احترام الاندكروزر

الدعوة فيها إن ولا وشلون الدعوة حجز وإزعاج ومبيعات اللاندكروزر قبل 2008 أكثر من الان ووقتها السيارة متوفرة بكثرة في المعارض والشوارع مليانه منها . وصراحة أحس انها إهانة أنك تتطلبهم شهور تقول بيعطونك منحة مهوب تقول شاري السياره بفلوسك مدري وش الي غير تويوتا وصارت تدحدر في كل شي من جودة سيارات وخدمة ما بعد البيع وأسعار قطع الغيار بعد ما كانت تصعد طبعا وكلاء وشركات السيارات الثانين مو مدحدرين إلا طايحين من زمااااان وتويوتا تدحدر وراهم الحين :a120(37):

الله يجيب اليوم اللي نصنع فيه سياراتنا في بلدنا ونفتك من سياراتهم

تابع...

وهاذي أفضل دينا أو عربجية في العالم علشان الأمم المتحدة تستخدمها ؟؟؟!!







إذا كان القياس هيئة الأمم المتحدة وطالبان وأفريقيا فكل السيارات سيم سيم

ابو هذال اللاندكروزر بجميع فئاته منتشر بامريكا الجنوبيه ولك في اليوتيوب اكبر دليل

ايضا لا ننسى انه اللاندكروزر منتشر بروسيا وهي الهدف القادم لتويوتا هناك

وفتحت اكثر من ثلاث مصانع بروسيا بسبب الطلب الزايد على سيارات تويوتا وبالذات الدفع الرباعي


بالنسبه للامريكي
ربعي معهم جموس فيهم اللي يمدح وفيهم اللي يذم بخصوص الحراره

لكن للامانه الموديلات الاخيره خصوصا الجموس واليوكن والتاهو الحراره نادرا ماترتفع الا اذا فيه خراب لكن المكيف مع الوقفه يصير سواليف وهذي مشكلة الامريكي لكن بالخط يصير ثلج ماشاء الله





اعجنبي هالسطر فعلا مهما كانت السياره فيها بركه راح تستمر معك

لكن يابو سعديه يظل اللاندكروزر الافضل والاقل اعطالا والواقع يقول كذا ماجبنا شي من عندنا

تابع ...

وهاذي أنواع وأشكال من سيارات الأمم المتحدة ما جت على التويوتا بس






وهاذي حراسة للأمم المتحدة

تحياتي أخوي عمر ولجميع الأخوان

بالنسبة للي صار على جسر الملك فهد الأمر عادي جدا جدا وياما شفنا أنواع واشكال من السيارات فاتحة كبوتها على الخطوط السريعة ومن ضمنها اللاندكروزر علشان تبرد المكينة ... وأنت ما شاء عليك على طول حسبتها 90 % يعني الناس بحالة وأنت قاعد تحسب ... على هاذي الحسبة 10 % مهوب أمريكي,,,,,,, الأمر بسيط لأنه 90% سيارات أمريكية و10% موزعة على غير الأمريكي يعني كلهم فاتحيين كبابيتها :e058:

وبالنسبة إنك تقيس على الأمم المتحدة وأنا أشوفك تكرر الكلام في أكثر من مشاركة وكأن الأمم المتحدة ما تستخدم إلا تويوتا ... سيارات الأمم المتحدة أشكال وأنواع ماجت على التويوتا بس .. وبعدين الشركات هي اللي تهدي على هيئة الأمم المتحدة ... وبالنسبة لطالبان وأفريقيا يا أخي هم يستخدمون اللي يتوفر عندهم مهما كانت السيارة

يعني هذا أحسن دبابات في العالم ؟؟!! شكلكم تبون تقلبون الموضوع سياسة ؟؟!!:emot96:



ركز زين في السيارة الخلفية وش ماركتها ركز على شبك السيارة



وهاذي سيارات جنود أفغان




وهذا بوش ومعه بوتين قتلة المسلمين عليهم من الله ما يستحقون راكبين سيارة من سيارة فورد خلاص نقول عنها أفضل سيارة في العالم

يااخواني انا الجديد ماجربته اما القديم فتحس ان فيه ثقل بالقومه والعزم ايضا موذاك الزود اضافه الى سعره الغالي اما الصبرففعلا سيارة كرف ومكده كمثيلاتها من السيارات اليابانيه
وعندنا بالوزاره 2002 جي اكس وكل يسوقه والى الان ماطلب شي غير الاغراض الاستهلاكيه وياقف اوقات طويله والمكيف شغال ومع ذلك يقول هل من مزيد

ستعملنا الاندكروزر سنين سيارة ماعليها كلام ولكن الان اتت سيارات تظاهيها بالجودة مثل اليوكن والتاهو ... اعرف واحد اشترى يوكن موديل 2006 بمبلغ وقدره 96000ريال وكان عليه تصفيه من الشركة وكان دفع رباعي المهم باعه قبل شهر 94000ريال يدل ان الصوره تغيرت عن اول كان الامريكي مايمسك سعره ام الان تغير الوضع اغلب الناس الذي في السابق يستعملون الاندكروزر عندما يريدون شراء سيارة جديدة اول ما يفكرون في اليوكن والتاهو وغيره من السارات ذات الجوده والسعر المناسب.

اما الاندكروزر اعتقد انه في طريقه الى الانقراض وبعد ذلك تأتي مشكلة و ندرت قطع الغيار والسبب . سعره المبالغ فيه جداً. والغير معقول واهانت الزبون اذا اتيت الى الوكالة تريد شراء لاندكروزر مع سعره الغالى جداً كأنك تشحذ يرصونك في حجز خمسه وسته شهور ولا يحدوك على الشريطية الحرامية فارق 30000الى 40000الف ريال عن سعر الوكالة !!!!!!!! هذا ماهو شراء هذه اهانه
اكرم نفسي واشري يوكن او تاهو اشوفه واختاره واعد اقروشي واركب سيارتي واتوكل على الله واترك الاهنات اهلها.

طبعن انا من مستعملي الاندكروزر من سنين وسيارتي القادمة ان شاء الله تاهو Z71
وتقبلوا تحياتي

طيب انا هنا للي يشكك ما دخلت اليوكن والتاهو مثل بعض الاخوان الي دخلهم الاخ عمر

المهم انا تحداك بهاللي في التوقيع نوقف النهار كله و في شهر اغسطس ونشوف اذا الحراره تحركت شرطه وحده انا اكتبه باسمك و نمشي اي درب تبيه

و طيب على كذا ليش في امريكا الجنوبيه ما يستعملون الا جموس ليش ما فيه لا كروزر ولا شاص وهم هناك من جبل الى وادي الى صحاري لها 400 سنه ما جاها قطرة ماء لان بكل بساطه ما فيه توزيع لشركة تويوتا قوي في ذيك المناطق وهذا نفسه اللي صاير في المناطق اللي ذكرت ولو تدخل مواقع GM ما تلاقي الا ماندر في المناطق مثل افريقيا مصر و ليبا و جنوب افريقيا بسسسس

و انا شخصيا لا اقلل من قدر الكروزر وهو سياره مثلها مثل اي سياره اذا طرحت فيه البركه فلو هي تشيري صينيه عاشت 100 سنه

تحياتي

مع احترامي لمشرفنا العزيز/عمر,بالنسبة للاندكروزر في تجاوز العوائق الطبيعية فسيارات كثر تفوقت عليه في هذا المجال وبالتحديد الشروكي واللاندروفر ولنا في جماعتنا تجربة في ذلك كما انها تتفوق عليه في تقنيات الدفع الرباعي ووسائل الأمان وقوة العزم وكلنا نعرف مستوى الأمان الضعيف في االلاند كروزر وسهولة انقلابه وضعف المحرك.بالنسبة للحرارة فأستغرب من شخص خبير هذا الكلام فالسيارات الأوروبية والأمريكية (محركاتها ) أقوى تحمل للحرارة من الأسيوي أما سيارت الامم المتحدة والغير متحدة فهذا ليس بمقياس في عيون الخبراء لقوة تحمل السيارة وألا كان ماشفت اللومينا سيارات للدوريات عندنا .اللاندكروزر سيارة مثلها مثل غيرها ولكن المبالغة فقط عندنا ربعنا واللي مايسمعون فيه كلام وفيه خرابات زيه زي غيره .بقي ان اقول ان كلامي هذا موثق بتجارب شخصية وتجارب مقربين لي ولهذا أرى (شخصيا) ان اتجه لليوكون أو الدرانجو أو الاكسبدشن,أرمادا,باجيرو,شيروكي .وغيرها الكثير أقوى وأوسع وأكثرأمان ورفاهية ولاتقل عملانية وأهمها أرخص بكثير من اللاندكروزر اللي أحس أن الشعب آخذ فيه مقلب محترم بسعره الاستغفالي وشكرا.

اخوي سيارات الامم المتحده كلها لاندكروزر استاندر

والسيارات اللي قلت عنها انت يستخدمونها مثل الهلي والشاص مثلها مثل اللاندكروزر الاستاندر

سياره خصصت للمكده والكرف

ومن وجهة نظري مهما قلت جودة اللاندكروزر اللي مادري من وين جبتوها يظل هو الافضل اعتماديه حتى الان

الى الاخ عمر جانبت الصواب في كلامك تعتقد انه تويوتا لن تستطيع صنع افضل من هذا الموديل معنى كلامك انه الموديل القادم سيكون اسوأ من الحالي و كلامك معناه ان السيارات الاخرى لا تصمد يوماً واحداً في الربع الخالي مثل البترول
عيب الموديل الحالي ضعف المكينة و هذا عيب من الوكيل او سياسة تسويقية و للعلم في افغانستان يستعملون هايلكس فورويل و في افريقيا يستعملون الشاص كسيارة حربية و ليس اللاندكروزر و قديماً كان اللاندروفر من السيارات الجبارة في مجاهل افريقيا قبل ان يشتهر اللاندكروزر

اتمنى اتزور مراكز الصيانة التابعة لتويوتا واتشوف انواع الخراب لموديلات 2006 و2007 و2008 ...


يعني بالمختصر ما في موتر ما يجيه خراب ... حتى لو كان جديد من الوكالة ...

اخوى ولد وايل الوكالات الخليجيه اغلى وانا اخوك وربعنا ارحم وبلاش تلميع للاخرين حنا افضل كاسعار وخدمات والدليل شوف كيف طايحين عندنا يشترون.......اقول بس الله يخلى المملكه للخليج فى كل شى

الاندكروزر كان سابقا من افضل سيارات الدفع الرباعي .. ..وهذا شي معروف..
لكن حاليا في سيارات افضل من الاند كروزر وقوية .
وايضا الجموووس حق اول الله على جموس اول الى الان في ناس محتفظين فيها الجمس الحوض الاحمر والجمس العائلي الي الان ناس تمسك فيه خطوط سفررر.
يعني الامريكي والياباني اول كلهم كانو قويين .
والحين ظهروا منافسين جدد في عالم الدفع الرباعي والكل يتنافس يكون الافضل.

اخوي صاحب الموضوع بالنسبه للاندكروزر سياره لها عشاقها ومحبيها وسياره مافيه احد يشك بقدراتها بالمناطق الوعره الا القليل ..... لكن بالنسبه لأخوي الي تكلم عن الامريكي والحراره فعلا اخوي بس هذا الكلام كان في المديلات القديمه ومحدوده وكان في ماركات محدوده قليل تحصل من GM لكن كثير من دوج فا اخي لا تعمم اخوي اذا راح نتكلم بالعموم الياباني وخصوصا النسيان والمستوبيشي من اسواء الشركات سابقا والمازدا يعني اليابان ماطلع منها ألي يفتح العين الا التويوتا وكذالك الامريكي مافيه الا GM وفورد بدات مؤخرا باظهور بعد ماتركت GM المجال لها بعد توقيف السياره الشهيره الي مافيه احد تذكرها عنده الا والمديح ينهال عليها الي هي الكابرس .... يعني اخوي السيارات فيه الصالح وفيها الطالح واذا انت اقتنعت بشئ فهذي قناعك الشخصيه لاتحاول تملي على الغير قناعاتك لكن ممكن تذكره له .... بالتوفيق للجميع

خلاص باخذ احتياطي لا رحت جسر البحرين باخذ معي سيارة اووربية بس ...
والله انا اشهد ان التويوتا انتجو موتر الا وهو الكروزر بس عيبة السعر المبالغ فية فقط ...

^^^^^^^^^^^^^^^^

ياعيني عليك والله ماقدر ازيد على كلامك الرائع اخوي عمر

اللاند كروزر هي سيارة الطرقات مهما كانت

لكن الحديث والسوء عنها يعود للوكيييييييييل


ولكن هنا للأسف وصلت التعصبات المهزلية الى عالم السيارات

بحكم ان من يملك شئ يحبه وبل يدافع عنه ان أحدهم قام بتجريح سيارته وكأنه جرح كرامته الشخصية ^_~

أصلا كلا الحالتين مخطئ , أولا من يقوم بإسائة عن شئ لاصحة له

والآخر مخطئ ايضا بغضبه وكأن أحدا شتمه وجرح كرمته وفخره ^_^

وللأسف الشديد هذه المواقف صايرة "بيننا"

حالة والله ولكن وش نقول ^_^

فمان الله

أضحك احيانا على تعصب بعض الشباب بالمنتدى ..
لما قرأت بمجلة توب قير تقرير عن اللاند كروزر كان الكاتب الانجليزي يمدح ويبجل اللاند كروزر بطريقة عجيبة جدا .. بل انه كان يكتب بعض المقارنات مستهزءا باللاند روفر .. وكلنا نعرف الانجليز وتعصبهم الشديد لسياراتهم وكان ما بهالدنيا الا جاغوار ولاند روفر ..
ولكن تعصبه الشديد اللي مكتسبه وراثة ما منعه من انه يعترف بان اللاند كروزر سيارة اسطورية لم ولن يصنع مثلها بالتاريخ .. بل اني اشك احيانا في قدرة تويوتا على تصنيع سيارة شبيهه باللاند كروزر ..
اللاند كروزر كسيارة او كمجموعة سيارات اللي تحمل اسم لاند كروزر هي السيارة الرسمية في جميع حروب دول العالم الثالث ..
علمني ليش في افريقيا ما يستعملون يوكون وتاهو ؟؟ لانهم ومع احترامي لعشاقهم ما يعيشون شهر في طرق افريقيا ..
علمني يااخي يمكن انا مااشوف زين .. ليش طالبان والقاعدة تستخدم تويوتا في اصعب طرقات جبلية بالعالم ؟؟!! ليه مااشتروا سييرا او يوكون اللي اسعارهم نص اسعار اللاند كروزر والشاص والبرادو والهايلوكس وغيرها من سيارات تويوتا ؟؟!!
افتح يوتيوب وشوف تجربة فيفث قير للاند كروزر ..

اللاند كروزر هي السيارة الرسمية لمعظم حكومات دول افريقيا ..
لاند كروزر هي السيارة الرسمية للامم المتحدة .. تدري ليش ؟؟!! لانها تمشي بالثلج .. تمشي بالرمال .. تمشي بالاسفلت .. تمشي بالجبال .. تمشي وين ما تبيها تمشي ..
لانها السيارة اللي تثق فيها لما تمشي طريق صحراوي طوله اكثر من 100 كيلو انها ماراح تنكبك ولا راح ترتفع الحرارة ..

يا الله لولا خوفي من المتعصبين ورغبتي بالبعد عن المشاكل بالمنتدى كان صورت لكم منظر السيارات الامريكية في جسر الملك فهد لما تعطل نظام الجوازات ثلاث ساعات بالظهر ..
غريبة في ذاك اليوم ان 90% من السيارات اللي فاتحة كبابيتها كانت امريكية .. حتى ربع الكوري كانوا جالسين بالمكيف ومرتاحين بدون اي مشاكل ..

انا انسان من انولدت وانا مااشوف الا الاوروبي قدامي ولا اعترف لا بامريكي ولا بياباني .. ولكن كلمة الحق يجب ان تقال ..

إيش الجديد في الموضوع . . !![/CENTER]