لكل من معه كابرس تحت الــ90

حياك الله اخوي

انا اخابر ان الكابرس بعد 93 مكينة 350
ومن ناحية القير احتمال كبير انه 700

اترك الباقي للاخرين

الى ALMR3B79
طيب لاحظت بعد تغيير الطرمبة فرق في العزم؟؟
ومافهمت من كلامك(((وبعد فترة بسيطة خذ الكلام بيروح القير اترك القير الي اخر نفس وهذي نصيحة))
[COLOR=Black]

وحياك الله اخوي
[/COLOR]

الأخ الأخ عاشق المدمر والقانوص و المرعب ولا يهونون الباقين

ماشاءالله تبارك الرحمن عليكم والله اني استفت من مناقشتكم

انا عندي كابرس 93 الغانم LS فاكينه من الوكاله أعتقد حجم المكينه 305 ولكن القير مادري ياليت تفيدوني شنو مواصفاته

وسامحوني على المداخله

الله جابكم
يالقانوص وامير البحار

تراي ارسلتكم على الخاص

تسلم اخي القانوص هدا واجبنه نفيد الجميع

اخي عاشق المدمر
يشرفني الرد على اسئلتك لتعم الفائدة للجميع انشاء الله
اولا: الحرارة بالنسبة لسيارتك.
- اذا الحرارة بالوقوف فقط ركب مروحةكهربائية امام راديتر المكيف اي بالخارج.
-اذا الحرارة دائمة انصحك تنظف سلندر المكينة(مجرى الماء) بمكائن خاصة موجود عند بعض محلات الراديترات بمواد تنظيف خاصة له (عند التنظيف سوف تلاحظ خروج تراب اسود وصدأ).
ثانيا:الصوت العالي هو صوت المروحة وهذا طبيعي تشبك وتفصل مع الحرارة.
ثالثا:عداد البنزين يلعب .
- اذا يلعب عند اللف والدوران والتانكي فيه الربع هذا طبيعي بالشفر. (نصيحه لا تخليه عداد البنزين يزل عن النصف لان تانكي الشفر اذا كان فيه النصف معناته فيه الثلث وهوغير دقيق) بالعربي قسم التانكي الى ثلاث اثلاث من فوق الفل الى الفل هذا ثلث/من الفل الى النص هذا ثلث/ من النص الى الصفر هذا ثلث.
رابعا: التقطيع وعدم الاشتغال.
احتمال ان التانكي يكون فاضي والطرمبة ما تسحب بنزين.
خامسا:التشغيل.
احتمال انك دقة سلف على طول ما تعطيه وقت بعد تشغيل الكهرباء للطرمبة انها تضخ بنزين للبخاخات.
صوت الماكينه عالي عند التشغيل هذا طبيعي لان الجوك (الشفاط) شغال ويختلف فترة التشغيل على حسب درجة حرارة الجو طبعا بالبرود يطول على ما ينزل الصوت.
ويختلف الجوك من سيارة الى سيارةحسب العيار .
واذا طول بالتشغيل بعدكل الا فات اوزن الديلكو.
سادسا: الدفرنس.
-اذا كانت السيارة باردة وفيه فضاوه راح تسمع دقة قوية لان ماكينةالسيارة صوتها مرتفع وهي باردة (هذا احتمال)
- الدفرنس الى في سيارة فيه فضاوة بحكم ان السيارة كبيرة بالعمر اما التشحيم لا تشحم المصلبات الا اذا ركب مصلبات فيها اماكن تشحيم.
زيت الدفرنش لا يغير طالما انه لم يفك ويصلح ولكن يزاد اذا نقص وفيه احتمال قوي جدا اذا بدل تظهر فيه ونه(صوت).
ومثل ما قال اخونا امير البحار
وتقبل مني التحية
اخوك القانوص

اخي عاشق المدمر الصليب يوجد في نوعين انوع الاول وهو شد بلد مايتشحم الى ادا فكيته ونوع الثاني المريكي يتشحم بكل سهو عن طريق كيب اما الدقه في الدفرنش فاتوقع عندك فضاوه في الروس الفرقيه او فضاوه في العكوس ولاكن اقرب شي وهي فصاوه في الروس لان عندي كابرس هم نفس الشي في دقه ادا عشقت ولاكن نصيحه وهي انك لاتصلح الى ادا خترب لان يكلف واجد او تركب تفرنش مسخدم تقريبن اساعرهم 500او400في هداي الحدود اما زيت الدفرنش يغير ولاكن بعد فتر طويه لان زت ثقيل واما ادا كان يوجد فيه نقص فل افصل انك تزيده لاكن لاينقص ابدن اما ادا فيه مشكله فينقص




تحياتي

هلا واالله
ماشاء الله عليك اخوي
معلوماتك كبيرة
((عشان كذا ابسال اسئله من زمان ببالي))
اول شي الحرارة موتري ياصل فبل النص بحبة عند الوقوف
وبعض الاحيان تسمع صوت المروحه عالي من بكرة يروح الصوت((يعني بعض الاحيان يشبك وبعض لأ))
ثانيا وهذا اللي قاهرني اذا صار عداد البنزين على الربع يبدا يلعب؟؟
وايضا يبدا الموتر يقطع وبعض الاحيان يطفا وتشغيلته تصير صعبه
لكن اذا عبيت بنزين تروح كل الاشياء هذي واعتقد انها طرمبة البنزين؟؟صح والا لأ
حتى انها فيها صوت خفيف زززييييييييييي
ثالثا تشغيلت ال90 اصعب من 89 ال89 دقة سلف خفيفة بس
اما ال90 يبغاله 4 ثواني وغير هذا صوت التشغيلة عالي بعكس ال89
رابعا اذا حطيت القير على الDفيها طقه قويه في الدفرنس هذا اذا كانت باردة
اما اذا كانت حارة تصير الطقة خفيفة؟؟؟؟
وهل زيت الدفرنس يغيير او يزود وهل الصليب يشحم او لأ؟؟

هذا جزء صغير من الاسئلة اللي عندي
واذا ماكان عندك مانع تجاوبها ؟؟؟
اسف على ازعاجك اخوي

الى الاخ عاشق المدمر
بعد التحية
لا وانا اخوك ما في اسلوب دفش بالعكس نحن هنا لتبادل الاراء والمعرفة
الغانم لم ينزل كابريس 350 في موديلات 89/90 هذا الي انا اعرفه
والماكينة ما تنعرف من غطاء الراس او صوت الشكمان(اكزوز)
اما بالنسبة للشفر يتغير نعم ماكينة 87/ 350اضخم من ماكينة 88 ولكن الحجم واحد مع اختلاف قوة الاحصنة وهناك اختلافات داخل غطاء الماكينة ( الكبوت)كثير مثل جهاز التلوث نزل على 88 ولكن لم ينزل على 87 وغطاء الكاربيتر فى 88 اصغر من 87 وهناك اشياء كثير ولكن الجير واحد لا يتغير فى الموديلات المذكورة وهي 86/87/88/89/90 (جير 200 لماكينة 305/جير 700لماكينة350)
بالنسبة لسوبربان من 1991 الى1999 سواء جمس او شفر نزلت مكائن 454/350 ولكن الجير واحد وهو 900.
بالنسبة للكابريس 89/90 اذا كان الحرف E يعني 305 اما اذا كان 7 يعني 350
ونزلت كوابرس 90 350 استعمال شرطة امريكا (تنباع على انها تجاري)
خبرتي اكثر من 25 سنة ولله الحمد
اما بالنسبة للطرمبة هل تقصد:
طرمبة البنزين وهي نوعان كهربائية للبخاخ وميكانيكية للكاربريتر.
طرمبة الماء
طرمبة البور (السكان/التركسيون)
جميعها تخرب (تتصلح او تبدل)
والله اعلم
اخوك القانوص

هلا اخوي
شف اخوي انا معي كابرستين ال90 مكينته 350 و89 مكينته 305
الفرق واضح اولا غطاء البلوف ثانيا راس المكينة ثالثا صوت الشكمان
ال90 صوتها اقوى واطرب
بعدين الي انا سامع ان ال90 اغلبه جاء 350 وانا اعرف اثنين معهم مثلي مكينة 350
وانا قبل فترة رحت اصلح وجه القزوز وسالت السوري((والسواريا يعرفون للكابرس اكثر من غيرهم))
عن مكينتها قال 350 وجاء بعضهن 305 لكن قليل جدا
وقالي ان الشفر خاصتا محد يعرفه ابد لانه كل دفعه يتغير فيه شي معين ((إما القير او المكينة او الدفرنس) ويقول انه شاف كابرس بوليسي بالتشليح موديل 90 المكينة حقت كادلاك والقير 400
والدفرنس غريب اول مره يشوفه وكبريتر حق 454 معدل
وانا معي كتلوج السيارة مكتوب اذا كان الرقم الثاني حرفEمكينة 350 5 لتر
اما اذا كان رقم (4)مكينة 305 5لتر واذا كان رقم (7)مكينة 350 5.7 لتروهذا النوع مالقيته ابد في التشاليح
وال89 اللي معي بطاريته قدام السايق اما 90 امام السواق!!!
جاك في الكابرس تسمى ((كابرس بونتياك)) انا شايفها في معارض النسيم على الشبك مكتوت بو نتو ياك
بدل شفروليه وعلى اللي فوق الدرج ايضا كيف هذا؟؟ اقسم بالله لحسه هالشفر
واعرف واحد راعي ترهيم وتعديل سالته ليش الشفر كذا ما ينعرف واستغرب وقالي وش عرفك؟؟
يعني هو يدري ان الشفر كذا
ولد عمتي معه صالون جمس موديل 91 مكينة 454 وعند جيرانهم صالون لكن شفر مكينته 350 كيف هذا؟؟
اخوي ما شاء الله عليك على المعلومات لكن ماتشمل الكل فيه البعض غير
واحد في المنتدى اسمه الجهراو معه كابرس وحرفه Eويقول مكينتي 305 والرجال متاكد
بالعربي شفروليه نفسية اي شي بغاه حطه


وانا ماعرفت المكان بالضبط اللي عند الرفرف؟؟
وموتري حلابات (بخاخات) شاريها من واحد ثقه (الواحد هذا شاريها من واحد بالكويت وكاله)
يعني انا الثالث
اسف اذا كان اسلوبي جفس شوي لكن هذي طبيعتي
ارجوا انك ترد لي
ومادامك عارف بالكوابرس عندي سوال هل طرمبة الكابرس تخرب والا لأ؟؟

عندك سيارتك رجعن للثالث

ومافيها إلا العافيه وترى السرعه مافيها فود وهذي السرعه آخر ماتجيبه المكينه
وسلامتك لأخوانك وأهلك

الي انا اعرفه ان الغانم ما نزل ماكينه 350 الا على موديل 1987و1988 فقط وهي كاربريتر وعلى الرفرف الامامي علامه 350cid اماموديل 1989و 1990 نزل 305 بخاخ جير 200 اما موديل 1986 نزل 305 كاربريتر وموديل 1985 وتحت 350 وجير 350 ونزل 305 وفي بعض الموديلات تنزل مكاين 350 وجير 403 وخصوصا بالسوبربانات والاولزمبيل. هذا الي انا اعرفه والله اعلم
سؤال هل سيارتك بخاخ ام كاربريتر.وهل انت شاريها من الوكالة اومستعمله.
فيه بعض الشباب يعرف حجم ماكينة السيارة من رقم الشاصي.

ومن ناحية الموتر
جير ومكينة وكالة
وما وضب ابد
على فكرة تراه وارد الغانم من الكويت والى الان عليه الستكر عليه

ايوه والله انك جبتها
على كلام المهندس قالي قيرك كهرباء
قلتله 700 او ايش؟؟
قال هذا القير حق سرعة
عاد انا مافهمته
والله العالم انه 200 وانا مب متاكد الى الان
لكن مكينة موتري 350 وانا متاكد

الىالاخ عاشق المدمر السلام وعليكم ورحمة الله وبركاته
يا ليت تتاكدلي هل جير سيارتك كهرباء ام عادي وكم حجمه اذاكان كهرباء 200 او 700 علما بان ماكينه 350 تاتي بجير 700 وماكينه 305 تاتي بجير 200 طبعا من موديل 1986 وان طالع. اما اذا سيارتك مبدلين الجير ومخلينه عادي (ليست كهربائي) اي من موديل 1985 وتحت وهو ثلاث غيار فان هذا ياخذ ضغطه من الكاربريتر اي كلما دعس طال نسم الجير .
(انا اعتقد بان الجير الي بسيارتك ليست لها) والله اعلم
وتقبل تحياتي
اخوك القانوص

طيب ياالقانوص
لو اقولك ان اليوم دعست كل الدعسة
وانا واقف
بالاول 70
والثاني وصل 160 وتوحشت ورفعت رجلي شوي وعشق للثالث
وانت تقول مستحيل يرد للثاني وهو على 100
كيف هذا؟؟؟


وانا لاحظت ان الكثيرين مافهمون
المعروف ان السيارات الاوتومتكية اذا دعست كل الدوسه او نصها يرد نمره
وهذا اللي حصل معي كان بالثالث ودعست كل الدوسه ورد للثاني وتباطى الموتر وحنت المكينة
رفعت رجلي شوي وعشق للثالث وصار الموتر اسرع من الثاني


ارجوا انكم فهمتوا

والله اعلم
انت رفعت رجلك من دعسة البنزين....وبعدها دعست مره ثانيه
وهذا الشي طبيعي
والسؤال هنا هل حدث هذا الشيء معك مرارا وتكرارا...فاذا لم يحدث فأعقلها وتوكل

صعبة على سرعة 180 ويرجع للثاني. انا اعتقد بانه كان بالرابع ورجع للثالث.
لانه لو رجع للثاني سوف تندفع انت للامام بقوة واحتمال بان الصبابات حقت راس المكينه تتاثر او تنطعج.
علما بان عندي كابرس 1987 ماكينة 350 جير 700 استعمالي انا فقط من طلع من الوكاله يستحيل يرجع للثاني بعد ال100 كلم ويجيب فوق 200 بالثالث لانه طالما انت داعس بنزين على الاخرما يريح بالرابع .