مقهى ملاك نيسان إكستيرا

اخوي الولهان أحسك متوهك في الـ FJ
قاعد بس تحط على الأكستيرا
وتبي الشباب يتوهقون في الـ FJ
بس انت ماعرضت مشكال الـ FJ

وهذي بعض المشاكل من ملاك الـ FJ وفي النت

1/ انا سيارتي ستاندر ماعليها زوائد ولو التركشن مشكله كان ما حطوه في ٢٠٠٩
ومع ذالك خرب الجير

2/ فيه عيب أزلي وهو زاويا الرؤية ضعيفة

3/ المقاعد الخلفيه ضيقه

4/ الزجاجة الأمامية ليست إنسيابية

5/ المشكله في 2009 كذالك أنا اعرف واحد في الوكاله يقولي دايم مشاكل بخصوص الجير وسالته حتي2009 قالي (ايه)
والله انا خايف اذا ريوست حوالي 5 امتار فيه طقه تطلع (الله يستر)

وغيرها من المشاكل
اخوي الولهان انا مو قاعد اعيب بالسياره
بس انا حبيت اوضحلك ان كل السيارت فيها مشكال

وهذي من وجهة نظري للـ FJ
الصراحه الـ FJ هو حق سنه بالكثير
وبعدين ينمل منه واكبر دليل كثره عرضه بالمعارض والنت
و 90 بالميه اشوفه مع صغار في السن
وقياده غير مناسبه من شخص جربه يقول ماتشوف زين من سبب البوصله(وشكلها مره مو زين)
ويوجد يالجير طقه والوكاله تقول طبيعي
والداخليه غير متناسقه ابدا
والسعر مبالغ فيه جدا وعموما اسعار التويوتا مبالغ فيه دائما

وفي الأول والأخير كل واحد وله ذوقه

وسلامتكم جميعاً

خذها قاعدة في الحياة...

لا تثق في كلام مندوب مبيعات...لسببين:
1- ممكن يكذب عليك عشان يبيع لك السيارة .
2- لا يفقه كثيرا مما يقول.

طبعا إلا ما رحم ربي...

الاكستيرا 2008 شفته في معرض لنيسان امس فل كامل اعتقد انها اخر الدفعة..

اقوله بكم هذا الاكستيرا ؟ يقول 95 الف...وأسأله عن 2009 سياحي عايدي ...يقولي 95 ألف..!

بس عندي سؤال بسيط..؟ وش تفوق فيه الاكستيرا على المنافسين؟:c0214:

والله غريبه سالفة ديل الاكستيرا يفصل مع ان السياره لها معي اكثر من سنه ولا اذكر يوم فصل معي ولله الحمد الشي الثاني بالاكستيرا اذا نسمت الى 10 تقريبا تقدر تطاعس بدون دبل ولافيه احلا من المنوفر عليه واذا منت منسم كله دبل خفيف و d2 وتنتهي السالفه
اما بخصوص القدره الحصانيه فهي 291 احصان اجمالي اما الصافي فهو 270 احصان حسب كتلوج السياره
اما موديلات 2008 كلها مخلصه لا اكستيرا ولا غيره حسب كلام مدير المبيعات
وبالاخير ترى السيارة تفوقت على كثير من السيارات المنافسه صحيح انها خاليه من الانضمه لكن الدبل نفسه ماتغير يعني دبل الاكستيرا الامريكي نفسه دبل الخليجي ولوكان يفصل كان فصل في التجربه القاسيه التي خاضها وحصد فيها جائزة افضل سياره دفع رباعي عام 2007
انا لست محامي لشركة نيسان لكن يجب اعطاء كل حق حقه بعيد عن الاهواء والتعصبات
انا كل يوم كشته اوتطعيس يزداد اعجابي بهذي السياره
تحياتي

على فكره يابو صقيه

وين التقرير؟؟

هههههههه


ياخي نتناااقش مافي مشاكل


<===ابو سعد سحب علي وتركني مع اثنين!! يقوولك الشجاعه تغلب الكثره صح؟

يعطيكم العافيه

^^^

مشاء الله عليك ..

ذاكرتك قوية ..

وخلوكم حبايب أحسن لكم ..

ترى القبر قدامك والمدري وش وراك ..

0000000000000000000000 السلام عليكم 00000000000000000
نفس ما قال أخوي ابن صقيه يالله تعوذوا من الشيطان وخلوكم حبايب ..



يعطيكم العاااااااااااااااااااافية


شكرااااااااااااااااااااااااااااااااااااااااااااااااااااااااااااااا:ch19:

^^^^^^^^^^^^^^^^^^^^^^^^^^^
طيب لو انقلع عمو د الدبل وارتفعت حرارته وخرب علي الدفرنس ؟؟؟!!!!!!!!!!!!!!!!!!!!1

يا خي لو انقلع الفرار دور لك على أقرب زرادية وبا سمك يا كريم.....

ولا انزل تحت السيارة وعشقه.



__________________________
الولهان يبي له قبصة مع اذنه.

^^^^


طيب لو انكسر الفرار نفسه!؟

اسمحلي أقول لك يابو سعد انك غلطان في حكاية الدبل الكهرب
في سيارات نيسان وايسوزو الدبل الكهرب في الموديلات الجديدة هو نفس تصميم القير القديم اللي بعصا

ولكن!!!!

هالمرة هم حاطين لك ( SOLONIED MOTOR ) دينمو صغير بذراع يعشق لك الدبل
يعني فرار التشغيل الداخلي يشغل الدينمو اللي بالتالي يعشق لك قير الدبل وبإمكانك تشوف دينموا الدبل فوق عرموطة عمود الكردان في اخر القير من فوق ولونه أسود
يعني علشان يستغلون المساحة اللي ياخذها عصا قير الدبل داخل المقصورة
ولا يوجد له أعطال تذكر

أما بالنسبة للأمريكي فالتصميم يوجد فيه حساسات وتوصيلات وشغلات كثيره تخلية يعطل باستمرار
وهو مختلف تماما عن الياباني

أرجو ان الصورة تكون وضحت

1- المكيف مايحتاج تبريد وقوة دفع وبال 2009 يوجد فتحات للمكيف للراكب الخلفي
2- أوتو ماعندك مشكلة
3- أفضل لون هو الصخري أو الفضي لسهولة تنظيفه اللي معاي أسود كل شي يبين فيه
4- لا يوجد هناك فرق جوهري غير فتحة المكيف للراكب الخلفي وتصميم الواجهه فقط

تحياتي لك
أبو فهد

اسف ياشباب :) الاكستيرا لا مدينه ولا بر.....
والملاحظ دايما الواحد لاطلع البر يحتاج الدف لوك والتراكشن داااااااااااااااايم
يعني لاحد يشري اكستيرا لان مافي تراكشن ودف لوك ترا مايمشي في البر ابد.....
لا ودبل كهرب يعني تمشي نص ساعه في الرمل لحاله يقلب ريوس لانه ارتفعت حرارته خخخخخخخ:)

ترا امزح بس كانكم معطين الدف لوك والتراكشن اهمية كبيرة رغم اننا مانحتاجها في الطعوس؟؟؟
لا والي عندهم تراكشن يفصلونه عشان ياخذون راحتهم صح؟؟؟؟
انا ماقول السياره بدون تراكشن ودف لوك احسن لا اقول انتم معطينه اكبر من حقه....
والي يقول السست احسن لانها تتحمل اكثر نفس الشي كاننا شارين سياراتنا عشان نحمل كل يوم
فيها 500كيلو......

انت تفضل الدبل العادي عشانه ما يفصل عليك ويوهقك بينما انا افضل بالنسبة لي الدبل الكهرب لان استخدامي للدبل ما يستاهل كل هالقوة .. واذا كان استخدامك قاسي والدبل عندك عادي وارتفعت الحرارة وانتبهت يمكن يروح عليك الدفرنس. عشان كذا ميزة الكهربائي يفصل ويحميك من هالمشكلة معليش اغرز بس ما يروح الدبل علي. وادفع اللي وراي وقدامي عشان اصلحة. وكلن له رائية.

بقوووووووووه تراهم مايرحمون:c0038:


سلااااااااااااااااام







والله بقوولك الي اعرفه
الدبل العادي (القير ) افضل في كل الظرووف لانه بعد الله مستحيل ينكبك يعني من اندر النواادر انه مايشبك

عكس الكهرب ممكن ينكبك في مكان لاتحسدعليه

شي ثااني

في النفود والتطعيس اغلب السيارات (حتى الياباني ) ترتفع حرارته شي بسيط جدا ( عكس الامريكي ) فاذا كان الدبل كهرب اول ماترتفع الحراره حتى لو شعره بيفصل عليك الدبل ...


وهذاا كلام كثير من ملاك الاكس تيرا ..في منتدى مكشات



(((((وعلى فكرة ترى اذا استخدمت الدبل بشكل قوي وارتفعت حرارة الموتر ولو بشكل بسيط ترى الدبل يفصل وصارت معي وقالولي الوكالة عاااادي
انا اقول للحبايب شرواكم هذي معاناتي واللي يبغى يشتري يفكر شوي
لايستعجل وآسف على الاطالة)))))


وثااني

اممممم
هذي قد تكون لأن الدبل كهرب
فيكون مرتبط بكمبيوتر السيارة
الي بدوره يقرر فصل الدبل في حال ارتفاع حرارة السيارة
ليخفض الحرارة


وثالث شي

في السحب الدبل ( القير ) افضل من الكهرب لان دايم مع السحب ترتفع الحرااره شي بسيط جدا

وهذا واحد معه اكستيرا
اما بالنسبة للدبل يفصل اذا ارتفعت الحرارة
فقد صارت معي شخصيا وتحديدا في الطين وانا احاول اطلع واحد مغرز
ولما سأت الوكالة قالي مهندس سعودي ترى الدبل الكهرب كذا اذا ارتفعت الحرارة
والمقصود مهوب الحرارة ترتفع مرة ولكن شي بسيط ناتج عن الحمل الزائد في السحب
وقالي بعد اذا ماتبغى هذا الشي يتكرر عليك بالدبل العصى


اتمنى اني افدتك وان شاء الله الاخوان مايقصروون:xyxwave:

الدبل الكهرب له مزايا وعيوب نفس الدبل العادي .. باذكر اللي اعرفه واترك الباقي على الشباب

الدبل الكهرب ميزته اذا ارتفعت الحراره يفصل اتوماتيك. وعيبة انه كهربائي مب مكانيكي يعني اي مشكلة بالكهرب يخرب وما يشبك معك الدبل.

العادي: ميزته لا يمكن يعلق معك .. عيبه اذا ارتفعت الحراره وهو شغال يمكن يروح عليك.

بشكل عام الدبل العادي افضل وحط عينك على الحرارة وانتبه

اتمنى وصلت المعلومة

^^^^^

لا تعليق صح عليك يا الولهان .. اقول ورا ما نهج من هنا لا ننجلد

اي افضل سياره بر الله يرحم والديك


يكفيك دبل كهرب - بدون دف لوك -بدون تراكشن كنترول- بس قير ودبل وسلامتك!!

:ch19:



بعكس الاف جي والهمر .. :xyxthumbs: :xyxthumbs: :xyxthumbs: :xyxthumbs: :xyxthumbs:

بو خزيم هد اللعب يبو تقول افضل سيارة للبر .. كنها كبيرة شوي <<<<< بينجلد

لو فيها انظمة دفع رباعي انا اشهد انها بتكون افضل سيارة وهذا ما ينقصها .. تراكشن او دف لوك.
انا اتفق مع بن صقيه الباث افضل له بحكم ان الرجال مب راعي بر.
وسلامتكم .. لا تعصبون تكفون ..