 انبير
واذا لقيت حل علمنا لاهنت

السلام عليكم يا ملاك الاكستيرا
انا ابشركم توني منظم للرابطه القويه وبصراحه تعبت وانا اقرا ولا فهمت شي
بس من كلام ابوفهد وكلام الشباب اللي في الرابطه حببني في الاكستيرا وشريته وصرت كل ما شفته قمت اتفل عليه لأني طلعته من الوكاله وعلى طول صكيته بعين وصدمت تسلب أجلكم الله
وبصراحه كل شي فيه حلو الا البوري غبي وبقوه لذلك غيرته ولا ادري هل يأثر في السيار او لا لأني ما افهم في السيارات انا من قوم شغل وفلل وعشق وامش
ثاني شي كان معي فتك وكنت مركب عليه بطاريه اذافيه ومسلك له تسليك حلو سؤالي هل اقدر اركب في الاكستيرا بطاريه اضافيه او لااا ولو كان فيه ورشه او محل يركب ياليت ما تبخلون علينا فيه وشاكر ومقدر لكم

العفو يالغالي
|587|

السلام عليكم

ممكن سؤال وش تراكشن؟

هو في الأصل مجهز للجبال ، ومادام السالفة فيها عقبات عالية يلزمك الفل كامل من الإكستيرا لأن يجي فيه تراكشن و اي بي إس سوا يغنيك عن استعمال الدبل أصلا ، أما الدبل فهو قوي ماعليك

أنا أرى انك تجرب الموتر لأن شكلك ماجربته!!

تحياتي

أنا بصراحة سبق وغيرته في التيتان عندي وسبب خرابه اني مديت سلك لأنوار اضافية والأخ الكهربائي خلال التمديد خلع اللي اللي يفرغ المي اللي يتكثف في المكيف وصار المي يبقى مايطلع برى وأحرق علي حساس المكيف !!!

طلبته من أمريكا جديد طبعا وأصلي واصل بحدود 430 ريال

أهم شي لازم تتأكد هل المشكلة منه أم لأ

تحياتي

حتى الآن مانزل شي يركب عليه هو والباث الجديد وهذا يشمل كل السيارات اللي لها نفس التصميم مثل اليوكن و الفورتشنر والإف جي والكروزر والباترول الجديد

و ما أتوقع ينزل لهن فرارات لأن العكس موصول دايركت بالفلنجة اللي تدور الكفر

بيض الله وجهك يابو فهد حن عندنا عقاب صعبة بما تعنيه الكلمه وتلاقي بعضهم متعطله السياره فانا اقول هل هو قوة دبله جيده سواء في العقاب او على الطرق السهله
لاني ناوي ان شاء الله على واحد واعذرنا على الازعاج وتقبل تحياتي

أنا سبق وفكيت القزازة عندي وحطيت سلكون وضبطت من أحسن شئ وضمان سنة ضد الماء والهواء وأزيدك من الشعر بيت موتري كان مثل الدجاجة :smilie16: اذا جاء المطر شفتلي أقرب تسبره ووقفت تحته لأنه يدخل الماء علي من القزازة القدام.... والشغل عند السليم بالرياض بس وين هو فيه يوصفولك حقين الرياض وموتري 2008 طبعا السعر غويلي شوي فكه وركبه بــ 250ريال والله الموفق..........

وبالنسبة للكارونة ياأبو فهد أظنه زي ماقلت 47.....

(((((((((((اللهم إنك عفو تحب العفو فاعفو عني))))))))))

طيب يا بو فهد لو ابطلبة كم اتكلف سرعتة وصولة قل شحن جوي وبكم $ كان أطلب

اقول انا ابي ازرار مثبت

اتوقع يقصد باثفندر 2005

:xyxwave:

جزاك الله خير

مافيه للاكستيرا 2008؟

أذكر رحت للرماية كنت اسأله عن اليايات ,, والمساعدات .. ومدري وش فهم العامل اني ابي فرارات .. .. قال فيه يركبله

اذكر قالي بـ 600 مع التركيب

فعاد اللي يبي يروح يسير عليه ويتأكد

وشكراً

والله ياالغالي انا موتري 2008 عدا المئة الف ماشاء الله ولا غيرت فيه شي وهو الحيين في الوكاله من اجل صيانة المئة الف
لكن على حسب كلام الوكاله ان البواجي تغير عند المئة الف وزيت الجير بوكس حسب لزوجته
اما زيت الدفرنس وقير الدبل ماغيرتهن الى الان ولا ادري الوكاله بيغيرونها والا لا وعلى فكره موتري اوتو

ياجماعة الخير تذكرون قبل كم يوم سئلت عن الازره تبع المسجل
المهم محد عبرنا
عاد حصلت رابط http://www.nissanonlineparts.com/storename/cherryhillnissan/dept/250382/ItemDetail-10638528.aspx
ازرة مسجل وكذالك مثبت ولافضل من كذا ان الازره منوره زي منتم شايفين في الصوره
وراح اطلبها وخلال 15 يوم تكون عندي وخلي حق الوكاله يخيس عندهم قال 60 يوم خير ان شالله

^^^^^^^^^^^^^^^^
وصل الرقم الله يبقيك
واليوم ان شاء الله بدق عليك في الليل بس قاعد اقلبها في راسي وش اطلب وش اخلي
وبيض الله وجهك يالذيب

والله انا الى طلبت اماميه والخلفيه اتوقع مافي فائده واذا تبي نطلبلك مافي مانع
وارسلت الرقم على الخاص تحت امرك حبيب البي

السلام عليكم كيفكم وكيف الرابطة معاكم
حبيت اسالكم سيارتي موديل 2008 وماشية للحين 82 الف ووديتها مرة وحده للصيانة يوم كانت ماشية 60 الف وماغيرت زيت الجيربوكس ولا الدفرنس
هل لازم اغيرها الحين ؟ ووش افضل زيت لهم ؟
وبالنسبة للبواجي برضوا ماغيرتها ...؟
وبس