استفسار الله يخليكم عن العكوس التجارية

a_alsaeed @user_40691 · 27-09-2008

أخواني السلام عليكم ورحمة الله وبركاته,,

ياريت إذا في أحد جرب العكوس التجارية من مركز العكوس اللي في الدمام شارع الملك سعود

أنا قبل فترة كان في سيارتي ((ميتسوبيشي ماجنا 2004 النوع الرياضي)) وعجزت رصصت كفرات وزنت أذرعه كل شي وآخرها طلعت السالفة من العكس القاعده حق العكس يبيلها تغيير وسألت عن الأصلي طلع بـ 1100 ريال بعد الخصم :a120(89): لكن رحت إلى مركز العكوس وقالوا لي بـ 230 ريال ونوعه تجاري..

سؤالي هل أحد جرب هالعكوس التجارية ومدى فعاليتها وجودتها..؟؟

المكس الضبابي @user_69291 · 27-09-2008

اخوي ترى سعرها بالتلشيح رخيص جدا ... تآخذها بأقل من التجاريه .... انا اخذت حقت المكسيما بـ 50 ريال من التشليح ..

حوشان @user_118053 · 27-09-2008

من ناحية انها تتحملك شهر او اكثر

ان شاء الله اكثر .. انت واستخدامك للسياره

تاكل مطبات على سرعه ،، ارصفه ، وماشابه

ان شاء الله تصبر لين يطلع الراتب ماعندك مشاكل .. واذا ماواجهت مشاكل منها

انصحك تخليها لين تخرب وتركب الاصليه ،، لأنها 230 ريال .. حللها :D

تحياتي

أبـــوبـــدران @user_19528 · 27-09-2008

القطع الميكانيكيه دائمآ حاول ان تبحث عن الأصلي ! .

الخوف من ان التجاري تغيره في السنه مرتين بينمـا الأصلي جالس معك لمدة 3 سنوات واكثر

يعني التجاري بيكلفك اكثر

:)

a_alsaeed @user_40691 صاحب الموضوع · 27-09-2008

إي يا اخواني القاعده اللي تمسك راس العكس

المشكله إني طالع الإمارات مع العائلة والأولاد ولا فيه وقت إني أدور التشاليح خصوصاً إن مشيتي بعد بكره إن شاء الله.. وبالنسبة للقطعة أنا بإذن الله بعد ما أرجع راح أركب أصليه من الوكالة مع راتب الشهر الجاي ومثل ماتعرفون العيد ومصاريفه ..

فأنا بغيت أتأكد هل التجارية يمشي حالها وتتحمل شهر زمان معاي؟؟

المكس الضبابي @user_69291 · 27-09-2008

تقصد القاعده الى تمسك راس العكس ؟؟

اذا هي ما فيه مشكله تجاريه لكن احتمال تنكسر وترج مره ثانيه ... والافضل تدور في التشليح

بويل @user_36448 · 27-09-2008

اقلك ليش ما تشووف التشليح ترى في عكوس نضيفه واسعارها حلووه

بس لازم تاخذ مهندس معاااااك

وبالتوفيق لك