السلام عليكم ورحمة الله وبركاته
طبعاً العنوان واضح وكل من دخل على الموضوع يتسائل ليش الحذر من هذه الورشة موجودة بالصناعية القديمة
طبعا احذر منها لاني تعاملت معاها لفترة قرابة سنة وليس فقط الحذر منها بل من كل مركز مثلها لاتغتروا بالمراكز والورش الكبيرة ياشباب السعوديه بالذات اذا ماسكينها ( لبنانيين )>>> ايه حياتي اي عيوني تكرم عينك<<< ويعطونا من هالرخيص
الذي حصل ياشباب انهم تسببوا في خراب القير عندي بسبب قطع غيارهم
التجارية وينصبون على الناس ويقولون امريكيه اصليه ( المشكلة ان القطع من الوكالة افضل وارخص من عندهم يعني ممكن يزيدون 200-300 ريال بالراحة عن سعر الوكالة )
----عرفت هذا بعدين بعد مارحت اجيب قطع من الوكالة اخر مرة----
قلت حلوووووووووو
لانك اذا اشتريت القطع من برا اخذوا عليك 20% من قيمتها
تغير الفلتر مع الزيت للقير (300) ريال ولو تحب راسه مانزل ولا ريال بينما لو جبت القطع من الوكالة و غيرتهاا باي ورشة ماراح اتكلف الا 220 الى 250 ريال بالكثيررررر
انا اغير زيت القير والفلتر عندهم لانهم مركز كبير والضمان عندهم ومعطين نفسهم ثقه في غير محلها بالاضافة الى النصب في الاسعار
المهم ان غيار الزيت وفلتر القير من عندهم غيرتها مرتين واحس القير يبطي يلقم بالريوس رحت لهم قالوا عادي حساس وهذا بكل السيارات
غيرت الزيت بعد 30 الف مشى كويس فترة بسيطة ثم ثقل القير ويطلع صوت كل ماله يزيد رحت لهم وانا ما كملت 10.000 كم تخيلوا ياشباب قالوا لازم نغير الزيت واذا ماراح الصوت المشكله في الفلتر قلت غير فك الفلتر قال فيه وسخ (10.000)كم بس:a120(55): بعد ماغيرته طلعت من الورشة واتفاجأ بفضاوة بالقير
رجعت له على طول قال القير يبيله توضيب تعال بعد ين قلت طيب
طلعت والقير يالله يلقم بعدما اعشق ادوس ابنص كثييرر قلت خلني اشيك عند احد ثاني اثق فيه
لأن مو معقوله القير خرب فجأة بعد ماغيرت الزيت بدقايق
وديتها بعد ايام لمركز ثاني (سبحان الله) فك القير وشيك عليه قال الطرمبه خربت بسبب الفلتر تجاري وفيه عفطه ماوصل زيت احترقت الطرمبه وخربت وخرب الترس
تكلفت حول 900 ريال تغيرات زيتبس بسببهم ولسا باقي قيمة الطرمبه والترس وزيت مرة رابعه والمشكله اصلن من عندهم بسبب قطعهم الي زي وجيههم تجارية وغير جيده
حبيت احذذذذذذذذذذذذذذذذركم من تشالنجر والي عنده بعد مراكز او ورش يحذر منها عشان نستفيد
وياليت تنشرونها
سامحوني طولت عليكم
