اسألني في السيارات الكورية واليك الحل

معاي سيارة كيا كرنفال 2001 ls عطالها انها ماتصلح استرت الالما تكون دايس بنزين بس اول مترفع رجلك من فوق البنزين توقف الرجاء الاسرع في الرد لان السيارة واقفه

وعليكم السلام ورحمة الله

افحص مدى سلامة فلتر الهواء لربما يلزمه تغيير .
افحص اذا يمكنك تغيير نوعية الوقود الى 95 اوكتان , حسب رايي هو افضل .
اعمل على تغيير البواجي , يعني بعد 50.000 كم حسب رايي يلزم تغييرهن .
والله اعلم .

السلام عليكم جميع أنا سيارتي سورينتو 2007سته سلندر 3’3وماشيه 50ألف وصرت الحين تصرف بترول زياده وقومتها أضعف مع إني أصينها في الوكاله وأخر مره بدلوا كل الزيوت وما تغير شي غي أن الجير صارت تبديلاته مش سلسله ويسوي صت لما أغير من الدي إلى ان وجربت أبدل البلكات بنفسي وحصلت عليهن سواد كثيف وكأنهن محترقات بس ما فرقت كثير مع أن الوكاله قالت تبديلهن على 100ألف يعني باقي نص عمرهن الإفتراضي وعن الأكزوز الأخير أحصل كميه كثيفه من السواد وخبروني بعض الشباب بأن هذا بترول مو محروق؟؟؟؟ فشو تفسيرك ياخبيرنا؟؟

كل عام وانت والجميع بخير اخي الكريم : منيرش
ويسعدنا استمرار تواصلك ...

ان تكرمت اخي الكريم , ومن اجل التوضيح اكثر ولتعم الفائده اكثر ...
ويرجى التصحيح ان يوجد خطا , بارك الله فيك

يعني الوصله التي كانت تتصل بمضخة الوقود والقادمه من جهة بيت الفيوزات فيها سلكان واحد يسري به تيار موجب والثاني للسالب لكنه يحصل على هذا السالب من مضخة الوقود عند توصيل الوصله , الان وبما انه تم فك الوصله من مضخة الوقود اذن الحاجه الان هي لتوصيل سلك سالب لتلك الوصله بدل السالب الذي كان يحصل عليه من مضخة الوقود والتي متصله بجسم السياره داخل خزان الوقود , الان عند توصيل السلك السالب من جسم السياره الى تلك الوصله القادمه من جهة بيت الفيوزات هنا تكتمل الدائره الكهربايه وعندها اذا ارتفع مؤشر العداد فالعداد سليم والخلل من المضخه والعكس صحيح .
هل هذا ما قصدته اخي الكريم : منيرش ؟؟؟
ويسعدنا ان تصحح هذا التوضيح [COLOR=Red]ان به خطا لتعم الفائده ان شاء الله .[/COLOR]
مع خالص الشكر

اخوي
المشكله في شك الهواء الموجود على كبك الدعسه (عند سلك دعسه البنزين) ولازم تروح عند ميكانيكي او محل فحص كمبيوتر وتخليه يفك الكبك وكله اربع براغي وينظف الكبك من الزيت كويس ويعاير قطعه مربعه اسمها TPS حساس البنزين ويشوف شغال ولا لا ويخلي قراءته من 08-010

اخوي
كل عام وانت بخير
اكيد حل المشكله بسيط
هاي عوامه البنزين موجوده على مضخه البنزين في تنك السياره الموجود تحت الكرسي الخلفي تكون فيها غلط حلها بسيط جدا لما تروح الوكاله كل شغلها ربع ساعه
او يكون العطل من نفس تابلو الساعات
اعطيك طريقه الفحص
1- فك الكرسي الخلفي للسياره وفك وصله السلك الموجوده على مضخة البنزين
2- جيب سلك رفيع ولمسه على بودي السياره يعني الناقص
3- لمس السلك على المخرج يلي فكيته من المضخه ورح تشوف ارتفاع العداد اذا ارتفع للاخير بكون العوامه اما اذا بقي الحال على ما هوه بدك تفحص العداد

عندي ليغانزا موديل2000 كير عادي أشعر بصوت ضوجان الماكينة مرتفع فما سبب والمشكلة الثانية عند بدأ تشغيل يخرج دخان أسود وينقطع فما هو السبب؟

سيارة جديدة متى يوزن الأذرعة ولا يوزن على تغيير الكفرات ؟
كم علبة زيت يحتاج المحرك بفلتر أو بدون فلتر سيارة آزيرا 6سلندر بقوة 3.8
علما أول تغيير عند الوكالة 6علب مع الفلتر

الله يجزاكم خير على افادة الجميع ..
عندي مشكله استعدوا للقصه عسى تفهمون خخخخ
انا الاسبوع الماضي كانت السيارة بالوكاله وتم عمل صيانه عامه حيث انها ماشيه 76000 ومع الصيانه تم تغيير سير التايمن وجميع سيور المكينه حتى سير المكيف .. وغيرها من القطع بواجي واقمشه وفلتر البنزين وفلتر القير وفلتر الهواء ..
المشكله وهي سبب رئيسي بأني اعمل صيانه هو اني كنت ماشي بالسيارة مع عقبة ضلع صعوداً قادماً من جازان .. ومع الصعود اذا جيت الف بالدركسون يكون ثقيل سواءً يمين او يسار واسمع صرصره واضحه جدا توقعت انها من السيور مع العلم اني غيرتها وقت سيارتي كانت ماشيه 60.000 تقريبا
بسبب نفس المشكله ومع العلم ايضاً ان الصوت غالبا لا يظهر الا اذا كانت السيارة تتجه صعودا وهذا ما يميز مدينة ابها .. ومع تغييرالسيور للمرة الثانيه وفي الوكالة الا ان الصوت لازال موجودا للمرة الثالثه..
..
مشكله اخرى جديده ظهرت بعد يومين من خروجها من الوكالة وهي اني اذا كنت ماشي وتوقفت عند الاشارة مثلا مع الضغط على الفرامل يظهر لي صوت طررررررررر طرررررررر خفيف واذا شغلت المكيف زاد ثم يخف ويختفي اذا فكيت الفرامل ؟؟

..
ادري طولت لكن لازم تعرفوا ايش صار حتى تحكموا و ترون ما حل المشكله .. وبصراحه انقهرت يوم اني ادفع 1800 ريال ولسه نفس المشكلة موجوده ..
وأي سؤال انا حاضر


,,,

السلآم عليكم ورحمة الله وبركاتة ،


انا عندي سوناتا موديل 2008

لمبة الإيرباق شغالة + حزام الأمان مشدود كلياً ماقدر اربطه او احركه حتى

هل المشكلتين مرتبطتين في بعض ؟

من العايدين اخوي الغالي:

انا لسه مطلع سوناتا 2009 لكن المشكله لما اعبي فل بنزين مايوصل المؤشر الى علامةF . يوصل فقط الى ثلاثة ارباع ويوقف مع اني عبيت من محطتين مختلفه ونفس المشكله ماتغيرت طبعا ناوي اروح للوكاله لما اكمل 1000 كيلو بس استفسر لاني اخاف يكون فيه مشكله كبيره ؟

اخوي
فيه تحت تابلو السياره قطعه كامله اسمها (كت الكندشن) فيه حساس للبروده والحراره ووظيفتها فصل الكمبرسر عند وصوله لدرجه حراره او بروده معينه
اللي بصير معاك انه الكمبرسر ما بفصل وما بريح لما يتحترق روح لكهربائي وخليه بفحص الحساس ويغيره ورح تروح مشكله السياره والاهم خليه يضيف زيت مع غاز الكندشن حتى يسهل على الكمبريسر الحركه

اخوي
اكيد عندك تهريب كهرباء بالسياره من احدى الماكينات
النصيحه قبل ما تترك السياره 3 ايام حاول فك كيبل البطاريه الموجب وابعده عن القطب الموجب وبعدين يومين او لما بدك تستعملها رجعه مكانه وشوف اذا كانت تشتغل بكون عندك تهريب كهرباء ولازم تشوف كهربائي شاطر وفهمان
اما اذا المشكله نفسها تكون البطاريه هي السبب
اجو التجربه والرد برساله لستفيد الجميع

اخوي
1- اهم شي اغسل السياره بعد رفعها بزيت بور ستيرنج 10 حتى تليت الجلود كامله لحتى ما تسمع صوت مزعج على المطبات لانه من التخزين الجلود بتكون ناشفه وبعدها تليين .
2- غيار قشاط التاينمنج (سيور) مع باقي السيورات.
3- اتاكد من الكفرات ومدى صلاحيتها .
4- اهم شي روح على محل ميكانيك وخليه يفتح (كبك الدعسه) الموجود عليه سلك دعسه البنزين ويشوف فيه اثار زيت واذا فيه لازم يفكه وينظفه بماده تنظيف لحتى يسمح لدعسه البنزين بانها تفتح وتسكر بشكل صحيح
والاهم غيار الزيت وممكن تختار الزيت حسب الكاتالوج في السياره .

اخوي اسف للانقطاع بس خط النت فاصل بسبب عطل في الشركة والعلم عند الله منذ اسبوع
بخصوص اللمبه هاي تعني افحص المحرك ومو مهم انه يكون المكينه (يعني عندك على جسم الماكينه حساسات كهربائية) منها حساس البنزين والاكسجين سنسر والثروتل والشك الصباحي واكيد احدى الحساسات ضعيف
النصيحه راجع محل فحص كمبيوتر وخليه يتاكد من قراءت الحساسات ومقارنتها بالجديد وبالتحديد الاوكسجين سنسر ويتاكد من الفيش بعدين حساس الكرنك والكمشفط ممكن بعد تغيير السيور انقطع سلك الكرنك سنسر او ما ركب الحساس صح
ارجو ان اكون قد اجبت وارجو منك موافاتي بما عملته وكا هو العطل ليستفيد الجميع

افحص مدى سلامة ظفيرة او جدلة الاسلاك الكهربائيه التابعه
لنظام الاشعال , وللكويلات وللدلكو , لربما به خلل او تم توصيل الاسلاك بشكل غير مناسب .
افحص مدى سلامة دينامو السياره .
والله اعلم

اخوي انا عندي في سيارتي سوناتا 2006 كويل المكيف مسبب لي ازمه كبيره

هذا ثاني كويل أغيره .. الاولى قبل ثلاث اشهر والحين قالوا ظرب الكويل مدري احترق ولازمك جديد !!

المشكله وين تكون فيه .. ما اعتقد في نفس الكويل

هل ممكن تكون توصيل كهرباء او شي من هالكلام ؟


طبعا المشكله كانت في انه المكيف مايشتغل على طول .. الكمبورسر يفصل بسرعه
:)

اخي يمكن مراجعة الوكاله لاعادة برمجة الكمبيوتر بالسياره ..
او اي ورشه معتمده لديها جهاز الفحص والادوات الازمه لبرمجه كمبيوتر السياره .
وبالتوفيق ان شاء الله .

عندي مشكله في العقل اريد الكود نمبر حتى اكدر ابرمجه لسياره توسان 4سلندر 2006