السلام عليكم ورحمة الله وبركاته
كيف حالكم انشاءالله طيبين
ندخل بالموضوع على طول
مع التطور الهائل اللي صاير على السيارات الجديده من ادخال انظمة الكهرباء والالكترونيات ( على بالهم ريحونا ) صار الواحد يحتار اذا تعطلت سيارته لا سمح الله لأن معظم الافندية الميكانيكيين متعودين على سيارات الثمانينات وجزء من التسعينات اللي كانت تجي بسيطة وغيرمعقده ( اذا فتحت الكبوت كل شي واضح مافي الامكينه وكمبروسر وجير بوكس ولديتر )
والمصيبه اذا جبتله سياره من الجديده ما يختصرها ويقول ما اعرف لازم يفتي كم فتوه وطبعا كله على سيارتك وجيبك هو مو خسران
انا عندي سيارة نيسان التيما 2006 وطبعا السياره من ناحية الجير بوكس والمكينه ماشاءالله لكن من ناحية عضلات لك عليها شوي ( تتخلخل بسرعه ) وحنا بجدة وزارة النقل والمواصلات ومناقصات السفلته انواع الغش الله لا يوفق كل غشاش ومرتشي.
ما نطول عليكم اللي يعرف ورشة تربيط وا كهرباء او ميكانيكا يدلنا الله يجزاه خير
لأن يوم تتعطل السياره صرت امر كذا ورشه وكل واحد يقول كلام والوكاله ماترحم
أرجو من الاعضاء التفاعل اللي عنده الخبره ولأي مدينه بالمملكه
ولكم جزيل الشكر
